هى دى الكالبرات او زى ما بيقولوا عليها مساتر العجل
http://bmwe32.masscom.net/sean750/ca...keCalipers.jpg
MMamdouh
عرض للطباعة
هى دى الكالبرات او زى ما بيقولوا عليها مساتر العجل
http://bmwe32.masscom.net/sean750/ca...keCalipers.jpg
MMamdouh
و طبعا فى نهاية الموضوع الشيق فعلا احنا بنهدى لنفسنا اغنية المصرين اهما حيوية و عزم و قوة . و يا رب دايما . و يجعله عامر
في نهايه الموضوع الشيق .. استاذ محمد ممدوح هايوعدنا بكل اللي نفسه يعمل تيست درايف لعربيته هايديله المفتاح .. و هايقولله اتعامل انت بقي حرب فراملك و ياريت لو علي السرعات العاليه .. و يمكن كمان ياخدنا فسحه جماعيه كده و بتاع (تست بقي ..)
هههههه
انا عندى حاجة غريبة شوية انا عربيتى جولييت 1998 اوتوماتيك و مواصفات اوروبى انا عندى تيل الفرامل بتاع اوبل كورسا و هو دا اللى بشتريه لما باجى اغير التيل و الجنوط 14 .
بسم الله ماشاء الله كل افكارك جميله جدا ربنا يحميهالك ومنتظرين الجزء التانى
انا اخر مرة اشتريت تيل كان تركى و ب 90 جنيه و قبلها كنت مركب تيل انجليزى ب 120 جنيه . بس للاسف ماعرفش هو دا بتاع النوبيرا و لا لا .
مفيش بديل للكلبرات الاسبيرو
كلبرات لانوس 1600
MMamdouh
أنا عايز اعمل زيك
نسيت اقول انى غيرت الماستر العمومى و ركبت ماستر نوبيرا
الماستر اللى جبتة ايطالى الصنع و هو من غير الخازنة و البلوف و ب 300... انا اخدت الخازنة و البلوف من الماستر القديم و ركبت كل حاجة
المسافة بتاعت البدال قلت و بقت زى المسافة الطبيعية للدواسة قبل التعديل... الماستر الاصلى موجود فى السوق ب 500 جنية بخزنتة و البلوف بس لو حد جاب الاصلى لازم يشيل خازنة النوبيرا و يركب خازنة اللانوس.
MMamdouh
الف شكر للعبقرى محمد ممدوح على فكرته الجميلة لتحسين اداء الفرامل....
و الف مبروك يا استاذ حسام على التعديل...
بس انا عندى استفسار..
هو التعديل ده للفرامل الخلفية فقط؟ و لا الامامية برضه؟
يعنى الطنابير المذكورة للعجلتين الخلفيتين فقط؟ و لا شامل الاربع عجلات؟
و لو هو للخلفية بس ...هل الفرامل الامامية لا بلزمها نفس التعديل؟
و سؤال اخر...الاسعار المذكورة للطانبير اسعار اربعة و لا اتنين طنبورة؟
التعديل اساسا للفرامل الاماية مش الخلفية زى ما هو باين فى الصور
الطنابير المذكورة للعجلتين الاماميتين فقطاقتباس:
يعنى الطنابير المذكورة للعجلتين الخلفيتين فقط؟ و لا شامل الاربع عجلات؟
مرة تانية التعديل للفرامل الاماية فقطاقتباس:
و لو هو للخلفية بس ...هل الفرامل الامامية لا بلزمها نفس التعديل؟
السعر المذكور لعدد 2 طنبورة امامىاقتباس:
و سؤال اخر...الاسعار المذكورة للطانبير اسعار اربعة و لا اتنين طنبورة؟
MMamdouh
شكرا يا استاذ ممدوح على التوضيح...
مش عارف ليه كنت مقتنع انها الخلفية !!!!!!!!
معلش بقى الجهل وحش....اعذرنى.
طالما العربية دفع امامى ...يبقى لازم تقوى الفرامل الامامية ...المنطق بيقول كده.
معنى كده انه مفيش داعى لتغيير الفرامل الخلفية برضه؟؟ مش كده.
شكرا مرة تانية للتوضيح..
القصة ملهاش دعوة بالدفع... اى عربية المهم فيها الفرامل الامامية لان وزن العربية بترمى على العجل الامامى ساعت الفرملة و بالتالى هى بتعمل 75% من الشغل
الفرامل الخلفية لو اتعدلت الفرامل حتبقى احسن طبعا بس الاهم الفرامل الامامية
MMamdouh
فتح الله عليك يا استاذ ممدوح ...و بارك الله فيك...
