انا عارف ان الموضوع مكرر
بس عاوزين نعرف من ملاك الموبيلات الصينى ليه اشتروه ولو رجع بيهم الزمن هيشتروا تانى ولا لا
و عاوزين نعرف من شنورى سر الانتشار للصينى خصوصا فئة k
عرض للطباعة
انا عارف ان الموضوع مكرر
بس عاوزين نعرف من ملاك الموبيلات الصينى ليه اشتروه ولو رجع بيهم الزمن هيشتروا تانى ولا لا
و عاوزين نعرف من شنورى سر الانتشار للصينى خصوصا فئة k
بص من الاخر...بلاش بلاش بلاش...مش عشان صينى وهيبوظ...لا...بس انا هحكيلك التجربه...انا جبت موبيل انيكول تتش كان ل 800 تقريبا
المهم قعد معايا شهرين واتخنقت منه واهو مرمى عندى فى الدولاب....ليه...
اولا: التليفون بطىء بطىء بطىء فى تلقى الاوامر...يعنى مثلا تجيب الاسامى...ممكن تروح مشوار وترجع تلاقيه جابهم...
ثانيا:التتش بتاعه اعوذ بالله...تدوس على حاجه يجبلك حاجه تانيه....حاجه مش ممكن لدرجه انك تتنرفز وتكون عاوز ترميه تحت عربيتك...
ثالثا:المايك بتاعه صوته واطى جدا....اللى هتكلمه مش هيسمعك اوى
رابعا:شكله فضحى....وبصراحه كده مش منظر...(بيئه بمعنى اصح..انا كنت بداريه من الناس ههههههههههه شكله غبى)
خامسا:لو باظ مش هتعرف تصلحه....
المميزات....
راديو من غير ما تحط السماعه
تليفزيون مش وحش
البطاريه بتقعد 5 ايام معايا
بيستحمل الهبد والرقع وعمره ماهنج معايا (غريبه مش كده)
انا انصح بعد الشراء برضه
أنت فين يا شنوري...
طيب لو مش تاتش ومفيهوش حركات زيادة..يعني يدوبك يشيل خطين وإرسال واستقبال ودمتم...حتى الرسائل مش مشكلة
إيه ممكن يكون جهاز مناسب وحجمه صغير وبطاريته كويسة
أنا أصلا معايا جهازين ويندوز موبايل imate jasjam & smasung i600
يعني بتخنق أساسا من أي حاجة مش ويندوز حتى لو كانت سمارت فون، بس للضرورة أحكام
أنا شفت موبايلات صيني ظريفة بس مش عارف أميز أيهم أفضل، وفعلا محتاج حاجة بخطين بدل فاترينة الموبايلات اللي أنا ماشي بيها
شكرا ل Ahmed20_08nubira
و فى انتظار باقى الاراء
وتقريبا شنورى واخد النهاردة اجازة من المنتدى :E_braces[1]:
لو على أد كده ، فالعدة اللى أثبتت كفاءة وشفتها مع زملاء كتير بدون أى مشاكل
اسمها : T33+ وتمنها فى حدود 290 جنيه.
خطين وكاميرا 1.3 ، وتصوير فيديو ، وتسجيل مكالمات ، وبلوتوث وامكانيات تانية
بس خللى بالك ان فيه منها مضروب
اللى تجيبها يكون مكتوب عليها تحت الشاشة كلمة
gfive
غير كده ما تجيبش.
أنا على فكرة بعد ما شفتها مع أكتر من واحد واطمنت انها كفاءة رحت جبتها قلت له تى 33 وخلاص ، ولبست واحدة مش مكتوب عليها Gfive وانما كان مكتوب عليها anyfone
وللأسف طلع فيها مشاكل ومش عارف أخلص منها.
جزاكم الله خيرا يا أستاذ
Egyziz
إن شاء الله أحاول أشوف الجهاز ده هنا في اسكندرية
شكرا جزيلا
بص يا باشا فى الصينى انا انصح ب ال k و منها ال 300و ال 600 و ال 900 و دول قمة ف لروعة انا من ساعت ما جبتة و انا رامى ال 73 انا معايا ال 300 و بطارية بتعد يومين و تلفزيون روعة و راديو جميل و خطين و كارتين ميمورى و بيستحمل الهبد و الرزع والله ماشاء الله علية روعة و كان ب 400 تقريبا ..
