الموضوع: سؤال لملاك النيو سيراتو بمختلف فئاتها Lx Ex Sx بخصوص مقاسات الكاوتش والجنوط والارتفاع

المشاركة الأصلية كتبت بواسطة bassemforever

لو تلاحظ ان كل مالجنط بيكبر الارتفاع بتاع الكاوتش بيصغر ودة طبيعي علشان يحافظوا على القطر بتاع العجلة كلها بالكاوتش لو هيبقى في فرق هيبقى اقل من 1 سم مش اكتر يعنى مفيش فرق فعلى فى الارتفاع لكن احب اوضح حاجة ان الجنط ميكبر والكاوتش ارتفاعة يقل دة بيبقى كويس للثبات لكن مش كويس لامتصاص المطبات ودة بيبقى مصلحة فى الطرق الكويسة لكن فى طرقنا بيخلى العفشة تحس انها ناشفة شوية وتدب انا عن نفسي مستحيل اجيب جنط 17 فى مصر وانا معايا حاليا جنط 16 والحمد لله كويس لكن اكتر من كدة مش هستحمله واهم حاجة راحتى وانص اى حد ميجيبش جنط اكبر من 16 فى طرق مصر لو فى الخليج او بلد الطرق فيها رصفها كويس اوكية غير كدة لا

انا عارف ان الفرق فى القطر الكلى للجنط بالكاوتش هايبقى حوالى 1 سم

انا عايز اعرف من حد يكون جرب ال sx وال ex او ال sx وال lx

هل حاسس بفرق فى الارتفاع وهل ال 1 سم دا فارق ولا لأ ؟

انا باتكلم عن الفرق من حيث الحك فى المطبات والحفر مش الاحساس بالنشوفيه والعفشه

وشكرا لمشاركتك