تكييف النوبيرا

**abomalak** · 26-10-2009 05:08 PM

التكييف فصل مرة واحدة بمعني أني بشغلة بيطلع هواء عادي ذهبت الي فني تكييف قالي الفريون تمام والكباس تمام قالي العيب في كنترول يونيت مش بتشغل التكيف يعني العيب عيب كهرباء حد ممكن يفيدني في الموضوع دة محتاج كهربائي دايو كويس ولا اوديها التوكيل وشكراا لوحد عندة كهربائي كويس ياريت يقولي.

**samirayad** · 26-10-2009 06:32 PM

ماذا تقصد بالكباس تمام
هل الكباس بيلقط مع طلبك للتكييف
يعنى الكلتش بتاعه بيعشق فعلا
وبتسمع صوت تكة التعشيق

**abomalak** · 26-10-2009 10:37 PM

اقصد لما عملة واصلة دايركت الكباس لقط وبعدين انا لمل بشغل الزرا ساعات يلقط ولكن لمدة ثواني ثم يفصل بسرعة وبسمع صوت الكباس

**samirayad** · 26-10-2009 10:46 PM

هو العيب مش كنترول يونت
العيب فى تغذية الكمبروسور بالكهرباء من علبة الفيوزات
ممكن يكون الكتاوت تعبان وبيسخن وبيفصل بعد فتره
وده أحتمال كبير جدا
فجرب تغير كتاوت الفوجات مكان كتاوت تلقيط الكمبروسور
لو تعرف تعمل الموضوع البسيط ده
ممكن متحتجش تروح لحد من الصنايعيه

**zocor742** · 27-10-2009 04:36 AM

المشاركة الأصلية كتبت بواسطة samirayad

هل الكباس بيلقط مع طلبك للتكييف
يعنى الكلتش بتاعه بيعشق فعلا
وبتسمع صوت تكة التعشيق

قبل كدة ياهندسة حصل معايا موضوع كدة وعدت... بس قلقان احسن تظهر تانى بس المرادى بعيب بقى
كنت مرة وشغلت التكييف والكباس لقط طبيعى جدا .بس اتضح ان الهواء اللى طالع مش ساقع ...و فصلتة محستش بية وهو بيفصل يعنى معملش فرق صوت بيت صوت التكييف والمروحة.... شغلت تانى سقع.
صبرت شوية وطفيت وشغلت وطفيت وشغلت كذ مرة على مرات متباعدة قليل قوى... كأن مفيش حاجة فصلت والدنيا زى الفل..مش عارف بقى الموضوع دة هيزهر مستقبلنا الحقة واشوفى عايز اية

انا اخر مرة شحنت التكييف كان فى رمضان اللى فات دة..ومعاة شيك على الاويسلات والمواسير والكمبورسور والكباس والكبس .كل حاجة بصراحة مخلاش حاجة الا وعملها من نفسة
مش معقول يكون الفريون نقص خصوصا انى مش بشغل التكييف دة الا لما بيكون الجو فعلا غير مطاق .. لأنى بتعب من هوا التكييف على صدرى فا مستهلكتش منة كتير والمواسير والاويسلات والدنيا دى متشيك عاليها
ممكن يكون الفقد دة حصل من الكمبروسر ولا الكباس لقط على الفاضى ومعشقش كويس .
اية الموضوع يا اخوانى حد حصلة حاجة زى كدة !!!!

**abomalak** · 27-10-2009 01:08 PM

غيرت الكتاوت ومحصلش اي جديد

**ASSASSIN** · 27-10-2009 01:33 PM

المشكلة في مفاتيح التكييف فالتابلوه

**samirayad** · 27-10-2009 03:02 PM

المشاركة الأصلية كتبت بواسطة assassin

المشكلة في مفاتيح التكييف فالتابلوه

نعم هذا رأى صائب أيضا

قالي العيب في كنترول يونيت مش بتشغل التكيف يعني العيب عيب كهرباء

المهم بأه دلوقتى هل فنى التكييف وصل طرفى مفتاح التكييف وعمل سلكه بين الطرفين
لما التكييف أشتغل
لو نعم
يبقى أنت محتاج كهربائى فعلا لفحص وضع المفتاح أوتغييره