لا
قلبي استنى اعقل متدفعش ولا مليم في موبيل صيني والله العظيم جبتة وباظ بعد 48 ساعه ومن قبل ما يبوظ كان فية المشاكل ديه
البطاريتين كل واحده مش بتقعد اكتر من 7 ساعات
المايك بيفتح اسبيكر بيفتح لوحده
الشاحن العادي الي معاها واليواس بي والشواحن النوكيا اي شاحن كائنن كان اول ميتوصل يقولك خطاء في توصيل الشاحن
وبعد 48 لوحده من ضغط الجيبدون وجود اي شئ الشاشه اتكسرت وفي الاخر بعد ماشتريتة ب300 جنية بيعته ب50 والله
المشكله فى الاجهزه الصينه اول مانزلت نزل منها اشكال وانواع كتير اوى اوى وفى منها كان كويس ومنها كان وحش جدا عشان كدا الاراء متضاربه انا اشتريت جهاز صينى من سنه وشهرين كدا اسمه anycool tc الجهاز انا اشتريته لان سمعت ان انيكول افضل شركه عندهم وطلع بجد حلو جداوطبعا كلنا عارفين امكانياته ولحد النهارده الجهاز معايا محصلوش اى حاجه غير انى جبتله بطاريه بس دوخت على ما لقيتها لان الجهاز مانتشرش فى مصر والانيكول هو الموبايل الصينى الوحيد دلوقتى الى له ضمان فى مصر صيانه ووكلاء والكلام دا زى النوكيا بالضبط مع انى جهازى مكانش فى ضمانهم لانه اتسوق قبل ما ياخدوا التوكيل بس عيب الاجهزه القديمه دى حجمها كبير جدا
فدلوقتى انا جبت جهاز اسمه k900 تحفه بجد نفس الامانيات الى كانت فى الاجهزه الكبيره بس بيحجم صغير جدا ورفع زى موتورلا l7 وحلوا مشكله البطاريات الغريبه بتاعتهم دى والشواحن وبقى الجديد بيشتغل بشاحن وبطاريه نوكيا او موتورلا وسعر 380 جنيه يعنى مش خساره فيه وعايز اقولك انى كان معايا نوكيا كنت شاريه بالفين جنيه وباظ ومرمى والله فى درج المكتب محدش عرف يصلحه والى عايز يصلحه بيطلب مبالغ كبيره فقولت مادام كله قريب من بعضه جبت الصينى كتجربه وسعره مش غالى وطلع كويس بجد بس انواع معينه
اسف على التطويل
بس اللي يفكر يجيب موبايل صيني فئة k سواء 300 أو 600 أو 900 .. ينسى حاجة أسمها كاميرا .. وحشة .. هو الموبايل مش معايا .. بس مع ناس زمايلي .
ودي الملحوظة اللي لاحظتها .. غير كدة ما أفتيش في أدائه .
هو فعلا الk600 داة شكلة شيك أوي شبة السوني أريكسون و ناس أصدقأى كتير مجربينو و بيشكرو فية جدا لاكن غير كدة في الصيني كلة مضروب
انا معايا حاليا جهاز اني كول لسة شاريه من شهر و نص كده و معاه ضمان سنة .. الجهاز كويس و حجمة كويس و صراحة شيك و عملي جدا ... بس طبعا يعيبه ان البطارية عمرها قصير جدا و الكاميرا في الضياع طبعا .. .بس في الاجمالي التليفون مريحني و شكله كويس و حجمة رائع ...... الصين هي ست الكل :E_braces[1]:
شكر ل Egyzizo و max_ziro و yahiahelaly و medo_2060 و ziabassem و eltorky و El.Hossieny
المشكلة انى مش محتاج موبيل دلوقتى بس بفكر اجرب وبس لمجرد التجربة نى بس متردد علشان ملوش ضمان و خايف اشتريه البسه بعد يومين
بس بصراحة ناوى اجرب , وياريت لو حد يقولىاضمن مكان ممكن اشترى منه وميضحكش عليا
انا كل الى اعرفهم وجابوا صينى محدش اشتكة منة خالص غير واحد معاة انى كول والسوفت وقع
انما ان الموبايل يبوظ بعد اسبوع محصلتش مع حد من الى اعرفهم
والموبايلات الصينى طالعت حمالة قسية وبتقع كتير من اصحابى وعادى ولا 3310 فى زمنها
وانا ناوى انى لما اغير موبايلى اجيب صينى
