معلومه صغيره
الصين غزت العالم كله بصناعتها و فعلا الايدى العامله ارخص وبالتالى السعر النهائى ارخص
وايضا الصين تصنع منتجات عالية الجوده جدا وقليلة الجوده ومتوسطه
وغالبية الشركات العالميه بتلجأ للصناعه فى الصين لتحقيق مكاسب اكتر وبنفس الجوده
زى شركات يابانيه كثيره(سونى-باناسونيك-كاسيو) وشركات المانيه وامريكيه زى(اديداس و نايك)
وبنفس الجوده واسعار ارخص
لكن العيب فينا احنا اللى بنحب الرخيص اوى وبنشترى حاجات مالهاش اصل ولا معروفلها جوده
لكن نا بتكلم على شركه byd يبئا لازم اكون عارف عنها معلومات عشان احكم على الجوده
يعنى لما اتكلم على موتور ميتسوبيشى (صنع فى الصين فى شركة ميتسوبيشى)
وعفشه وفرامل تويوتا (صنع فى الصين )
وفتيس jatco المستخدم فى سيارات نيسان ورينو
وخامات صناعيه ذات جوده عاليه
يبئا لازم ابئا عارف ان دى شركه محترمه (صينى بس محترمه)
ومميزات الكلام ده ان قطع الغيار الميكانيكيه مشتركه مع ميتسوبيشى وقطع غيار الفرامل والعفشه تويوتا وبالتالى متوفره ورخيصه وجوده عاليه
وسعر رخيص والتوكيل كويس
يبئا انا عايز ايه اكتر من كده ؟؟؟
ياريت كل واحد يفكر فى الكلام ده ومايمشيش ورا السمعه وخلاص
وانا مابتكلمش من فراغ انا باتكلم من تجارب ومعلومات صحيحه
المفضلات