راديو وسي دي السيريون والبحث عن المحطة

**aliabutaleb** · 26-10-2009 07:09 AM

السلام عليكم
عندي مشكلة بقالها فترة بس انا ملاحظ إنها بتزيد من وقت لآخر في حدتها
وهي إن لما أبقى مشغل نجوم إف إم بالذات دوناً عن أي محطة تانية بالاقي البث بتاعها اتوقف لثانية أو اتنين وظهر على شاشة الراديو كلمة بحث search لمدة ثانيتين برضة وبعدين المحطة بترجع تاني.
في الصورتين دول هايبان اللي بيحصل

هنا الراديو شغال من غير مشاكل

هنا بقى حصلت

لاحظت زي ما قلت إنها مرتبطة اكتر بنجوم إف إم.
شكيت إنها مرتبطة بقوة إشارة المحطة لكن لاحظت بعد كدة إن الحركة دي بتحصل في أي حتة باروحها، يعني مش مرتبطة بمكان معين.

ملحوظة تانية بقى بخصوص نجوم.
لاحظت ظهور محطة جديدة قوة إشارتها ضعيفة على تردد 100.7.
هي إذاعة أردنية وعلى طول بتجيب أناشيد إسلامية حلوة أوي ومن ضمنها كل أناشيد طيور الجنة.
ودي مش بتظهر معايا غير في أكتوبر بس.

حد بيعاني من نفس اللي انا باعاني منه ولا دي حالة فردية.

نسيت أقول إن حركة الـ search دي ساعات بتحصل وانا مشغل سي دي ومليش دعوة بالراديو خالص، ألاقي السي دي فصل والراديو اشتغل ومحطة راديو مجهولة الهوية ظهرت ولازم يدوياً أرجع السي دي تاني بالضغط على الزرار بتاعه.

**NaderNabil** · 26-10-2009 09:06 AM

أشك انك مشغل الtraffic أو الNews

و دول المفروض كل شوية بيعملوا بحث عن أخر الأخبار و كده

أنصحك تفصل فيشة الكاسيت شوية كده...ساعتين ولا حاجة و إرجع ركبها تاني...كأنك بتعمل ريستارت بالظبط..

أو ممكن لو مش هاتعرف توصل للفيشة...ممكن تفصل البطارية

**aliabutaleb** · 26-10-2009 09:17 AM

المشاركة الأصلية كتبت بواسطة NaderNabil

أشك انك مشغل الtraffic أو الNews

و دول المفروض كل شوية بيعملوا بحث عن أخر الأخبار و كده

أنصحك تفصل فيشة الكاسيت شوية كده...ساعتين ولا حاجة و إرجع ركبها تاني...كأنك بتعمل ريستارت بالظبط..

أو ممكن لو مش هاتعرف توصل للفيشة...ممكن تفصل البطارية

بص يا نادر
انا العيال عندي ممكن أصدق إنهم يشغلوا أي حاجة
بما فيها الزر النووي بتاع الرئيس الأمريكي
بس انا مش عارف أفصله إزاي
هارجع كدة للمانيوال يمكن ألاقي طريقة.
لو مقدرتش نبقى نشوف الاختيارات التانية سواء فصل الفيشة (لسة هادور بتتعمل إزاي) أو فصل البطارية.
وتشكرات يا إكسلانس على المساعدة

**NaderNabil** · 26-10-2009 09:21 AM

على إيه يا فندم ...ماعملش حاجة :)

دلوقتي إفتكرت إن السي دي بتاعك بيلت إن...يعني مش هاينفع تفك الفيشة...الموضوع مش سهل و متعب

فا أسلم حل انك تفصل البطارية شوية

لولاقيت صورة كبيرة واضحة للكاسيت حطها هنا ممكن تساعد

**GMakram** · 26-10-2009 10:27 AM

كان نفسى يبقى عندى حاجه اقدر افيدك بها بس معلش بقى اصلى الكاسيت بتاعى سونى
تقبل مرورى وتحياتى

**GMakram** · 26-10-2009 10:29 AM

المشاركة الأصلية كتبت بواسطة أبو حمزة

انا العيال عندي ممكن أصدق إنهم يشغلوا أي حاجة
بما فيها الزر النووي بتاع الرئيس الأمريكي

يبقى اكيد الكاسيت بيعمل سيرش على الزر النووى بتاع الرئيس الامريكى :)
ربنا يباركلك فيهم ويخليهملك لحد لما تشيل اولادهم
تقبل تحياتى

**aliabutaleb** · 26-10-2009 12:43 PM

المشاركة الأصلية كتبت بواسطة GMakram

يبقى اكيد الكاسيت بيعمل سيرش على الزر النووى بتاع الرئيس الامريكى :)
ربنا يباركلك فيهم ويخليهملك لحد لما تشيل اولادهم
تقبل تحياتى

ربنا يخليك يارب
وكفاية ذوقك

**aliabutaleb** · 27-10-2009 11:35 AM

السلام عليكم تاني :)
رد عليا أبو عبد الله جزاه الله خيراً بحل للمشكلة كما يلي:

هو نظام pty هو ده اللي بيعمل بحث على القنوات اللي انت بتختار تعمل عليها بحث
يعني مثلا اول ما بتضغط على زرار pty بيطلع قايمة بتحرك البكرة بتاعت الصوت يمين وشمال علشان تختار نوع القنوات اللي انت عاوز الراديو يعمل عليها بحث زي الأخبار الرياضة الموسيقى ... كده يعني

فلما بيبقى شغال بيعمل بحث على القنوات اللي انت مختارها مسبقاً
وطبعا بما ان مفيش غير قناة نجوم اف ام هيا الوحيده اللي في مصر بتشتغل بالنظام ده
فعلشان كده هتلاقيه دايما بيعمل معاها كده

**hhhmmmzzzz** · 27-10-2009 12:37 PM

ابو عبدالله ملاحظ انه متابعنا وبيرد علينا علي الخاص مشكورا
بس عايزينه يبقى ظاهر معانا....ولا فيه حد مزعله؟؟؟؟

**aliabutaleb** · 27-10-2009 01:03 PM

المشاركة الأصلية كتبت بواسطة hhhmmmzzzz

ابو عبدالله ملاحظ انه متابعنا وبيرد علينا علي الخاص مشكورا
بس عايزينه يبقى ظاهر معانا....ولا فيه حد مزعله؟؟؟؟

ربنا ما يجيب زعل ولا حاجة يا هاني
بس هو أبو عبد الله بيرد في حدود وقته وظروفه
وكفاية إننا وقت ما بنحتاج النصيحة هو بيكون موجود.

الموضوع: راديو وسي دي السيريون والبحث عن المحطة

LinkBack

أدوات الموضوع

عرض

راديو وسي دي السيريون والبحث عن المحطة - انشر الموضوع فى :

-

-

-

-

-

-

-

-

-

المواضيع المتشابهه

مهاتير محمد : على الغرب المعتل التواضع والبحث عن دواء في الشرق

تجربة سرقة علامات اليارس والبحث والتركيب

تجربة سرقة علامات اليارس والبحث والتركيب

احذرو هذه المحطة !!!!

الكلمات الدلالية لهذا الموضوع

المفضلات

المفضلات

ضوابط المشاركة