الموضوع: Mable .... مابل

طيب معلش لو بتعبك معايا لو تعرفه خليه بس تكتب اللى يعرفه عنها و بجد يبقى شكرا ليك على تعبك جدا

الموضوع مكرر
ممنوع تفتح موضوعين بنفس المحتوي
و ممنوع استخدام الالون الاحمر لانه مخصص للاداره

عايز تعرف ايه عنها ؟
انا تحت امرك
بس قبل اي كلام انا مانصحكش بيها

ممممممممممم اما الصراحه عاوز اعرف كل حاجه عنها

:d:d:d
طيب يا سيدي
عندك الموتور 1500 سي سي 94 هورس باور العربية مش هتعدي 170 لو اتنططت التكيف بيأثر عليه بشكل ملحوظ صوته عالي بس لذيذ لما تحرق عليه. الموتور ده تويوتا معدله في و يعتبر شبه (بكسر الشين) تويوتا ولو حصل فيه حاجة ممكن تركب قطع غيار التويوتا

الاستابليتي بتاع العربية يعتبر كويس بالنسبة للعربيات اللي في فئتها

الباور بتاع العربية لذيذ خفيف كدة وحلو

الفتيس الغيار الاول بيعض في كل العربيات وغريب شوية محتاج تعود

التكييف في الجو الحار بالنهار بيبقي ضعيف لو جبته علي اخره بيلطف الجو بليل لو كان الجو احر من الصبح بيبقي 100 100 الشمس بتعمله ازمه

استهلاك البنزين ممتاز بصراحة يمكن احسن حاجة في العربية

الفينيش بقي زي الزفت التابلوه لونه بيتغير و بيقشر من الشمس غير بعض الاصوات اللي هتسمعها كل شوية وكل فترو كدة هيطلعلك صوت جديد بس ماتقلقش ده الطبيعي

العفشة كانت حلوة جدا اول ما جبت العربية وكل اللي يركبها كان بيشكر فيها جدا دلوقتي مش عارف اوصفلك بصراحة هي قد ايه سيئة تحس ان العربية هتتفكك من بعضها يعني لو عديت علي العواكس اللي بتبقي في الارض ولا كأنك راكب ميكرباص الترامكو
(للعلم العفشة بتاعتها سيتروين اكسارا بس صيني طبعا)


فيها كل الكماليات اكيد انت عارف كدة بس ممكن يظهرلك فيها مشاكل ازاز يعلق زرار كده يعني

ممممم ايه كمان

اه مالهاش طبعا قطع غيار برة التوكيل و توكيلها الحال هو الشركة الهندسية للسيارات ومابيبعوش قطع غيار يعني لو عايز حاجة تركبها عندهم ده بالنسبالي علشان هما مش التوكيل بتاعي بس او تبعهم اكيد اي حاجة هتبقي في الضمان لو برة الضمان اعتقد مش هيبقي في قدامك غيرهم تصلح عندهم


المشاكل اللي حصلت معايا

1- بعد ما استلمتها بيومين كدة الازاز اللي قدام يمين علق وفضل يشتغل ويعلق بتاع شهر كدة لحد ما التوكيل غيرلي المكنة بعد بتاع 7 مرات كدة اروحلهم علشن يصلحوه

2- المساحة علقت بعد اسبوع من استلمها

3-عداد السرعة كان دايما بيعلق بس انا روحت ظبطه برة

4-الكاسيت باظ بعد سنة كدة و غيرته في الضمان

5-حزام الامان قفل عليا و علق و مرديش يفتح و فضلت مزنوق بتاع ساعة في العربية لحد ما الحمد لله كسرته علشان اعرف انزل منها

6-كهربة العربية مش حلوة و مش مظبوطة وبتعمل حاجات غريبة اجي ادي اشارة الاقي الزجاج الحراري يشتغل

7- طرمبة المية باظت بعد سنة

8-تيل الفرامل زي الزفت وبيبوظ بعد تلت لربع شهور كده انا مغير بتاع 4 تيل في مدة قصيرة و عامل بالعربية 26000 كيلو بس

9- ماستر الفرامل اتغير بعد سنتين من الاستخدام

10- العربية معاها اتنين ريموت الاتنين باظوا للاسف

ممممم مش فاكر الباقي بصراحة بس لسه في

ها قولي رأيك بقي؟؟؟؟؟

ربنا يعينك