أشتري اشبيرانزا 113 و للا اشتري مابل أسباير

**doctor_cool** · 26-10-2009 07:15 AM

بصراحة أنا في حيرة شديدة

السيارتين في نفس الفئة السعرية

و فيه فروقات جوهرية بينهم

أنا روحت النهارده اتفرجت عليها في أبو غالي

العربية بسم الله ما شاء الله واسعة بشكل غريب و الشنطة بتاعتها مهولة

و شكل العربية مش وحش خالص ، شكلها مقبول جدا

الكنبة الخلفية واسعة جداً

الكشافات بتاعتها حلوة أوي و خصوصا الخلفية

الكماليات بتاعتها أقل من اسبيرانزا في بعض الحاجات ، زي إنه مافيش فتح الشنطة و التانك من الداخل ، مافيش تحكم في زاوية إضائة الكشفات الأمامية ، مافيِش وحدة رفع زجاج مع القفل بالريموت

أسوأ شيئ فيها إن التابلوه بتاعها مش شكله حلو ، أقصد أكتر إن الخامات المستخدمة فيه ، رديئة إلى حد ما ، بما في ذلك مفاتيح الإضائة و المساحات

و بالمناسبة هي مساحة واحدة أمامية

العربية تقفيل الصين على عكس اسبيرانزا 113

و وسع العربية هيعالج نشفان العفشة اللي في اسبيرانزا 113

أسباير 1500 سي سي ، اسبيرانزا 113 1300 سي سي

أنا بصراحة محتار

أشتريها و للا أشتري اسبيرانزا 113

هو بس التابلوه بتاعها لو كان نضيف شوية عن كده ، مش كنت ترددت لحظة ، وخصوصاً إن الوسع بتاعها هيفيدني كتير و كمان الشنطة ، كل المشكلة اللي مضايقاني هي ردائة التابلوه

ده موقع مابل الصيني و ده اللينك الخاص بالعربية أسباير

و¬¢è؟ژè®؟é—®ن¸ٹوµ·هچژو™® و±½è½¦ - و±½è½¦ه±•هژ… - وµ·هںں(ن¸‰هژ¢) - ن؛§ه“پو¦‚è؟°

تقدروا تشوفوا صورها من ال buttons اللي تحت الصورة دوسوا على كل الأزرار و شوفوها من برة و من جوا

قولوا لي رأيكم الله يخليكم و يبارك لكم

**medo_2060** · 26-10-2009 05:40 PM

حضرتك انا معايا اسبرانزا a113 والعربيه الحمد لله حلوه جدا وكل حاجه لازم تحافظ عليها عشان تعيش معاك لكن المابل معنديش فكره عنها ممكن حد من الاعضاء يكون جرببها ويقولك رأيه

**karkar6789** · 27-10-2009 04:23 AM

انا برضه معايا ال a113 والحمد لله ماشية كويس

**Hacker5** · 27-10-2009 12:44 PM

اسبيرنزا منتشرة و قطع غيارها منتشرة و توكيل معروف
لكن المابل مش منتشرة و اعتقد انها مش هاتنتشر

**Nasser16** · 31-10-2009 10:45 AM

والله أنا أرجحلك اسبيرانزا .. أنا ليا واحد صاحبي معاه a113 من سنة
وبيشكر فيها جداً وده معناه إنها عربية كويسة

**m_a_gamal** · 31-10-2009 12:02 PM

بص يا باشا أنا هقولك المعلومات اللي عندي عن العربية دي
هي بتصنعها شركة Shanghahai Maple Automobiles وهي شركة تابعة لجيلي وتعتبر الفرع المتميز لجيلي زي ليكزس بالنسبة لتويوتا (مع الفرق طبعا) والعربية دي مبنية على قاعدة سيتروين ZX وموتورها مشتق من موتور تويوتا A
المفروض انها كمجمل عربية كويسة بس مبيعشلهاش وكلاء
يعني بدأت في الأول مع توكيل جيلي القديم وما باعتش كويس وسعرها كان غالي سنة وبعدين اخد توكيلها SMG وما اشتغلتش معاه كويس وفي النهاية وصل التوكيل لأبوغالي وهو بيبيعها بسعر منافس جدا وفي خلاف بين SMG وأبوغالي وكل واحد منهم بيقول انه هو الوكيل الوحيد للعربية.
يعني من الآخر العربية كويسة بس في لبش على توكيلها هو صحيح بالنسبة لقطع الغيار الميكانيكية للموتور والفتيس هتلاقي اغلبها نفس بتاعة الجيلي 1500 بس اعتقد العفشة مختلفة.
وده كل اللي أعرفه عن العربية دي ويا رب أكون أفدتك

م/ محمد جمال

**augast** · 01-11-2009 08:38 PM

a113

**mero2008** · 06-11-2009 01:35 PM

ولا دي ولا دي جيب احسنلك البيكانتو او الi 10 انشا الله حتى كامله اسمع النصيحة من واحد مجرب ال113 عربية زي الزفت عفشة وفتيس وكماليات بتبوظ كمان والمابل فعلاً ملهاش توكيل ثابت اسمع النصيحة وفرق الفلوس مش كتير البكانتو بـ 55000 والاسبيرانزا 52000 ج

**tito2020** · 06-11-2009 03:12 PM

المشاركة الأصلية كتبت بواسطة mero2008

ولا دي ولا دي جيب احسنلك البيكانتو او الi 10 انشا الله حتى كامله اسمع النصيحة من واحد مجرب ال113 عربية زي الزفت عفشة وفتيس وكماليات بتبوظ كمان والمابل فعلاً ملهاش توكيل ثابت اسمع النصيحة وفرق الفلوس مش كتير البكانتو بـ 55000 والاسبيرانزا 52000 ج

يا ريت نسمع منك تجربتك بالظبط وحصل معاك ايه وعامل كام كيلو؟؟

**tito2020** · 10-11-2009 09:52 AM

المشاركة الأصلية كتبت بواسطة tito2020

يا ريت نسمع منك تجربتك بالظبط وحصل معاك ايه وعامل كام كيلو؟؟

يا ريت ترد علينا عشان كلنا نستفيد

الموضوع: أشتري اشبيرانزا 113 و للا اشتري مابل أسباير

LinkBack

أدوات الموضوع

عرض

-

-

المواضيع المتشابهه

كنت بفكر اشتري ماروتي بس قريت ان في شكل جديد نازل ايه رأيكوا أشتري ولا أستنى الجديد

عايز اشتري 4 فرد كاوتش 13 عريض للادا سمارا.أشتري نوع ايه. ومقاس كام.

مابل روميو

مابل

Mable .... مابل

الكلمات الدلالية لهذا الموضوع

المفضلات

المفضلات

ضوابط المشاركة