لا شكر يا باشا .. احنا كلنا اخوات في الله في هذا المنتدي ..لو حضرتك عايز اضمن مكان تجيب منه يبقي عليك و علي حاجة يكون ليها ضمان هنا في مصر .. و حاليا في مصر مش متواجد غير موبايلات Anycool اللي ليها ضمان ... و ده موقع شركة المتحدة اللي اخدت توكيل اني كول في مصر ممكن تشوف الموبايل اللي يعجبك
المتحدة اني كول
يا باشا انا اسف اني اتاخرت علي حضرتك في الرد بس عندي شويه ظروف اليومين دول مخلييني مقدرش اتابع المنتدي زي الاول
بس عموما انا مش حقدر اكسفك وححاول اشرح علي قد تجربتي الشخصيه وفهمي الضعيف للموضوع علشان ملقيتش اصلا مراجع ادور فيها
بص يا باشا
حضرتك طبعا عارف ان الشعب عندنا بيقيس كفائه التليفون المحمول بصوت النغمه
و99% من الناس اول حاجه تعملها في التليفون انهم يسمعوا نغماته ومش مهم اي حاجه تانيه
ودا كان اول وتر لعب عليه المستوردين انهم جابوا تليفون صوته عالي وخلاص
ومش مهم اي حاجه تانيه
وبدات تنزل الاجهزه بمسميات غريبه زي الاني كول والنوكلا
واجهزه تانيه بتنزل كوبي من النوكيا الاصلي وياما ناس اتضربت علي قفاها واشترتها بتمن النوكيا الاصلي
يعنر مره واحد اشتري ان 96 صيني ايام ما كان لسه الان 95 النوكيا لسه طالع ودفع فيه 2800 جنيه لمجرد انه افتكره نوكيا وب4 سماعات
================================
نيجي بقي للجهاز نفسه وتكوينه الداخلي
طبعا اول جهاز فتحناه كنت انا واصحابي اللي بيشتغلوا هارد وير
فكيناه وبنبص علي البورده اكتشفنا ان كل حاجه في الجهاز معتمده علي اي سي او اتنين بالكتير
يعني في النوكيا بتلاقي مجموعه للشحن وباور الجهازومجموعه للشبكه ومجوعه للكاميرا وكل حاجه ليها اي سي ودواير مخصوصه لتشغيلها
الصيني بقي كله علي بعضه سلطه عباره عن اي سي مدمج بيقوم بكل العمليات
ودي في حد ذاتها تكنولوجيا متطوره خلتهم يعملوا تليفون في ساعه او في خاتم وبيكون فيه كاميرا وشاشه تاتش وبيقبل ميموري كارد واحيانا خطين
لما بصينا علي لحامات الجهاز حسينا انها ملحومه بمكواه رجل وفيه كتابات غريبه بالايد عليها
وكل ده كان في اول جيل نزل عندنا اللي هو كان بخط او خطين وكاميرا وبلوتوث
ودا كان بيعتمد علي نوعيه بروسيسور اسمها MTK6226
=============================
بعد كده نزلت الاجهزه اللي فيها تليفزيون (C1000-C2000)وارقام تانيه كتير بس اغلبها بيبدا بحرف C
وكانت ضخمه اوي في حجمها
ودي كانت بتعتمد علي بروسيسور متطور شويه اسمه SPD
ومكانش فيه اي اختلاف عن الاجهزه التانيه غير ان دي فيها تليفزيون
وفيه اجهزه تانيه منها مفيهاش تليفزيون ومن اكثرها انتشارا ال ان82 الكوري افشل جهاز صيني نزل مصر
==============================
بعد كده نزل جيل اللي بيبدا اغلبه بحرف (k)
300 و300+ و900
ودي البروسيسور بتاعها تكنولوجيته مختلفه شويه واسمه MTK 6225
وتقربا بتنزل من غير تليفزيون او تاتش
ودي عيوبها اقل من النوعيات التانيه
===============================
نيجي بقي لمشاكل الاجهزه الصيني
90% من المشاكل ان التليفون بيعمل ريستارت اول ما يجمع شبكه وشغل كويس من غير خط
تفسير العيب من الزبون :
كان واحد صاحبي بيبعتلي نغمه والجهاز عمل كده
السبب:
المساحه الداخليه للجهاز اقل من ربع ميجا
فبالتالي اي حاجه بيستقبلها بيتم استقبالها عن طريق الجهاز اولا والجهاز بيبعتها علي الميموري كارد
فلما الميموري الداخليه بتاعه الجهاز بتتملي الجهاز بيعمل ريستارت كمحاوله منه علشان يفضي راماته اللي اتملت بالداتا علشان يعرف يشتغل
