تركيب فاميه تحت البيت وبثمن منافس

**ZALABANY** · 09-05-2011 01:55 PM

المشاركة الأصلية كتبت بواسطة unendlich

أنا كلمته و قالي 120 جنيه !!!
بما إن كده استهبال أنا نزلت جبت 3 رول بـ 40 جنيه و ركبت خلاص 3 زجاج جانبي فاضلي واحد و الخلفي
أنا شخصيا شايف إن إحساس جميل إنك تعمل حاجتك بـنفسك و أكيد مفيش حد في الدنيا هيخاف على حاجتك (عربيتك, الفرش , الزجاج) قدك

انا بأه شايف ان حضرتك ما يصحش تقول استهبال وشايف ان شغل الراجل ده يستاهل المبلغ اللي هو بتكلم فيه انا مركب عنده عازل حراري جايبه من امريكا وركبهولي علي يومين والراجل شغله اكتر من ممتاز
وبين البابع والشاري يفتح الله ولا داعي للتجريح في احد

**Unendlich** · 12-05-2011 12:03 AM

المشاركة الأصلية كتبت بواسطة karim_monir

هو انت ممكن السعر مايعجبكش وممكن تعمل حاجتك بنفسك
لكن ممكن كمان ماتهينوش

المشاركة الأصلية كتبت بواسطة zalabany

انا بأه شايف ان حضرتك ما يصحش تقول استهبال وشايف ان شغل الراجل ده يستاهل المبلغ اللي هو بتكلم فيه انا مركب عنده عازل حراري جايبه من امريكا وركبهولي علي يومين والراجل شغله اكتر من ممتاز
وبين البابع والشاري يفتح الله ولا داعي للتجريح في احد

يا جماعة أنا مش بهينه
بس لو حد عنده وصف يعني إيه يبقى قايل للأستاذ كريم 80 و بعدين يقولي 120 ياريت يقولهولي !!!!

**Karim_Monir** · 12-05-2011 12:30 PM

اشمعنى هو اللي مش هايغلي
وبعدين معرفش نطاق سكنك ايه
لان الكلام ده لمصر الجديد وشرق القاهرة بس
ممكن تكون ساكن في منطقة تضيعلة وقت كبير

**Karim_Monir** · 14-05-2011 07:44 PM

انا مابدافعش ولا حاجة
عامة انا كاتب من اول الموضوع اني بحاول اساعده
لان في ناس وقتها اهم من الفلوس ودول اللي الخدمة دي تنفع معاهم
وهو لا بيعلن معانا ولا يعرف انترنت ولا عمره هايشوف الكلام ده اصلا
تحياتي

**haisam_belal** · 17-05-2011 01:23 AM

ولو انى مكنتش حابب ارد على اللى بيتقال ..لكن بصفتى واحد جربت اكرم و شفت شغله و بما انى برضه حاسبته على 120 من كام يوم احب اقول للجميع ان دى ارزاق....فيه بيت و اسره مفتوحين بسبب كده
انا وجهه نظرى ان كل واحد بياخد نصيبه ولو هنتكلم على النصاحه و الاستهبال....تعالوا نسال نفسنا اشتغلنا كام مره عند ميكانيكى او كهربائى حمار و اخد فلوس على الرغم من انه بوظ مصلحش و رحناله لحد عنده
كلامى مش مرتب بس ارجو من كل واحد ممكن يجرح حد ....فليقل خيرا او ليصمت

**ivanoviskie** · 05-07-2011 07:00 PM

قرأت الموضوع من أوله لآخره عشان أشوف صورة واحدة بس ..... لكن ما لقيتش

**madawbs** · 04-08-2011 11:59 AM

المشاركة الأصلية كتبت بواسطة lolita

عندنا العربية بتتفيم ب 35 جنية وشغل اكتر من ممتاز مش عارف اية الارقام الى بتتكلموا عليها دى

انا برده كنت عاوز اقول اني فيمت الجولف قبل ما ابيعها ب 40 جنيه في الهرم شارع ترسا خدت ربع ساعه شغل وكان كويس جدا بس برضه دى ارزاق والراجل مابيفرضش نفسه هو بيعرض خدمه معينه بسعر معين الى عاجبه يكصل بيه والى مش عاجبه ينزل يفيم براحته فى اى حته نتاسبه اسعارها هي فين المشكله اساسا

**weza3** · 05-08-2011 09:53 PM

100 جنيه ايه ؟؟؟؟؟؟؟؟؟؟؟؟؟؟؟؟؟؟ .................................................. ..
تم وقفك لمخالفه قاعده رقم 13 من قواعد وقوانين المنتدي
مشرف عام 4