الموضوع: اختبار قيادة اللوجان ... بدون تعليق!

المشاركة الأصلية كتبت بواسطة kikoooo

الموضوع ببساطه ان اى عربيه بيقى ليها cog او مركز الثقل ودا بيبقى الخط الواصل من مركز محدد فى العربيه للارض ويتحكم فيه عوامل كتير منها ارتفاع العربيه عن الارض والمسافه او الخط الواصل بيكون محدد بقاعده فيزيائيه محدد والمفترض ان الخط دا يكون اقصر مايمكن وكلما اردت ان تزيد من ارتفاع العربيه لابد ان يقابلها زياده فى عرض العربيه

اى عربيه حتخالف القاعده الفيزيائيه دى حتتقلب حتى لو استون مارتن او مرسيدس

اللوجان متوازنه بمعنى ان اتزانها ممتاز الا انه مش ممتاز اوى !!! يعنى متتوقعش تاخد غرزه بيها على 120 وبزاويه 90 مثلا

لما جبتها كنت باخد منحنيات حاده على سرعه 90 وكان الوضع ممتاز واظن انى مش محتاج اكتر من كده

ممكن بقا لو انت غاوى درافت وغرز خطره ارشحلك سيات ليون او فولكس فاجن جولف وطبعا تحضر فلوسك لان العربيات دى مش رخيصه

خلاصه القول اللوجان عربيه عائليه اقتصاديه موفره واسعه متينه موجود فيها معظم الكامليات الحديثه وب 67000 جنيه وحط مليون خط تحت السعر

تحياتى لك

+111

يا جماعة انا هجيب من الآخر عشان ما حدش يقلق
انا واحد من اللي ربنا انعم عليهم و بقيت من اصحاب اللوجان (معايا لوجان mcv
خلاصة الكلام
انا شفت الصور اللي الاخ صاحب الموضوع عارضهم و بيستفسر عنهم
هو انا بصراحة مش فاهم منهم حاجة نهائيا و لكن من المشاركات فهمت ان العربية اتقلبت و هي بتعمل تجربة ما

طيب هو فين الفيديو اللي يوضح كدا عشان نعرف ملابسات التجربة و ازاي تم الإختبار و العربية انقلبت ازاي عشان نقدر نحكم عليها
اما بالنسبة لموضوع ان العربية تنقلب فدا طبيعي اي عربية معرضة لكدا و بالذات لو السائق متعمد انه يقلبها
يعني مثلا هاتلي اي عربية محترمة من اللي سعرها بيبقي جنبه 6 اصفار و ما فوق و انا بعون الله هقلبهالك علي ظهرها و لو كانت اسكانيا
الموضوع مش حكاية يعني و ياما بنشوف عربيات بتتقلب واكتر من قلبة كمان
انا و الله ليا و احد ابن عمي من حوالي شهر كان معاه عربية سكودا اوكتافيا و هو ماشي بالعربية و السرعة كانت لا تزيد عن 60 -70 و تقريبا فردة كاوتش شيعت منه فوجئ بالعربية بتقلب بيه هو و الي معاه و اتقلبت علي ظهرها لغاية ما راسه طلعت من فتحة السقف و اندفنت في الرملة و بقا مش عارف يتنفس لولا ستر ربنا السواقين علي الطريق نجدوه و لحقوه في اللحظات الأخيرة و عدلوا العربية لوضعها الطبيعي بعد ما خلاص نطق الشهادة في سره و طبعا مش هتكلم علي حالة العربية اللي سقفها بقا علي الكراسي و الناس ما يقتش مصدقا ان الناس اللس لسه فيهم روح و واقفين علي رجليهم

يعني اتخن عربية معرضة انها تتقلب و دا بيتوقف بصورة كبيرة جدا علي السواق اللي ركب العربية يعني لو السواق غشيم و علي اده يبقي العربية ممكن تتقلب و هي بتتدور في مكانها

نيجي بقا لللوجان و ادائها علي الطريق
انا بكرر العربية بسم الله ما شاء الله ممتازة و انا بمشي بيها 150-160 و بكون وحدي و الأمور تمام و لو معايا ناس في العربية الإتزان بيزيد
انا بسافر كتير بالعربية للغردقة و ممكن تسألوا علي ملفات الطريق اللي بيربط قنا بالبحر الأحمر و خصوصا الوصلة ما بين الكيلو 85 حتي سفاجا
اعوذ بالله طريق بنت 60 *70
ملفات عاصية جدا بتوصل لأقل من 90 درجة احيانا و بين جبال و كمان طريق مزدوج رايح جاي علي نفس الطريق وعليها اتوبيسات السياحة و عربيات النقل التقيل و تريلات محملة خام الألومينا من سفاجا لنجع حمادي غير العربيات الصغيرة يعني زحمة موت و بمشي بالعربية 100 - 110 و احيانا 120 في الملفات و باخد الملف عالضيق عجلة في الطبان و التانية في الطريق و كله تمام
لو ملف صعب بهدي ل 90 مش عشان العربية بتعوم و لا حاجة و لكن عشان الركاب اللي معايا ما يحسوش بحاجة و لو حد نايم ما يصحاش

لكن بما يرضي الله العربية تحفة و متزنة جدا
بل بالعكس انا بحس ان اللوجان عشان قاعدتها طويلة شوية بيفرق معايا في الملفات و ما بحسش بيها جامد زي العربية البيجو قبل كدا

و عموما العربية مش معمولة للكلام دا ولا حتي العربيات اللي اغلي منها
يا جماعة احنا بنتكلم علي عربية عائلية و اقتصادية و موجهة للدول النامية يعني تحقيق عوامل السلامة و الأمان المقبولة بأقل تكلفة ممكنة

انا بصراحة شايف انها اكتر مما نحتاج و اكتر من قيمتها كمان

انا بطمن الأخ العزيز اللي متخوف من العربية و بقوله لا تتردد و ما تفكرش كتير لو هتشتري و نويت فتوكل علي الله و ان شاء الله مش هتندم ابدا

فكرتني بواحد بيقول الجين 2 مش ثابتة ووحشة جدا




عشان واحد صاحبه ماشي علي 140 فصلاح سالم و ادا هاند فجاة و العربية.............. اتقلبت :)))))))))))