أولاً: أحب أحيى العضو اللي عمل الموضوع دة لأن كل واحد مش بيحترم المستهلك لازم يدفع التمن من سمعته و بالتالي أرباحة (ملحوظه : أنا معنديش معلومات عن تعامل توكيل منصور بس طالما فيه ناس كتير أجمعوا على سوء الخدمة يبقى أكيد فيه حاجة غلط)
ثانياً: انا مش مع الناس اللي بتقول ان الكلام دة مش هيجيب نتيجة .... منصور بقى منصور من فلوس المستهلكين و لازم يحطهم فوق دماغه .... لو الموضوع ده يسَمع من واحد للتاني أكيد هيعمله مشاكل في المبيعات و مفيش حاجة أسمها انه كبير و مش محتاج المستهلك .... هو بقى كبير بالمستهلكين و هما برضة اللي ممكن يخلوه يرجع صغير تاني
تقديم شكاوي لحماية المستهلك دي طريقة واحدة بس مش كل حاجة .... تخيل كام واحد ممكن يقرأ الموضوع ده و ينقله لمعارفه و أصحابه و بحسبة بسيطه ممكن تعرف منصور هيخسر كام بسبب سوء سمعته ..... بلاش سلبية لو عايزين الأمور الغلط اللي مش عجبانا تتصلح
أكبر شركات العالم اللي هما اكبر من منصور مليون مره رضا المستهلك عندهم هو رقم واحد (لأنهم عارفين انهم من غيره و لا حاجة) ...... بلاش نبقى ماشيين عكس الدنيا كلها
ملحوظه أخيرة: الكلام ده مش على منصور و بس ..... ده ينطبق على كل وكيل مش بيحترم المستهلك
المفضلات