هى تلاكيك عشان اللى بيشترى العربية يقلل من سعرها يقولك دى رشة برة كأنها جريمة فى حق البشرية
هى تلاكيك عشان اللى بيشترى العربية يقلل من سعرها يقولك دى رشة برة كأنها جريمة فى حق البشرية
تسلم أيدك يا استاذ سبعاوي و دي بردو كانت و جهة نظري في موضوع لزميل لينا هنا
و ده اللينك بتاعه
http://www.nilemotors.net/Nile/showthread.php?t=70533
و ده ردي عليه
اقتباس:
الله انا كانت عندني نفس المشكلة بس توكلت على الله و رشيت العربية كلها ما عدا السقف
و لما اجي ابيع يبقى الي يشتري يكشف عليها في التوكيل يشوفها عامل حادثة و لا لاء اصل بصراحة انا مش مقتنع بحكاية الرش من برة يقلل تمن العربية من جوة ماشي يقلل تمن العربية زي ما هو عايز لكن برة مش قادر أقتنع بيها انا عارف انه واقع و بيحصل بس مش مقنع خالص
انا ليه امشي بعربيتي مبهدلة مع اني ممكن امشي بيها زي الفل ؟ علشان احافظ عليها للي هيجي يشتريها بعدي يبقى راكب عربية فابريكة برة و جوة
انا حاسس ان دي اشتغالة اخترعوها التجار علشان يقللوا تمن العربيات الي بيشتروها
ده انا مرة روحت اتفرجت على عربية اوبل فيكترا 97 صاحبها كان بيقولي انها فابريكة برة و جوة ما رشتش برة خالص و بيقولي و هو فرحان
روحت شوفتها و الله شكلها يقرف
و الي هيشتريها اكيد هيرشها لانه مستحيل يمشي بيها كدة ده البوية مجيرة و مفقفقة من الشمس
انا لو منك اتوكل على الله و أرش و امشي بعربيتك نظيفية احسن
و بعدين ده احنا ماشين في بلد العجائب تلاقي جميع وسائل المواصلات كلها ماشية مع بعض
تريلات و مقطورات و عربيان نص نقل و تك تك و موتسيكلات و فزب و عجل و عربيات كارو و ناس ماشية في الشارع و عوائق طبيعية في الشوارع
الحاجات دي كلها تخلي اجدع عربية و اجدع سواق يرش العربية من برة
وانا معاك ان رش العربيه مش هو اللى يحدد اذا كان العربيه تستاهل اشتريها ولا لا
زى ماناس كتير اول همهم فى شراء العربيه الموتور وينسوا الصالون
انا متفق معاك مليون الميه
أنا أعرف واحد معاه كيا سيفيا جايبها من الزيرو سنه 2001 ومن ساعتها لدلوقتي وهو مش عايز يرشها عشان موضوع إنها تبقى فابريكه لما ييجي يبيعها , المهم إن الفكره مسيطره على دماغه تماما
و النتيجه إن منظر عربيته دلوقتي بصراحه يقرف اخر قرف , اللون مجرب و مقيح و العربيه مليانه خدوش و انبعاجات و منظرها يعر
انا بصراحه مش مقتنع بمبدأه ده خالص و مش عارف هو بيعمل كل ده عشان ايه في الاخر
الله يفتح عليك يا بشمهندس سبعاوي
هيدا الكلام يا بلا
صرت اشوف عربيات منتهي النضافه و الجمال اسال عنها اعرف انها راشه خوارج
و اشوف عربيات تانية مادفعش فيها عشرة جنيه من كتر الاهمال تطلع فابريكا
اهم شي الحالة العامة للسيارة و حاله الموتور و الصالون
و انا كتير بحترم الانسان اللي بيهتم بدهان عربيته لانه هاد دليل علي نضافته و نضافه عربيته(اللي هي اهم بكتيييييييير من فرق الفلوس عند البيع)
فعلا
ياعنى انا كان معايا عربية 127 وفورتها كلها وسمكرتها كلها شغل صح ومتكلف وغيرت لونها جوة وبرة
والى جة يشتريها مقالشى ولا رشا جوة ولا برة بص على الشغل الى فيها ودفع من غير نقاش
