يا جماعه عايزين نعمل حمله ضد الظاهره المستفزه دى ونلاقى حل للموضوع ده و نفكر بجد
انا وواحد صاحبى فضلنا نفكر نعمل ايه و طلعنا افكار كتير بعضها مستحيل و بعضها ممكن
عايزين نفكر و ننفذ لأن كما يقال الحاجه ام الاختراع اول فكره جاتلنا نفضل مراقبين العربيه لحد منشوف واحد بيشيل العلامه نمسكه و نطلع كل اللى جوانا هههههههههه وبعدين بدأنا نفكر بجد
قلنا ممكن نكهرب العلامه مثلا بس ده حل مش عملى و مش مجدى اوى قلنا تكون العلامه بتتفك
زى الايريال مثلا كل متنزل تفكها بس الحل ده ممل شويه و ممكن تشيلها فى اليوم 100 مره و تنسى مره تتسرق وكمان مش بايدينا الحل ده ده بايد شركات العربيات .
جاتلى بقى فكره شوفنا انها انسب حاجه بس مش عارفين تتنفذ ازاى الفكره للعلامه اللى قدام بس
وهى الاهم و الاغلى , ان العلامه تكون متوصله بسنتر العربيه يعنى لما تقفل العربيه العلامه مثلا تلف تتقلب لجوه و من بره هيبان ان مفيش علامه او ان العلامه لما تفقل السنتر تدخل لجوه شويه يعنى 5 10 سم كدا و بكده محدش هيعرف يوصلها ولما تفتح السنتر ترجع لوضعها الطبيعى
ايه رأى الناس فى الفكره دى و ايه امكانية تنفيذها و لو حد عنده فكره ابسط و اسهل يقول عشان نحارب الظاهره دى و نفيد بعض