سلوك ردئ، فرضه التجار، واتبعه الكثير منا بشكل مخجل

**zezo13178** · 17-11-2007 08:02 AM

فعلا موضوع مهم يا سبعاوي ... التجار اساسا ابتدعوا موضوع رشه ولا فابريكا ده اساسا عشان يقيموا العربيات علي مزاجهم لحد وقت قريب كان الزبون اما يجي يشتري عربيه ماكنش بيسال رشت بره ولا رشت جوه كان المهم عنده العربيه تكون ظاهريا كويسه وشكلها حلو وروشه ( جنوط وعده والكلام ده ) وكان التجار بيعملوا احلي مصالح ساعتها لكن مع انتشار ( نظريه الفابريكا ) ومع انتشار دائره التجار ( كل الناس بقت تجار دلوقتي ) حتي اللي مابيعرفوش حاجه بقي اول حاجه يسال عنها الواحد فابريكا ولا لا ؟؟؟
ودلوقتي اما تيجي تبيع عربيه تلاقي المشتري جاي ومعاه اصحابه وجيرانه وقرايبه وكل واحد عمال يقول راي في العربيه
.. باختصار السحر اتقلب علي الساحر التجار هما اللي بدعوا اللموضوع ده وهما اللي بيعانوا منه دلوقتي
يعني تكون عندك عربيه موديل التسعينات مثلا ويجي واحد يقولك هي رشت بره ليه ؟؟ هي عملت حادثه ؟؟ حتقوله ايه ده والنبي

**وائل السويفي** · 17-11-2007 10:39 AM

انا متفق معاك تماماً يا سبعاوى

انا فعلا مستغرب من فترة كنت بفكر ابيع عربيتي الــ127 وكل ما حد يشوفها اول سؤال هي راشه

فعلا سؤال غبي عربية موديل 82 يعني عمرها اكتر من 25 سنة مشيت في كل طرق مصر على مدار الربع قرن وقابلت صعاب ومواجهات وصراعات الشارع المصري طول الفترة دي اكيد يعني احتاجت لرش او تغيير اجزاء والعبرة بحالة العربية دلوقتي...

بس هانقول ايه ...... يبقى انت اكيد اكيد في مصر .......!!!!!

**محمدايهاب** · 17-11-2007 04:05 PM

الكلام ده على حسب الشاري زي ما قال سبعاووي
مثلا عندنا في العيلة الشكل أهم من وجود الماتور من عدمه فعلا
يعني صني مستعملة و طالع عينها أحسن من فيرنا زيرو
كمان يارس مستعملة أحسن من لانسر جديدة
طبعا دول أمثلة على 2 عماتي
أما عمي فمهم عنده الفابريكة و الشكل
يعني إلنترا مستعملة فابريكة أحسن من ميجان مرشوشة

**zezo13178** · 17-11-2007 04:29 PM

يا وائل باشا فيه عربيات كتير موديل السبعينات وبتبقي فابريكا بس المشكله ان الموصوع تحول الي عرف
يعني مثلا في 127 اول حاجه يقولك رقم كارتيره ولا قايم ( رقم الشاسيه ) وكانه لو علي الكارتيره تبقي العربيه زي الفل ومفيهاش مشكله

**وائل السويفي** · 17-11-2007 04:36 PM

المشاركة الأصلية كتبت بواسطة mido_honda

يا وائل باشا فيه عربيات كتير موديل السبعينات وبتبقي فابريكا بس المشكله ان الموصوع تحول الي عرف
يعني مثلا في 127 اول حاجه يقولك رقم كارتيره ولا قايم ( رقم الشاسيه ) وكانه لو علي الكارتيره تبقي العربيه زي الفل ومفيهاش مشكله

مظبوط يا باشا

**الصاوي** · 17-11-2007 05:10 PM

ليه احرم نفسى من منظر ورونق سيارتى علشان اخليها حلوة فى عين اللى هيشترى بعدى، هو انا خلفته ونسيته، انا دافع فى العربية دم قلبى علشان اركبها انا واستمتع بها انا وليس من سيشتريها بعدى،

و مين قال كده....ده انا لو خربوش واحد ممكن ارش العربية كلها علشانه
و كل سنة المَ العربية عند السمكري و البوهيجي من مجموع الخدوش السنوية و النقر
و لمما ابيع اللي يعوز على كده اهلا و سهلا واللي مش عايز بالسلامة
لكن امشي معفن لا لا لا لا لا لا لا لا لا لا لا لا

**amrrashed** · 18-11-2007 01:19 AM

انا اصلا بحس ان اللى يشترى عربية مجرحة ومخبطة بس فابريكة برة وجوة دة بيضحك عليه اصلا لانه هو اللى هيسمكر ويرش

**gade2** · 18-11-2007 01:47 PM

منظر عربيتى هو جزء من مظهرى العام

كلامك حكم

**Ah.Farid** · 19-11-2007 03:24 PM

+100000 يا أ سبعاوووووووووووووووى

**Drift_Lover** · 02-06-2009 03:07 PM

بالرغم من ان الموضوع ده عدي عليه ما يقرب من العامين... يعني قبل ما اشترك في المنتدي.
ولكني باحيي المهندس سبعاوي علي وجهة النظر القيمه والعمليه.
وشكرآ ليك علي الموضوع
.
.
.
Abo.Yousif

الموضوع: سلوك ردئ، فرضه التجار، واتبعه الكثير منا بشكل مخجل

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الجمال لن يكلفنا الكثير

اقوي سلوك الارضي ولا سلوك البوجيهات

اهداي الى صيادله المنتدى بشكل عام واحمد فارما بشكل خاص

بالله عليكم شاهدوا رئيس وزراء لبنان الجديد - شئ مخجل

فات الكثير مش باقى الا القليل

الكلمات الدلالية لهذا الموضوع

المفضلات

المفضلات

ضوابط المشاركة