الي خبراء ميكانيكا السيارات و المرسيدس القديم بالخصوص ارجو المساعدة

**ayman_kamal** · 26-10-2009 01:26 PM

السلام عليكم انا مصري و عايش في الرياض و من شهر اشتريت عربية مرسيدس التمساحة (300 SEL) (و ده خطأ فادح انك تشتري عربية اروبي في الخليج و خصوصي السعودية لاسباب كتير !!!!!!) موديل 86 من واحد سعودي و الراجل كان امين معايا بنسبة كبيرة و حكالي عن حالة السيارة و بالتفصيل ..... العربية متغيرلها موتور استيراد من اليابان و صدر العربية الامامي من مراوح و ريداتر و دينامو و مارش والسيارة من اول ما ختها كانت تمام و للاسف معملتهاش اي صيانة لاتغير زيوت و لا فلاتر و لاشيء وكانت ماشية حلاوة المهم في لمبتين عالطول منورين في التابلوه لمبة (ABS) !!!! وانا استغربت ان كان في حاجة اسمها (ABS) سنة 86 داه الواحد مسمعش عنه غير في اخر التسعينات بس دي طلع امرها سهل الميكانيكي قالي (و ما ادراك بميكانيكية الرياض فشل ذريع) لازم نوصل اسلاك ماكينة (ABS) بالعجل المهم اللمبة التانية لمبة الزيت عالطول منورة رغم ان عداد الزيت في التابلوه فوول و كشفت على الزيت في ورشة قالولي تمام و مش محتاج لا تزويد و لا تغير في صوت تكتكة بسيط في الموتور و العربية باردة الصبح و بعد كده بيختفي لكن مرة التكتكة دي كانت عالية جدا و صوتها بيزيد مع السير وقعدت كده يومين و بعد كده رجعت زي ما كانت صوت تكتكة بسيط في الموتور و العربية باردة الصبح و بعد كده بيختفي ميكانيكية قالوا التاكيهات

و لازم نكشف عليها و الميكانيكية و صاحب السيارة السابق قال طرمبة الزيت و انا مش عارف اعمل ايه العربية ماشية زي الحلاوة و بتسحب كويس و بتجيب سرعات عالية بمنتهى السلاسة ....
اعمل ايه ؟؟؟؟؟؟
كمان في صوت وزة (زززززززززز) ورا العجلة الخلفية اليمين اعتقد انه جاي من طرمبة البنزين رغم انها جديدة مابقلهاش 4 او 5 شهور و الميكانيكية قالولي عادي ده صوت المرسيدس ايه رأيكم؟؟؟

**samirayad** · 26-10-2009 06:43 PM

بالنسبه لصوت الموتور
يمكنك تسقيط كرتير المكنه
ونظافة الكرتير ومصفة زيت طلمبة الزيت من الرواسب
والتجربه
وسيتحسن الصوت أن شاء الله
وبالنسبه لصوت طلمبة البنزين
فقد يكون طبيعى فعلا
وقد يكون نوع الطلمبه مش أصلى مثلا
فخليها ماشيه طالما مفيش منشاكل فى سحب وآداء محرك السياره

**ambooz** · 27-11-2009 05:23 AM

احزر السبايك

**shoudy2005** · 27-11-2009 06:46 PM

بالنسبه للabs و airbag موجودين فى المرسيدس موديل 84 من زمان اوى و فيها كمان seat belt tensioner بس مش فى كل الموديلات و هتلاقيلها فىديوهات على اليوتيوب اختبارات التصادم بتاعة العربية ديه جامدة على فكرة

**sameh127** · 03-12-2009 05:21 AM

صوت طلمبة الحقن الأصلي بتاع المرسيدس الموديل ده عالي ،هي و مرسيدس الشبح برده 300\500 S موديل 93 الي 97
ده يؤكدلك انها الماني اصلي انتاج شركة Bosch ظهر موديل معدل من الطلمبة و صوته منخفض انتاج شركة Hella

**sameh127** · 03-12-2009 05:34 AM

صوت طلمبة الحقن الأصلي بتاع المرسيدس الموديل ده عالي ،هي و مرسيدس الشبح برده 300\500 S موديل 93 الي 97
ده يؤكدلك انها الماني اصلي انتاج شركة Bosch ظهر موديل معدل من الطلمبة و صوته منخفض انتاج شركة Hella

لمبة ABS تنور لما يكون احدsensors محروق او لايعمل ،استبدلة بأخر سليم

التكتكه في الصبح ناتجة من فتح خلوص التاكيهات اكثر من اللزوم فينتج عنه العربية تقوم في الدوارة بسرعة الصبح و تجمع سرعة اسرع في الجري و استهلاك وقود اعلي قليلا و حرارة الموتور اعلى قليلا و صوت طرق الصبابات المسموع بوضوح
ارجو فحص حالة اليايات الصغيرة المثبتة لشاكوش التاكيه و فحص خلوص كل تاكيه في المحرك"ضبط خلوص التاكيه في الصيف يختلف عن الضبط في الشتاء"