فولا منه بيعرف يفضيها ولا منه بيشتغل وبيفضل يعمل ريستارت مدي الحياه لحد ما يتعملله فورمات عن طريق مختص بالسوفت وير
ودا العيب الشائع في اي جهاز من النوع الاول اللي انا قولت عليه (MTK6226)
==============================
الاجهزه اللي فيها تليفزيون
احيانا بيكون التليفزيون بيشتغل من الزرار بتاعه بس وملهوش اي قوايم جوه الجهاز
فلو ازرار باظ خليك عايش مع الراديو لانه مش حيتصلح
طبعا غير عيوب التهنيج انك لما تيجي تفتحه بيثبت علي شاشه الترحيب
وبالنسبه لل ان 82 الكوري فده 90% من محلات السوفت وير بترفضه لاي عيب فيه
لانه بعد ما بياخد السوفت وير بتاعه الجهاز بيقف علي شاشه التاتش ولازم تتغير
يعني حيدخلله في حوالي 120 جنيه تصليح ودا اكتر من تمنه مستعمل
================================
الاجهزه من جيل ال K
انا شايف انها احسن اجهزه صيني ممكن الناس تشتريها لان عيوبها قليله بالمقارنه بالانواع التانيه
ولحد النهارده لو كان جالي 500 جهاز صيني محتاجين سوفت فكان منهم 3 او 4 من النوعيه دي لان عيوبها قليله
================================
في الاول والاخر انا مبنصحش بيها لانها اجهزه غير اعتماديه بالمره
قوه اشعاعها واشارتها وذبذباتها اكبر من النسبه المصرح بيها ودي تحسها لما تلاقي حد بيجيله صداع من كتر الكلام في الاجهزه الصيني
بس برضه هي علي قد فلوسها وتمنها ميزعلش حتي لو الجهاز ضاع او باظ
================================
دول شويه الحاجات اللي جم في دماغي وانا قاعد واكيد اغفلت عن حاجات كتير او قصرت في شرحها لان عندي درجه التركيز =صفر
بس لو فيه اي استفسار عن مشكله معينه او حاجه مش واضحه قولولي وانا اكمل معاكم الموضوع
معايا anycool d58+ كنت جايبة من شهر يناير الماضي من المتحدة بضمان سنة ولولا الضمان مكنتش جيبتة
وطبعا السبب الرئيسي هوا انة بيشيل خطين لأن كان معايا أي ميت وحجمة كبير فا كنت بتخنق اني اشيل تليفونين ، اشتريتة مع الأي ميت وقلت أجرب عجبني الحال اوك معجبنيش هرمية ولا ابيعة
شوية ولاقتني ابتديت اعتمد علية وتمام مفيش مشاكل روحت بايع الأيميت والتليفون دة لسة معايا وتمام ، وحتي لو حصل حاجة بودية ضمان ، كان حصل مشكلة مايك فقط اول ما جبتة ودخلتة مرتين تلاتة علي ما اتظبط ، وجالة فترة هيس مبيشوفش الخط التاني وبعدين اتعدل لوحدة قبل ما اودية ضمان
واللي عرفتة بعد كدة من عضو معانا هنا ان anycool بتراعي معدلات الأشعة مش فاكر اسمها اية ونزلت شيت فعلا كان فية الموديل بتاعي ونسبة الأشعاعات بتاعتة
وسبب اختياري للموديل دة انة شكلة شيك وحجمة صغير وفية كل حاجة تقريبا ، بالنسبة للميموري بتاعتة حوالي 200 كيلو فعلا بس معاة كارت جيجا وبيستقبل الملفات علية تلقائيا فا دة مش عاملي مشكلة
انت لو عايز تجيب جهاز كويس فعلا وبضمان هات انيكول ولو عايز جهاز وميفرقش معاك الضمان هات k900 لانه بجد ممتاز وفيه تلفزيون على عكس ما الناس فاكره انه حجمه صغير بس هو فيه كل امكانيات الاجهزه الصينى الكبيره وطبعا هتلاقيه فى كل حته وسعره زى ماقلت قبل كدا 380 يعنى مايتزعلش عليه لو لقدر الله حصله حاجه
المشكله يا جماعه مش في بطاريه او خط
المشكله انك ممكن في لحظه وعلي اتفه سبب الكونتاكتس بتاعتك تطير في الهوا
وبيتهيالي مش حتفرق الفلوس ساعتها
علشان كده انا مصمم انه تليفون لا يعتمد عليه في اكتر من ارسال واستقبال
