ممكن نصيحة لأخوكم الغلباااااااااااااااااااا ااان

**mostafabakry** · 15-11-2007 05:39 PM

اولا السلام عليكم ورحمة الله و بركاته

يا جماعة انا مش عارف بصراحة اعبر ازاي علي مدي سعادتي بوجودي داخل هذا المنتدي الأكثر من رائع و اللي بصراحة اتعلمت من خلال اعضائة الكرام و المشرفين عليه حاجات كتير لم اكن لإتعلمها لولا بوجودي هنا

المهم انا من فترة بفكر اشتري عربية جديدة و كنت محتار اشتري ايه و ازاي
ربنا كرمني و استقريت علي الأوبترا و هقسطها عن طريق بنك التنمية والإئتمان الزراعي حيث انني من محافظة قنا و لقيت ان البنك دا بيديني بنفس سعر شركة كوتكت كار لأني لقيت القسط متساوي لنفس المقدم في الحالتين مع العلم ان البنك ضماناته بالنسبة لي سهلة جدا و متوفرة و هي حيازة ارض زراعية وضامن و مافيش تحويل مرتبات ولا حاجة من دي خالص
معلش طولت عليكم
سؤالي هو هل انتظر شوية عشان موضوع الجمارك اللي ممكن يخفضوها ولا اتوكل علي الله و اخلص و اشتري 2008 بصراحة انا خايف اشتري و بعدين الجمارك تنزل والاقي سعر العربية نزل كام الف جنية في لحظة و ابقي خسرت كتير مع العلم انني ان شاء المولي عزوجل مش هبيع العربية طالما الظروف ماشية كويس و ماحصلش حاجة لا قدرالله

مستني نصائحكم الغالية و اللي هاخد قراري بناءا عليها لأني بثق في اعضاء المنتدي ثقة كبيرة :roll:

**fahd_628** · 15-11-2007 05:44 PM

رأى توكل على الله و كل مواضيع الجمارك دية اشاعات

**ahmedsrs** · 15-11-2007 05:54 PM

رأى توكل على الله و كل مواضيع الجمارك دية اشاعات

**اسلام المصرى** · 15-11-2007 08:34 PM

مبروك مقدما يا أستاذ مصطفى :-) أنا لو مكانك هشترى العربية توكل على الله , كل سنة بنسمع الأسطوانه المشروخه ديه و الأسعار و لا بتنزل و لا حاجة أعمل صلاة أستخارة و توكل على الله , طالما الأمور ماشية معاك كويس لا داعى للأنتظار و هذا رأى الشخصى فقط. ربنا يوفقك لما فيه الخير.

**bassam nagy** · 15-11-2007 08:45 PM

رأى توكل على الله و كل مواضيع الجمارك دية اشاعات

**hussein** · 15-11-2007 08:55 PM

انا عن نفسى هستنى اول السنه ودا طبعا سلاح ذو حدين يتنغلى العربيات يتنزل
او تفضل زى ماهى

**mostafabakry** · 15-11-2007 09:07 PM

متشكر جدا لكم يا جماعة علي اهتمامكم بموضوعي وطبعا من خلال الردود بتاععتكم حتي الان الاغلبية بتقول توكل علي الله
انا هعمل زي ما قال الأستاذ اسلام وهصلي صلاة الإستخارة االأول
ربنا يقدم ما فيه الخير هو نعم المولي و نعم النصير
:-)