الناس دلوئتى بئو وعين مش زى زمان وشكرا على موضوعاتك الجميلة والاهى المفروض يمسكوك المرور
هو انا مش بجيب مستعمل لكن لو حصل مش هيفرق راشة بره ولا لأ بالعكس لو مرشوشة بس بوية نظيفه هيبقي شكل السيارة جديد, و يا سلام لو لسة البوية جديده و الله تبقي افضل من الفابربكة إللي بويتها قديمة
و انا نفسي بعمل كده في عربيتي لو اتحكت او بويتها قدمت بارشها و إللي مش عاجبه يولع مادام حالتها نظيفه بتتباع في ثانية
السادة الافاضل أعضاء المنتدى،
الكلام كله جميل وسليم بس الخوف ان العربية تكون عاملة حادثة جامدة ولا حاجة ومرشوشة عشان تدارى وفى نفس الوقت العربية ماتبقاش متخبطة ويتقال فابريكة، خير الامور الوسط وشكراً
هو موضوع الفابريكة ده إللي مجنني .. مش مهم الموتور .. المهم الفابريكة
:Copy of majd(4):
احنا مش هنعمل زى الناس دى يا نور المهم طبعا حالة الموتور واساسيات العربية
بالمناسبة دي
عارضة عربيتي للبيع
واحد بيشوفها ... الفقيق الميكانيكي بتاعه
قاله .................
الفتيس كويس
العربية فيها حاجات جديدة راكبة .. الفرامل جامدة
لا وإيه ... رقم كارتيرة
الموتور .. حالته كويسة
القوايم سليمة .. الشكل العام مش بطال شوية تظبيطات
الشنطة سليمة ومش مرشوشة
:Copy of majd(4):
أخ .... بس رشة جوة ... ( حتة عبيطة ناحية الشمال ) مكان استبن العجل
المشتري
آه ... للاسف يا مدام ... كان نفسي متكونش رشة جوة
طيب يا نور انا عندي سؤال، مادام ده رأي الميكانيكي رغم انهم في المواضيع دي ارخم خلق الله و بيطلعوا القطط الفطسانة و الحية و إللي عندها انفلونزا الخنازير كمان علشان يموت سعر السيارة، طيب ممكن تكوني انتي كده ظبطي العربية و عملتي إللي فيها كله و صرفتي و اخدتي القرف بتاعها كله و بعد كده غيرك هو إللي ياخد خيرها علي الجاهز و ترجعي انتي تاني تجيبي سيارة جديدة و غالبا هيكون اللي قبلك قبل ان يتخذ قرار البيع اهملها و بقت محتاجة شغل.
خلاصة هذا الرغي، انك قبل ما تتسرعي و تبيعي اعملي تقييم للسيارة كده بحالتها الحالية و شوفي انتي عملتي فيها إيه و هي لسه محتاجه إيه و استشيري حد بيفهم بس لا يكون صنايعي حتي لو ثقة علشان انا مش لا اثق في اي منهم حتي لو طلعله جناحين و طار زي الملاك، يمكن تكتشفي انه ناو احسنلك تبقي عليها و يكون لينا نصيب نسمع حكايات جديدة للسفنتينا التي طالما امتعنا بها اسلوبك الرائع بس تكون قصص سعيدة المرة دي
صح كلامك يا باشا و كل الناس دلوقتى معندهاش كلام غير هى رشه ولا لا
وناسيين ان فى حاجات اهم بكتييير
بس عموما الفكرة ان مرشش عربيتى عشان متنزلشى سعرها
لا طبعا لان شكلى هيبقى وحش ده لو خبطة جامده يعنى
لكن لو خبطة او حكه بسيطة بسبها
و شكرا يا باشا انك فتحت الموضوع ده
هههههههههه
مرسيه على رأيك ... ولسة النهادرة كنت بفكر فيه
بس أنا تعبت من السفنتينا ... لأسباب كتيير
حسة إن العربية مش مريحاني وأنا سايقاها .. مش عارفة ده طووول زيادة واللا إيه ه:ma:
طبيعة العربيات دي علطوول عاوزة ميكانيكي ... وأنا زهقت من المواقف المتكررة دي
عاوزة ارتاح شوية ....