والله يا جماعه عن تجربه انا جايب تليفون صيني من 7 شهور والحمد لله زي الفل هو نوعه e77 الاوبشن بتاعه قريب من اوبشن النوكيا وكان غالي ايامها كنت جايبه ب500 جنيه بس الحمد لله جهاز محترم الي حد ما بس انا جبته لان موبيلي النوكيا ضاع متطر وبعدين لسا شاري جهاز لواحد صحبي اسمه x1000 بس هو نفس شكل الكيهات بس شكله جهاز محترم والكاميرا بتاعه واضحة جدا الاجهزة الصيني في تطور
الموضوع دة وارد علي فكرة في اي تليفون وكان بيحصل معايا في الأي ميت ان الويندوز يحصل مشكلة مثلا أو في النوكيا انة يوقع سوفتوير والحل طبعا المتبع دايما ان الواحد ياخد باك اب علي الكمبيورر ودة متاح في الجهاز الصيني اللي معايا ، غير كدة كل فترة بحذف الأرقام من علي الشريحة وبعدين انسخها من التليفون للشريحة تاني كحل أسهل من التوصيل بالكمبيوتر ، خصوصا بعد فلترة الأرقام وسايب اللي بحتاجها فقط علي التليفون فا عددهم مش كبير قوي ، والباقيين علي الكمبيوتر
لو قصدك سوفت وير فدا بيحصل فعلا بس فى كل الانواع متهيألى معلش لو كنت رديت عليك باسلوب ناشف شويه لان فى ناس ما بتصدق تشوف كلمه صينى وتلاقى حنفيه الفتى والتاليف اتفتحت وبسمع حاجات غريبه الصراحه لكن كدا انا فمهت وجهه نظرك
عموما شكرا لتوضيحك وربنا يوفقك فى شغلك
يا باشا ولا يهمك احنا اخوات وحقك تدافع عن محصله تجاربك
بس بالنسبه لانه بيحصل في كل الانواع فدي مش صح
حقولك علي عيب جالي في جهاز صيني ومش بيحصل في حته
كان موبايل ان 73 صيني كل ما تجيله رساله يعمل ريستارت لما تفتحها
وبكل الوسائل من فورمات لسوفت وير كامل هو نفسه العيب مش بيتغير
ودي حاجه مش بتحصل في كل التليفونات
غير كده النوكيا او السامسونج ليهم طرق معينه وسوفت وير معين نقدر نتعامل بيه معاه
الاجزه الصيني كل جهاز وليه سوفت مختلف حتي لو نفس الشكل والنوع
العالم دي معندهمش توائم متشابهه كلهم مختلفين
واحنا يطلع عيننا ورا منهم
وعلي فكره
فيه مراكز صيانه معقله اعلانات بره المحل مكتوب عليها (لا نعمل في الهارد وير الصيني)
وحنفيه التاليف دي مفتوحه من زمان
لما كان التليفون تقوله اتصل بخليل يطلع دراع من التليفون يطلبلك النمره ودا كان تفسير بصمه الصوت عند الناس
وفيه ناس اقسمت باغلظ الايمان انها شافته بعنيهم اللي الدود حيقرف ياكلهم
تمام يا أستاذ شنورياقتباس:
في الاول والاخر انا مبنصحش بيها لانها اجهزه غير اعتماديه بالمره
قوه اشعاعها واشارتها وذبذباتها اكبر من النسبه المصرح بيها ودي تحسها لما تلاقي حد بيجيله صداع من كتر الكلام في الاجهزه الصيني
شكرا يا باشا و طبعا كلنا اخوات وانا بعتبر المنتدى بيتى التانى
اما بالنسبة للموبايل انا بفكر فى ال k900
ياباشا الله يعينك و يقويك وشكرا على كم المعلومات الهائل
وانا بفكر فى ال k900 شكله عجبنى و لما فكرت لقيت انى هغمر ب 400 جنيه بس ولو معجبنيش عندى موبيلى
بس هل ال k900 افضل من العدة اللى قال عليها استاذ Egyzizo وهى t33+
[sor2]http://www.7ozo.com/Anycool4/k900.jpg[/sor2]
[sor2]http://dc100.4shared.com/download/143629474/e888a5c1/45_online.JPG?tsid=20091025-195301-3b7a1b5a[/sor2]
شكرا ل medo_2060 و KSA2011
وفعلا ال k900 واكل دماغ ناس كتيير
أكيد أفضل من ناحية الامكانيات
الـ T33+ عدة بسيطة ومافيهاش تليفزيون وعلى فكرة شكلها ظريف فى رأئي.
