الموضوع: عاوز ارائكم معايا في الاسترا سيدان 2009

المشاركة الأصلية كتبت بواسطة egyptianmafia

Mansour and GM Egypt are partners now....

so it is impossible for Mansour to loose either the Chevrolet or Opel......


just because you are pissed at Mansour doesnt let you say stuff that is none sense.....!

you guys need to seriousily read what you are writing....

you need to know some facts.....for example (FOR EXAMPLE ONLY!!!!!) EIT might loose Kia...because it is just a dealer and EIM could loose renault again because it is just a dealer....

Mansour and GM Egypt are partners....(shoraka) and pretty tight with each other....so it is near impossible for Mansour to loose the Chevrolet or Opel dealership.....

Respect your point of view but also he can get the insignia in the local market and sure many people will buy it, I see VW passat in the roads all the time, and when the insignia comes with new shape & technology, I think will sell itself even it get more than 200.00 L.E
In the end, it's a business and sure organization like Mansour see the things from a corner, we might be able to see it.

الأسترا السيدان مع أخوك يا باشا. سيارة جميلة جدا و ثابتة و ارتفاعها عن الأرض رائئئئئئئئئئئئع و حتى الفتيس الايزي ترونيك بعد التعود عليه و بعد التليين كله تمام.

ده موضوع عملته عن العربية دي لو حبيت الاطلاع عليه و تحت أمرك في أي استفسار.

خالص احترامي للجميع.

محمد

أخي العزيز المحترم / خالد أيمن

أتمنى تكون أديت الامتحانات على أفضل مايرام و الا الوالد الفاضل هايمنعك من ركوب التوب لاين يا معلم.
بالنسبة للأسترا السيدان ، فحسب معلوماتك عن أخوك الكبير - سنا طبعا - محمد حمدي و تعلقه الشديد بالأوبل و بقالي فترة مش بدخل المنتدى لأني مازلت في طور الافاقة من الصدمة و لكن بصراحة يا خالد العربية الأسترا السيدان رائعة جدا جدا ماشاء الله للأسباب التالية من وجهة نظري المتواضعة:

1- الموتور 115 حصان كويس جدا لحجم العربية و سحبه جيد جدا.

2 العفشة هايلة بالرغم من انها ناشفة شوية لزوم الثبات و لكن مع النيتروجين بالكاوتش الأمور أفضل كتير.

3- ارتفاع السيارة عن الأرض معقدني جدا خالص و بحاول مع العربية يمكن تحك في مطب من بتوع طريق المنصورة - القاهرة التي ليس لها آخر و لكن مستحيل تحك منك و طبعا انتا عارف الحك في المطبات معقدني ليه ( علشان الجيتا طبعا

4- التكييف هايل يا خالد مع مراعاة كونه في سيارة أوروبية و كلنا عارفين تكييف الأوروبي ضعيف مقارنة بالياباني و لكن بصراحة باستمتع جدا بيه عن تكييف الجيتا للأمانة. ويكفي درجة تبريد رقم 2 و كله يبقى تمام جدا.

5- الباشا الكبير قوي المسمى بالايزي ترونيك ، بصراحة شديدة كان معقدني أنا و المدام - لأنها سيارتها - في أول 1500 كم لحد الكنترول يونت ما فتحت سحب العربية بقى هايل جدا و الاحساس بالنتشة الشهيرة أصبح شبه غير محسوس و طبعا الكلام ده منها هي لأن النتشة كانت عاملة نرفزة من العربية خلال التليين وصولا الى 1500 كم زي ما قلت قبل كده. برضه للأمانة النقل من الأول للتاني و العكس فقط بيكون فيه احساس بالنقلات واضح و لكن مع التعود بتمشي الأمور. وضع الأوتو كويس جدا و لكن اللي عايز يستمتع بالفتيس ده صح كسحب للعربية و بدون نتشة نهائي لازم يستعمل النقلات من الفتيس و ده عايز سواق فاهم صح و عايز سواقة المانيوال و سحبها بس بدون دبرياج.

6- طبعا عيب أتكلم عن الثبات في الملفات و الفرامل الهايلة و احساسك بالأمان و السيطرة على العربية مع السرعات.

7- استهلاك البنزين في المتوسط مابين داخل و خارج البلد مع تشغيل التكييف حوالي 200 كم لكل 20 لتر.

8- تصميم المرايات الجانبية الكبيرة تسبب في كسر واحدة منهما لما نسيت اضم المرايات مع الباركنج و سعرها في منصور 760 جنيه كاملة بدون زجاج المراية.