وتتباع وهي مش بطالة كدة ... قبل ما تنزل الأرض ومتجبش 6 آلاف ج هههههههههههههه
عاوزة عربية حديثة وتكون مكيفة ... الحر فظيع عليا
كان لازم أبدا مع السفنتينا ... عشان اتعلم عليها ... وأجرب كل الألعاب معاها ... والحمد لله
رأيك 100100:Ta_clap[1]:
بس ادعيلي تتباع عشان ارتاح
:majd(2):
واوعدكو سلسلة أجزاء مع السيارة القادمة ... بس مش على وزن تينا
يارب تبيعى السفنتسا وتجيبى حاجة جديدة مكيفة وترتاحى يا نور
إن شاء الله تبيعيها و بسرعة و بافضل سعر كمان، و متقلش اصلها مع إللي هيركبها بعدك علشان ما يدعيش عليكي
اما بخصوص عدم راحتك مع السفنتينا دي حاجة طبيعية جدا -انا معرفش انتي ناويه تجيبي ايه ولا ظروفك عاملة ازاي لكن انا هاقول إللي يرضي ضميري- لان دي سيارات الرفاهية و الراحة و الاعتمادية فيها علي قد سعرها و كمان عمرها الإفتراضي انتهي من زمان من كتر اللعب و التعديلات و التصليح و العك، و العربيات خاصة الحديث منها مصممة علي انها تتركب خمس سنوات -و ده عن تجربة في اذابة سيارات كتيرة- و بعد كده تبدأ تفتح بقها و تقف و تعمل المواقف اياها، و زي ما الناس بتعمل انها بتجيب سيارة زيرو او يعني كسر زيرو تاخد خيرها و تبيعها قبل ما تبدأ تقول عايزه و إللي بعد كده عايز يركب قديم هو اللي يصلح، و لو حسبتي فرق التكاليف هتلاقي انك لما تركبي سيارة مش عايزه غير زيت و بنزين بس اغلي شوية علشان زيرو او نقول كسر زيرو اعتقد بتكون صفقة اكثر ربحا بكثير، نفس ما تركبي سيارة ارخص سعرا و اغلي في تكاليف التشغيل لحاجتها لقطع غيار و اصلاح اعطال و طبعا بما انك بنوتة-او ستوتة لا اعلم- هنضيف عليكي البهدلة مع كل عطل و مشوار للميكانيكي و اعتقد انك مجربة و عارفه.
لذلك احسنلك تجيبي عربية زيرو حتي لو بالتقسيط و إللي انا شايفه مش ربا ولا حاجة و لي في ذلك نظرية فقهية خاصة ممكن ابقي اشرحهالك بعدين، او سيارة كسر زيرو لكت سيارات قديمة تاني هتبقي مسالة خاسرة للاسباب إللي شرحتها
اسف علي الإطالة و انشاء الله تتباع السفنتينا و عقبال الفيراري انزو كده يارب
بصو كده الموضوع ده
http://www.nilemotors.net/Nile/showthread.php?t=76838
لما عملت اعلان في الوسيط و الناس اتصلت و اول حاجه يسئلو عليها البويه فابريكه
و طبعا اول ما ارد احس ان ركبه الف عفريت انه يطلع يجري
عندك حق ...