بس الحقيقة أنا كان هدفى الوحيد من الموبايل الصينى هى انه يشيل خطين ودمتم ، فهى تكفى لهذا الغرض
وبمناسبة العدة دى ، أنا طمعان فى استشارة يا أخ شنورى ..
زى ما قلت قبل كده إنى جبت اللى مش مكتوب عليها Gfive وكان مكتوب عليها anyfone وطلعت مش هى الأصلية.
على أى حال هى مشكلتها الوحيدة ان لما حد يتصل بيا ، تفضل بعدها الشاشة منورة على طول
يعنى المفروض الشاشة تنور كام ثانية وبعد وقف النشاط على الموابيل تطفى علشان توفر فى البطارية.
هى فعلاً بتعمل كده إلا فى حالة لو حد اتصل بيا ، بتنور بعديها بدون أن تنطفئ ، وباضطر أطفى الموبايل وأشغله تانى علشان ترجع تظبط تانى.
فهل مشكلة زى دى ممكن يكون ليها حل؟
انا معايا t33 وجهاز واللة جميل جدااا ومعايا بقالة 7 اشهر
ومظهرليش فية اي عييب وبيعت ال 73
طالم الصيني وفرلي احتياجااتي
........................................ز
مفيش الا الانى كول ومن افضل الموديلات- عن تجربه داخله على 5 شهور والموبايل عامل ساعات متقلش عن 300 ساعه فى الخط الاولانى وحوالى 50 فى التانى بحكم شغلى- هو t718 كفاءه واعتماديته كبيره جدا
والموبايل مشتكاش ووقع منى حوالى 6 مرات بغباء ولا الهوا مفيش الا سماعه فصلت فى المره السادسه (اشتكت)بسبب انه وقع من السلم من الدور الاول للارضى حوالى 15 سلمه بس التانيه بتسد وناوى اوديه التوكيل اللى فى مكرم بس مش فاضيله
واللى عايز اى استفسار انا تحت امره وممكن ابقى ابعتلكو صورها بعد الطحن علشان تشوفوا اللى اتغير فى شكلها الخارجى(قشرت على خفيف قوى)
بالنسبه للسوفت 10/10 خفيييييييييف وبسيط وبالنسبه للتليفزيون والراديو والتسجيل فل الفل وعلى فكره التاتش بتاعها تمام رغم الخبطات اللى خدتها بس انا كده كده مبستخدموش الا فى الرسايل علشان بيلخص جامد
العيوب
نادرا بيحصل تهنيج لو مكالمه جتلى وبلاقى صوره الخلفيه ومينفعش افتح على اللى بيتصل بيا:(
الميمورى الداخليه 200 كيلو ومبتشيلش اكتر من 190 رساله تقريبا و500 من الكونتاكت من غير الشريحتين (500 على التليفون و250 لكل شريحه)
بالنسبه للاشعاع وال sar فهى فى الحدود الامنه تماما
وانا كنت عامل عنه موضوع فى الدى فى دى
بعد اذن الاشراف طبعا
اقوى موضوع عن الانى كولT718 وتحليلى له وللتوكيل بالتفصيل وتحميل وتشغيل pcsuit بتاعه - موقع الدي في دي العربي - DVD4ARAB.MAKTOOB.COM
برجاء مراعاة انتقاء الألفاظ
مشرف الاجتماعي
موضوع جميل والف شكر وجزاكم الله خيرا