9- الأسترا السيدان منصور مش عامل ليها حملات دعاية خالص و معتمد على زيارة معرضي مدينة نصر و جامعة الدول لما تشوف العربية بالصدفة و تسأل عليها. السبب كما قيل لي من مندوبي بيع منصور في جامعة الدول هو عدم التأثير على مبيعات ستوك الفيكترا الكبير اللي مازال موجود عندهم. الميزة الوحيدة للنقطة دي هي الاحساس بالتميز شوية لعدم انتشار السيارة و تقريبا كل ما ننزل المنصورة للوالد و الوالدة من القاهرة - الشباب في المنصورة يسألونا على العربية لأنها الوحيدة في البلد. طبعا مش عايز أقول ان عدم انتشارها دليل سيء لا سمح الله أو انك السادج الوحيد - مع القليلين اللي اشتروها لأن في الآخر انت شاري أوبل و من وكيل محترم، لكن الفكرة كلها ان السعر 150000 ج قريب قوي من سعر الفيكترا الاليجانس ب 155000 ج الأكبر حجما و اسمها فيكترا برضه و لكن وجهة نظر المدام في الحجم المدمج لأن الفيكترا عائلية أكتر و طولها أكبر 4.6 متر و الأسترا شبابية أكتر الى جانب ان التغيير غير مطروح قبل 4-5 سنين ان شاء الله الى جانب موديل 2009 . طبعا أنا مش مقتنع تماما بالموضوع ده لأن المنطق بكل المقاييس اني أزود 5000 جنيه و أجيب الاليجانس فيكترا بس طبعا انت عارف قلبي الكبير و الطيب أحسن و برضه الخوف من الأكياس السوداء الكتيرة اللي في البيت و بكره لما تتجوز يا خالد أبقى أقولك الأكياس السوداء ممكن يتعمل بيها ايه للأزواج السعداء من زوجاتهم و يا سلام لو معاها السكينة الحمراء بيعملوا مزيج رائع في التقطيع يا معلم. الطيب أحسن يا بني.

10 - الميزة الحلوة اوي ان العربية الأسترا السيدان ماهي الا فيكترا مصغرة في كل شيء سواء من الخارج أو من التصميم الداخلي و لكن في حجم مدمج compact . ده معناه ان معظم قطع غيار الفيكترا 2008 مشتركة بين العربيتين.

11- مهم أوي الباركنج سنسور نظرا لعدم السيطرة جيدا على مستوى الرؤية الخلفي للسيارة.

12- الشنطة كويسة جدا كمساحة تخزين و لكن يعيبها فتحة دخول الشنط ليها ضيقة شوية.

13- التصميم الداخلي جيد جدا و الفينيش رائع مع الاضافات النيكل بالتابلوه و التشطيب البيانو للكاسيت و العدادات الرائعة من وجهة نظري و المريحة جدا للعين مع خامات التشطيب الجيدة جدا للتابلوه و الفرش النص جلد. يمكن فقط اعتراضي على شكل الكاسيت العواجيزي شوية و ك>لكمكانه بالتابلوه .
بصراحة و بدون زعل ملاك الكورولا الأدفانسيد مني - ومنهم والدي الفاضل - الا ان تابلوه الأوبل يحسسك بالفخامة المتوقعة من اسم أوبل على عكس الكورولا فالتابلوه لا يعطيك نفس الاحساس. مقارنة بالكورولا الأدفانسيد بنفس السعر 150000 جنيه للفتيس ال MMT فان الأسترا السيدان قيمتها فيها حتى في عدم وجود الزينون و بخاخات الفوانيس و زرار التشغيل START/STOP و كلها كماليات اضافية غير مؤثرة تتميز بها الأدفانسيد عن الأسترا السيدان يعوضه ركوبك ألماني - تقفيل بولندا - بكل مايعنيه الألماني لراكبي السيارات.

خلاصة الكلام - الأسترا السيدان عربية هايلة يا جماعة للي بيحب السيدان وليس الهاتشباك كغالبية الشعب المصري و لكن فقط سعرها أعلى من المفروض بحوالي 10000 جنيه على الأقل ( المثالي ليها قياسا بالمنافسين في نفس الفئة 140000 جنيه ) و لكنك في النهاية تحصل على قيمة عالية للنقود value for money paid و اسمك راكب أوبل ألماني و لكن يا خالد يا أيمن يبقى الخلاف الشهير جدا موجود و هو الفولكس أفضل بمراحل من الأوبل كتكنولوجي .

آسف جدا للاطالة بس أتمنى اكون أفدت صاحب الموضوع بخبرة عملية عن تجربة و تحت أمره في أي استفسار اضافي عن السيارة فقط أما الأكياس السوداء فبلاش يسألني عنها

خالد باشا - ألف ألف مبروك ليك و لعائلة الكريمة على الفيكترا التوب لاين و أعطاكم الله خيرها و كفاكم شرها و أحسنتم الاختيار فعلا و عن تجربة

------------- بس الفولكس فولكس برضه -------------

محمد

كلام سليم
بس الاوبل اوبل برضه

انا عن نفسي عايش بره مصر وشايف دي ودي وانا وغيري فضلو الاوبل بزات السنوات الاربعه الاخيرا يعني من بدايه ال 2005