الموضوع: مشاكل الياريس معايا

يا جماعة انا معايا ياريس 2007 مانوال الحمد لله عربية ممتازة بس فيها شوية مشاكل معايا لو حد يعرف لها سبب ياريت يساعدنى
1- وانا طالع على الاول واول ماابتدى اشيل رجلى من على الدبرياج بيحصل صوت حكة غريب مع صفارة من الدبرياج واحس ان فى حكة من الفتيس وعشان اتفادى الموضوع ده لازم ادوس بنزين جامد وانا طالع انا مش قادر اشرح بالظبط بس ياريت لو حد فاهم يقولى ايه السبب وعلى كمان العربية دبرجها تقيل شوية
2- التكييف فى اول تشغيلة بيطلع ريحة مش كويسة

طبعا انا لسه مقولتش على الحاجات دى للصيانة عشان اعرف النتيجة لانى الحقيقة مش فاضى اروح فياريت لو حد يعرف السبب يقولى عشان ابقى فاهم قبل مااروح
العربية عاملة 4000 كم
وكنت عايز بالمرة احكيلكو شوية عن مميزات العربية وادائها
* كل اللى الاستاذ عابر قاله فى موضوعه انا متفق معاه فيه بس هوضح كمان شوية حاجات
-- إستهلاك البنزين فوق الممتاز بجد احسن حاجة فى العربية
-- الإكصدامات ميزتها انها مرنة يعنى flexible بس غير مصممة للخبطات مع اللادا وال 128 وكل هذه الدبابات المتحركة انما لو العربيات دى تختفى هتبان ميزة الإكصدامات دى بجد
-- اقصى سرعة وصلتلها حتى الان 183 كم /س وكان لسه فيها نفس بس الطريق زحم وكنا 5 فى العربية
-- الثبات مش كويس قوى بس فى المقابل ارتفاع ممتاز عن الارض مفيش مطب يقف قدامها انا فى راى ان كده افضل لمصر
-- الخامات المستخدمة ممتازة والتفقيل رائع
-- الشكل الخارجى للعربية مبتكر وجذاب
-- التسارع معقول بالنسبة ل 1300 ( الفيرنا ال 1600 افضل منها الصراحة )
وان شاء الله نكمل وقت تانى واى استفسار انا فى الخدمة
وياريت حد يرد علي المشاكل اللى كتبتها فوق

موجود في النوبيراا

رائحة التكيف الغير محبوبة
+2165432032465132136543203246132035410.1354