نص الموتور الاسفل

**ehabradwan** · 25-10-2009 10:44 PM

الحمد لله الذي لا يحمد على مكروه سواه
وانا راجع بفرنيتي من اليكس النهارده الصبح فجأة سمعت صوت تخبيط في الموتور الحمد لله قبل ماطلع على الصحراوي
المهم سالت على الميكانيكي و صحيته من النوم وكشف وقالي بص يابشمهندز لقمة السبيكة بايظة قلتله مانا لسه عامل الحوار ده من شهر قالي انت عملت طقم شمبر قلتله اه قالي الميكانيكي اللي عملك كده كان مفروض يغير طرمبة الزيت كمان . المهم قالي ادامك حاجة من الاتنين عشان تبقى في السليم
1- تركب نص موتور تحتاني بحوالي 1500 جند و تلخص
2- تغير سبيكة و طرمبة زيت و طقم شمبر وشوية حاجات بسيطة كده فلتر و جوان
قلتله هافكر و ارد عليك
انا عايز
أ- اعرف الراجل ده بيتكلم صح
ب- اعمل ايه ؟
مع الشكر

**Eng_Mostafa_89** · 25-10-2009 10:52 PM

ان شاكك فى السبايك بس

**samirayad** · 25-10-2009 11:42 PM

المفروض أنك تسقط الكرتير وتكشف على رباط سبايك الكرنك
لأن ممكن تكون سبيكه من السبايك لفت
والبيه اللى غير طقم الشنبر مكنش مظبوط فى تجميع السبايك على الكرنك
أو رباطه أى كلام
فتسقيط الكرتير حيبين كل حاجه

**ehabradwan** · 26-10-2009 08:42 AM

معلش يا استاذ سمير هو الكرتير ده ايه بالظبط

**piezo** · 26-10-2009 08:50 AM

المشاركة الأصلية كتبت بواسطة ehabradwan

معلش يا استاذ سمير هو الكرتير ده ايه بالظبط

كرتيرة الزيت الماتور لما بتحلها بيبان الكرنك و السبيكه

**ehabradwan** · 26-10-2009 09:02 AM

متشكر ليكم كلكم يا جماعة

**zastaffa** · 26-10-2009 11:16 AM

- تركب نص موتور تحتاني بحوالي 1500 جند و تلخص

تغير نص موتور تحتاني ؟؟؟؟ليه يعني!!!!!كل اللي هتعمله ياريس انك هتخلي الميكانيكي يعرفلك مقاس الكرنك وهتنزل التوفيقيه تجيب طقم سبيكه وممكن تجيب طقم شنبر بالمره لو حبيت ولو طلع كويس ملوش لزمه تغييره طالما مفيش دخنه ولا زيت علي البوجيهات بعد الموتور مرزع او خبط يعني بالاضافه لطقم جوانات وطبعا العمليه دي هيتفك فيها الموتور ويطلع بره العربيه

**mohamed_rhem** · 26-10-2009 11:26 AM

المشاركة الأصلية كتبت بواسطة zastaffa

تغير نص موتور تحتاني ؟؟؟؟ليه يعني!!!!!كل اللي هتعمله ياريس انك هتخلي الميكانيكي يعرفلك مقاس الكرنك وهتنزل التوفيقيه [gdwl]تجيب طقم سبيكه[/gdwl] وممكن تجيب طقم شنبر بالمره لو حبيت ولو طلع كويس ملوش لزمه تغييره طالما مفيش دخنه ولا زيت علي البوجيهات بعد الموتور مرزع او خبط يعني بالاضافه لطقم جوانات وطبعا العمليه دي هيتفك فيها الموتور ويطلع بره العربيه

لازم الخراط يريح السبائك ويظيطها علي الكرنك