كده العملية وضحت اكتر فى ذهنى...
شكرا لتجاوبك..
هل يوجد تعديل مشابة للنوبيرا 2 لتقوية الفرامل الامامية
لحد دلوقتى لا
MMamdouh
ألف مبروك ياجماعة على التعديلات الجامدة ديه ويسلم الاستاذ محمد ممدوح على الفكر العالى ده بس ياريت يفدنى فى موضوع تغيير الطنابير الامامى والخلفى والاتيل لكل منهم فى النوبيرا علشان ان ناوى اغيرهم قريب فلو ممكن أحسن الانواع والاسعار ولو ممكن اشترهم منين ويكون مضمون وشكرأ وربنا يسلم طريقنا جميعاً 00000
الطنابير: بريمبو
التيل: جولد
MMamdouh
ياباشا طب الاسعار فى حدود كام ومنين يكون مضمون مش مضروب
طنابير امامى 280
تيل امامى 60
اشترى من ابو الحسن او المنير
MMamdouh
تسلم أوووى على الشرح وإن شاء الله هعمل التعديل دة معأنة ملكف شوية بس مهم جدا
الاخ محمد ممدوح
أنا بقالى فترة باتابع المنتدى و فى شدة الاعجاب به و المشاركات البنائة
سوف لا أطيل
عندى لانوس مانوال 99 و كنت على و شك تغيير تيل و طنابير
و طبعا لست من المعجبين بالفرامل الاصلية و قوتها على ايقاف السيارة فى الظروف الصعبة
لك جزيل الشكر لو تدلنى على صنيعى جيد يكون على دراية بهذا التعديل و شراء الاجزاء و تغييرها . علشان الواحد يريح دماغة من الفرامل خالص .
شكرا
و فيين من فضلك أو الحسن او المنير ؟
انت ساكن فين؟؟
ابو الحسن فى شارع احمد الزيات - بين السرايات
المنير فى اول فيصل
MMamdouh
الف شكر على الاهتمام
و الله انا لسه واخد بالى من ملفات جوجل الخاصة بهم الان
هو السؤال
لو فى صنيعى لعمل الشغل ده يكون بيفهم و شغلة جيد , تبقى بجد خدمتنى
شكرا
أنا عموما أعرف بين السرايات جنب شغلى فى الدقى
و كمان الحرفيين شوية قريبة من سكنى فى العبور
طب ايه النصيحة النهائية فى الشراء لو هجيب كلة جديد بعد فتره التجربة للتعديل بتاعك
طنابير + كاليبرات + تيل + ماستر
شكرا يا حسام عندى فعلا جنوط 14 اسبور من زمان
لو حد يعرف صانيعى فى الحرفيين يبقى أقربلى من صفط اللبن .
صديقى مدحت امام عمل التعديل و مبسوط جدا جدا من الفرق فى الاداء خصوصا انه بيجرى شويتين بالعربية... كدة قايمة اصحاب العربيات المعدلة بقوا 4
ادم
محمد ممدوح
حسام حسن
مدحت امام
مين كمان؟
MMamdouh
Good work bro
ثوانى لازم جنوط 14
الموضوع لسه ملخبطنى
وانت رديت على كل الاسئلة بس
ياريت تحصرها بالتكلفة ونوع القطعة
واخيرا جزاك الله خير
وربنا يكرمك يا باشا
لازم جنط 14 او اكبر... ال13 مش حينفع
التكلفة بتعتمد على المكونات اللى حتشتريها... يعنى الطنابير فيه عندك من اول 180 الى 450 و التيل من 60 الى 180 و المساطر من 200 الى 500 الخ الخ
MMamdouh
مفيش كالبرات زيرو ممكن نشتريها علشان كلة يبقى جديد فى جديد
انا مدورتش على زيرو عشان متوقع انها حتبقى غالية... اسال فى التوكيل و ابقى قوللى بكام
MMamdouh
معتقدش حتى فى فالتوكيل ممكن نجيبها من برة مصر
ممكن... بس راعى ان الكالبرات تقيلة و حتفرق فى الشحن... دا غير الجمرك طبعا
MMamdouh
يبقى خلينا فى الاستيراد
بس هى ليها عمر افتراضى و لا اية
معلش دوشتك بالاسئلة
لا الكالبرات مش من الاجزاء الاستهلاكية زى التيل و الطنابير مثلا فا مفيش مشكلة فى انك تجيبها استيراد
MMamdouh
أستاذ محمد ممدوح: الكلام كلو واضح جدا انو على الدايو لانوس
بس سؤال: ياترى التعديل دا ممكن على الهيونداى فيرنا ال 1600 ؟؟