عاز اعرف رأيكم فى أشترى سيارة ياريس فول ابوشن اتوماتيك ولا نيسان ex saloon

**Samir Elshahawy** · 29-10-2009 07:15 AM

انا معايا الياريس فول أوبشن اوتوماتيك موديل 2008 و حاليا معايا الصني المانيوال
هات الياريس , ليه ؟؟

- عفشة انعم بكتير من الصني
- مريحة من الداخل اكثر ووضع الكراسي و القعدة أحسن من الصني
- باور ستيرنج كهرباء يعني ممكن تلف الدريكسيون بصباعك و ده ميزة كبيرة في المناورات الضيقة و الركنات لكن عيب في الثبات علي السرعات العالية و ان كان بيتقل بعد ال 60 كم/ساعة
- العزل أحسن من الصني
- أستهلاك البنزين اقل بكتير يعني أقتصادية جدا جوه المدن و خارجها
- توكيل محترم
- الثبات معقول لو أنت قيادتك هادية و مش بتجري يعني لحد 120 كم/ساعة كويس جدا بشرط مايكونش فيه هوا جامد علي الطريق
- عالية عن الارض مهما حملت فيها ماتحكش في المطبات اللي في أرض المحروسة

عيبها الوحيد في رأيي سعرها , أنا شايف أنه المفروض ينزل عن كده

**refoo** · 31-10-2009 03:38 PM

نيسان ex saloon

**Abomar77** · 31-10-2009 05:01 PM

ياريس يا باشا وانت مغمض ...
كفاية انها ياباني 100/100
والصني تقفيل مصري .....

**medo_2060** · 31-10-2009 05:45 PM

انا رأى تجيب نيو سيراتو حلوه اوى والكل مبسوط منها وتبقى جبت شكل جديد لان اليارس قديمه اوى فى الشكل والصنى شكلها مش حلو والموديل الجديد شكل القديم
ولو لازم من الاتنين دول اعتقد ياريس

**chip** · 01-11-2009 04:19 PM

Yaris

**Tayer** · 01-11-2009 06:45 PM

يارس يا ريس

**OilMan** · 02-11-2009 09:23 AM

والله الكلام ده سمعته وانا باجيب الضمان بتاعى من البرجسى وده وكيل معتمد لتويوتا بس انت ممكن تسال فى تويوتا ؟؟؟؟

المشاركة الأصلية كتبت بواسطة hanyhanyhany

اخر سنه للياريس؟!!!!!!!!!!!! هيرجعوا الايكو ؟!!!!!!!!!!!!!!!

حضرتك متأكد من الكلام ده ؟

**أحمد علاء** · 02-11-2009 10:35 AM

السلام عليكم ورحمة الله وبركاته

الي يقدر يحكم في الإختيار هو انت فقط
اعمل جدول بيسموه discussion matrix لإختيار السيارة
الجدول يتكون من ثلاث اعمدة وعده صفوف
اول عامود هو المواصفات او الخصائص للمقارنة مثال - الموتور -الفيتيس-الشكل-إستهلاك البنزين-مركز الخدمة-سعر إعادة البيع-شكلها مريح ليك اكثر-رأي باقي الأسرة لو متزوج -الخامات الداخلية-عزل الصوت-وسائل الأمان-الفرامل-العفشة-اماكن التخزين-حجم الشنطة -اسعار قطع الغيار-مراكز الخدمة وسمعتها-الضمان- بلد المنشأ-التقفيل-المساحات الداخلية للمقصورة بالنسبة للسائق او لم يجلسون في الخلف... ألخ
ثاني عامود هو اول سيارة وثالث عامود هو ثاني سيارة تريد مقارنتها
بعد كده امام كل بند حط درجة من عشرة حسب رؤيتك وإحتياجك انت مش حد تاني
مثال لو اهم حاجة عندك الثبات على حساب نعومة العفشة هتدي ثبات عربية "أ" 9 او 10 و العربية "ب" 6 مثلا
وهكذا
بعد كده جمع واقسم على مجموع النقط الكاملة (عدد البنود مضروب في رقم 10) واحسب النسبة المئوية مثال سيارة أ 90% وسيارة ب 85% ثم تقسم سعر كل سيارة علي النسبة الي حصلت عليه هيطلعلك سعر السيارة بالنسبة للمميزات
و في الحالة دي السيارة الأرخص هي ما تناسبك انت

رجاء ان تكون هذة الطريقة مفيدة اولا لإنها علمية ثانية انها مجربة وتنفع في شراء او المقارنة بين اي منتجين محتار بنهم
والأهم من ده كله هو الإستخارة.. لا تنسى

السلام عليكم

**Ahmed.TV** · 03-11-2009 01:01 PM

هى مشكلة الياريس فى الاير باجز بتعها بيقولو ان معرض يتفتح فى حوادث بسيطة والمشكلة انه مينفعش يتعطل ولو اتفتح بترجع تركب الدنيا من تانى ب25 الف والكلام ده من ملاك السيارة وطبعا هنا القلق بقا مع ان ماتورها رائع وتوكلها ممتاز وخامتها كويسة وفيها حاجات كتيرة كويسة وحتى الثبات بالنسبالى رائع عشان انا مش بجرى اكتر من 140 ومعايا بولو اللى اقل منها فى الماتور والحجم والثبات معايا جيد يبقا اكيد فى الياريس جيكون جيد بردوا او احسن بشوية ولا ايه
بس ياريت ملاك السيارة يطمونا من موضوع الايرباجز