هل الغطاء الووتر بروف بيأثر على الدهان الجديد؟

**mabdelaziz** · 26-10-2009 09:39 PM

السلام عليكم

أنا عملت سمكرة ودوكو للعربية والحمدلله, وقلت أدلع العربية بقى شوية وأجيب لها غطاء ووتر بروف عشان تعيش شوية, المهم اشتريت غطاء ووتر بروف طبقتين Double layer

بس للأسف بعد ماروحت البيت لقيت مكتوب على شنطة الغطاء تحذير من استخدامه مع السيارة المدهونة حديثاً لمدة 12 شهر فاتوا!!!!

فهل ده فعلاً ممكن يؤثر على الدهان الجديد للعربية؟ مع العلم إن فيه طبقة قطن من جوه, وسعره على فكرة 125 جنيه من الساعة فى اسكندرية للى بيفكر يشترى.

أنا عاوز أعرف دلوقتى استخدمه ولا أرجعه؟

**ahmadmidop** · 27-10-2009 12:48 AM

اكيد هما ادرى بالموضوع ده ... ان من رأيي ممكن عشان الغطاء ده محمكم في الحر بيكون ممكن لو العربية واقفة في الشمس بيكتم الحرارة فده ممكن يأثر على دهان العربية.. انا من رأيي ترجعه وخلاص

**ahmad--ezzat** · 27-10-2009 05:57 PM

لا هو بيأثر نفسيا على صاحب العربيه لانه بيتسرق على طول

**placebo** · 27-10-2009 06:25 PM

المشاركة الأصلية كتبت بواسطة Ahmed20_08nubira

لا هو بيأثر نفسيا على صاحب العربيه لانه بيتسرق على طول

هاهاهاهاهاهاها

ممكن تجرب موضوع الخشبة اللى بتتحط على الغطا وتقفل عليها باب العربية علشان تمسك الغطا وتحميه من السرقة او من الهواء الجامد اللى ممكن يطيره

اما موضوع التحذير من ان الغطا ممكن يبوظ بوية العربية فده الصراحة اول مرة اسمع عنه وانا كنت لسه باشترى غطا من قريب مع واحد صاحبى وبصيت على اكتر من نوع علشان نلاقى المقاس المظبوط خصوصا وان الابعاد كانت مكتوبة بالبوصة مش بالسنتيمتر فكنت بأقرأ كل اللى مكتوب على الشنطة البلاستيك اللى بتحوى الغطاء وملقيتش اى عبارة بتحذر من موضوع البوية ده !! بس هما كلهم كانوا صناعة صينى ولونهم رمادى

**mabdelaziz** · 28-10-2009 06:39 PM

والله الغطاء شكله شيك جداً والواحد مستخسر يرجعه :)
وهو فعلاً صينى ولونه رمادى

ياريت يا placebo تشرح موضع الخشبة ده أكتر عشان أعرف بتتحط إزاى وتحمى الغطا إزاى من السرقة؟

**mtradwan** · 29-10-2009 11:15 AM

السلام عليكم
موضوع الخشبة ده بسيط جداً ... هو قصده بعد ما تحط الغطاء على العربية تروح تفتح باب العربية شوية صغيرة من تحت الغطاء وبعدين تجيب خشبة صغير وتحشرها فى غطاء العربية من عند فتحة الباب وتحشرها داخل العربية وتقفل باب العربية على الغطاء وتكون الخشبة جوه ... وكده لما حد يجى يشد الغطاء هيلاقى فى حاجة حشرة الغطاء من جوه وهى طبعا الخشبة..... فهمت قصده.
وجزاك الله كل خير...

**mabdelaziz** · 01-11-2009 12:07 PM

وعليكم السلام ورحمة الله وبركاته
أيوه طبعاً كده مفهوم جداً

جزاك الله خيراً وربنا ما يضيع لكم غطاء

**bishoy02010** · 01-11-2009 12:56 PM

المشاركة الأصلية كتبت بواسطة ahmed20_08nubira

لا هو بيأثر نفسيا على صاحب العربيه لانه بيتسرق على طول

ههههههههههههه
+1
بس بقوا بينزلوه ببتاع كده بيتحط جوا الباب ويتقفل عليه :)

**yasser012** · 26-11-2009 01:22 AM

على فكرة انا هو فى نوع بغير لون الدهان بس لو غسلت الغطاء فى المية يومين وبعدن تنشفه مش بيعمل حاجة بعد كدة

**abo_lamar** · 03-12-2009 01:09 AM

الغطاء بتاعي اتسرق يارجالة

الموضوع: هل الغطاء الووتر بروف بيأثر على الدهان الجديد؟

LinkBack

أدوات الموضوع

عرض

-

-

المواضيع المتشابهه

الغطاء الووتر بروف

هركب مشمع على الغطاء الوتر بروف !

هركب مشمع على الغطاء الوتر بروف !

هل رش الخوارج بيأثر علي ثمن العربية

الكلاب لثالث مرة ( قطعولى الغطاء الوتر بروف )دول فرتكووووه !!!

الكلمات الدلالية لهذا الموضوع

المفضلات

المفضلات

ضوابط المشاركة