الموضوع: استشاره عاجله:انا هشتري الميجان دي

ساعات بيبقى عندهم فى التوكيل قائمة بأرقام العربيات اللى كان فيها أجزاء معينة من patch كان الصانع أكتشف أنه فيه عيوب.

يعنى مثلاً على سبيل المثال
شركة رينو تعاقدت على الكويلات مع شركة فاليو
شركة فاليو عملت الكويلات لمدة سنتين.....خلال السنتين كان فى مشكلة فى بعض الكويلات اللى أنتجتها فاليو......فاليو تجمع الكويلات اللى كان فيها مشكلة بأرقامها و تبعتهم لرينو
رينو تشوف الكويلات دى ركبت فى عربيات أيه و العربيات دى أتشحنت لبلاد أيه و تبعت لوكيلها فى البلاد دى أن العربيات اللى ال VIN بتاعها من كذا الى كذا ممكن يقابلهم عيوب صناعة فى الكويلات و ينصح بتغيرها فى أول صيانة دورية.
الكلام ده بيحصل فى معظم التوكيلات عند أكتشاف عيوب.....بس ميزة توكيل رينو أنه بينفذ فعلاً الكلام ده + أن ممكن عميل مشتكاش من الكويلات بس على وشك أنه يطلع من الضمان أو طلع بالفعل بس مش من كتير و يكون عميلهم بصفة مستمرة.......يروحو مغيرين الكويلات أحتياطى.

عموماً فى كل الأحوال أكشف فى التوكيل.

المشاركة الأصلية كتبت بواسطة ahmad aboul fotouh

مهو لما اكشف هيقولولي ان الحاجات دي فعلا اتغيرت
بس هل معني كده ان في حاجات تانيه ممكن تكون عاوزه تتغير او العربيه دي هتكون مشاكلها كتير؟؟
اصل في واحد قاللي ان كان عندو عربيتين ميجان 2007 واحده كانت بتروح التوكيل عشان الصيانه الدوريه وواحده كان كل شويه يحصل فيها مشاكل و تروح التوكيل
فهل دي بتبقي باتش من العربيات خارج من المصنع فيه عيوب و باتش مفيهوش حاجه؟؟
ياريت تكونوا فاهمين قصدي؟

محدش يقدر يحدد القصة دى.........ده غير ان التوكيل مش هيقولك على أيه اللى أتغير قبل كده و أيه لأ بقدر ما هو هيقولك على حالة الأجزاء اللى راكبة فى العربية حالياً.....أيه اللى ينفع و أيه اللى محتاج يتغير.

بس أنا عندى سؤال و توضيح

السؤال هو اللى قالك أن كان عنده عربيتين ده...........كان جايب 2 ميجان و الأتنين 2007 ؟؟؟

التوضيح.....العيوب مش بتبقى فى كل أجزاء العربية.....دى بتبقى عيوب فى جزء معين....أتنين.....تلاتة