دنماركي يقبل الرسول(ص ) جبهته !!!

**نور القمر** · 25-10-2009 02:50 PM

شكرا لميدو وابومريم
انا مش هجادل في نقطة صحة الموضوع من عدمه الا لما الاقي تسجيل للحلقة
على فكرة ان معظم الاميلات من النوعية دي بحذفها بدون قراءة لكن اللي لفت نظري في الميل ده انهم محددين يوم الحلقة يعني يسهل بشوية بحث العثور عليها لو كان الخير صحيح
اللي مستغرابله بجد نبرة السخرية ملهاش غير نتيجة واحدة ان النفوس بتشيل من بعضها
اما عن نقطة رؤيا الرسول صلى الله عليه وسلم في ناس كتير بتشوفه وانا اثق في صدقهم ومش شرط يكون صالح تماما لكي يراه

وعلى فكرة انا قعدت حوالي سنة اشوف الرسول صلى الله عليه وسلم بصفة دورية كان الكلام ده من حوالي 6 سنين وكانت كلها رؤى جميلة وتحقق منها الكثير

وشكرا لكل من شارك بالموضوع سواء بالايجاب او النقد اللاذع او السخرية

**icehearted girl** · 25-10-2009 02:54 PM

ياجماعة بالراحة صلوا علي النبي

نور القمر جالها ايميل استغربته فنقلته هنا

مش معني كدا انها واثقة وبتأكد معناه او انها بتنفيه

وعن طريق حوارنا المحترم ممكن فعلا نتوصل للحقيقة لو كان الموضوع غلط وفي الحالة دا كلنا هنستفيد

انما لو كل واحد داخل يتريق علي موضوع او كاتبه مش هنخلص

وهنضيع وقت في مهاترات معتقدش احنا داخلين المنتدي عشانها

النقد محدش بيزعل منه بس لما يكون نقد موضوعي
انما السخرية

معتقدش هيكون ليها مكان بيننا ولاهنسمح بيها

**Abo_Lina** · 25-10-2009 02:59 PM

بهدوء كده إيه الفايدة اللي هاتتحقق لما الرسول يظهر لواحد دانماركي في المنام ?
القصة بتثبت ايه يعني

**AhmedGen2** · 25-10-2009 03:02 PM

دايما القصص المفبركة دى تلاقى الأحداث سريعة أوى وكلها تقريبا نفس السيناريو ... يعنى قاله مش عارف ايه فقام اتفزع واتنفض وقام واتنى وبكى وراح التانى كمان عيط والمخرج عيط والناس كلها عمالة تعيط ومشهد يا عينى يقطع القلب وينطق الشهادة وبقى مسلم ، والحياة جميلة وورد وعنب :)

**Abo_Lina** · 25-10-2009 03:04 PM

المشاركة الأصلية كتبت بواسطة human12

على فكره انا كنت فاكر انك ناقله الموضوع للسخريه منه
و لمل رديت ماكنتش قريت باقى الردود
ماكنتش شايف غير رد رامب

على العموم الكلام لو بجد لا هيفيد حد ولا هيضيف جديد لاى شئ متعلق بالاسلام
اعتقد بعد 1400 سنه مش مستنين واحد يشوف النبى فى الحلم عشان نقول عظمه الاسلام

و شكرا

بالظبط
القصة كانت هاتكون ذات مغزى و معنى افضل لو كان الدانماركي قرأ القرأن مثلا و بعدين أسلم عن اقتناع

**MOSHAKS** · 25-10-2009 03:18 PM

على العموم بردوا محدش عارف النفوس فيها ايه وهل ده حصل ولا لا
انما نقدر تقول لو كان حقيقى ربنا يكرمه ويقويه ولو مش حقيقى ربنا قادر على انه ينتقم من حثالة المجتمع اللى بيفبركوا المواضيع ديه
وشكرا يانور

**elassar2010** · 25-10-2009 03:39 PM

هى القصة دى عادية وتحصل بس الشك انة شاف الرسول لانة هو عمل اية علشان يشوف الرسول فى المنام
انا تقريبا ماسمعتش ان حد من الصحابة او المبشرين بالجنة شافوا الرسول فى المنام يبقى الشخص دة هيشوفة!!!!

**Ahmed Nouh** · 25-10-2009 04:05 PM

المشاركة الأصلية كتبت بواسطة rami80

ya salammmmmmmmmmmmmmm,funny story,:c_laugh[1]::c_laugh[1]:

مش انت مسيحى برده ؟ يبقى مش من حقك ترد على الموضوع ولا تقول قصه ظريفه ولا خلافه , فعلا اسلوبك مستفز وغير مقبول تماما

بنى ادمين تحرق الدم

الرسول بيجى فى المنام للناس يا جدعان والموضوع مش درب من الخيال ولا حاجه , الموضوع بيحصل بس لناس مختارين ومش بيكون سهل لكن ده تكريم من ربنا لناس هو راضى عنهم

ما علينا ان القصه صادقه او لا فانا مش شايف فيها كلام ميتصدقش , يوميا بيسلم الاف الناس وربنا بيهديهم ويدخلو الاسلام دين الحق

**human** · 25-10-2009 04:12 PM

المشاركة الأصلية كتبت بواسطة Ahmed0Nouh

مش انت مسيحى برده ؟ يبقى مش من حقك ترد على الموضوع ولا تقول قصه ظريفه ولا خلافه , فعلا اسلوبك مستفز وغير مقبول تماما

بنى ادمين تحرق الدم

الرسول بيجى فى المنام للناس يا جدعان والموضوع مش درب من الخيال ولا حاجه , الموضوع بيحصل بس لناس مختارين ومش بيكون سهل لكن ده تكريم من ربنا لناس هو راضى عنهم

ما علينا ان القصه صادقه او لا فانا مش شايف فيها كلام ميتصدقش , يوميا بيسلم الاف الناس وربنا بيهديهم ويدخلو الاسلام دين الحق

عزيزى احمد
شوف كام واحد ممكن يكون جالوا الايميل ده و قعد يضحك على كم السذاجه اللى فيه و زى الايميل بتاع الرسام اللى اتحرق و القمر اللى شافوق مشقوق و هلم جره و ناس ممكن تكون شافته و شتمت كمان (يعنى احنا وصلتا الناس يتهكموا اصلا بكم السذاجه اللى بنقدمها للعالم)
احنا كمسلمين اللى بنخلى الناس تتكلم بطريقه مش عاجبانا
لما كل واحد يعمل fwd لالاف الايميلز بل ملايين و كلها تبعث على السخريه من محتواها الساذج يبقى ماتقدرش تقف و تقول لا اقبل و كلام من ده
عشان فى الاصل الموضوع فيه استخفاف للعقول

يعنى لما تتفرج على فيلم من بتوع الvampire و تلاقى واحد ماسك الصليب قصاد ماصصى الدماء اكيد بتقول هوه ايه العك ده او لما مش عارف مين زارته مش عارف مين فى المنام و قالتله مكان الكنز اللى فى فين
فياريت نحاول نحترم تفكير بعض

-

الموضوع: دنماركي يقبل الرسول(ص ) جبهته !!!

LinkBack

أدوات الموضوع

عرض

-

-

-

-

-

-

-

-

المواضيع المتشابهه

هل يقبل الله توبتي ؟؟؟

هنا يقبل عزاء طلبه هندسة

قاطع كل ما هو دنماركي و خليك راجل و متكتفيش بكدة كمان

الكلمات الدلالية لهذا الموضوع

المفضلات

المفضلات

ضوابط المشاركة