سؤال لعمالقة السريون

**casualmasters** · 29-10-2009 02:14 AM

السلام عليكم
هذه هى اول مشاركة لى فى هذا المنتدى المنتدى الذى جعلنى اقتنع بالسريون اكتر و اكتر فانا انوى ان تكنن السريون اول عربية امتلكها و تكون فتحة خير عليا
انا امامى كذا اختيار
1 اشترى سريون 2009 و اقسط بالعرض اللى يخلينى ادفع 5000 جنية و كل شهر 1500 لمدة 60 شهر و هذا للسريون ون 1000 سى سى

2 اشترى سريون ون كسر زيرو عاملة 3000 كيلو على 66000 كاش موديل 2009 بردو بس هتيقى كسر ظهر و هتعدى

3 اشترى سريون 1300 سى سى موديل 2008 عاملة 33000 كيلو اوتومتيك صاحبها جايبها قسط انا هدفع 40000 و ممكن افاصل شوية جنبة و ادفع 1000 جنية لمدة 40 شهر

طلباتى فى العربية اللى انا عاوزها تكون مريحة جدا عشان السفر كل اسبوع القاهرة اسكندرية و طبعا توفير البنزين فا انا كدة عايز عربية تعمل 500 كيلو فة الاسبوع يعنى فى الشهر 2000 كيلو او اكتر فهل الموتور 1000 سى سى يستحمل ؟؟؟؟؟

وهل هناك سيارة افضل من السريون احد الاعضاء يرشحها

طبعا انا عايز عربية تكون الاستبلتى على السرعات العالية كويسة قول على 120 140 كم/س زى الانسر كدة

**casualmasters** · 29-10-2009 07:11 AM

no one reply

**M.Mosaad** · 29-10-2009 08:52 AM

اولا خليك في ال 1300 احسن و ياريت الاتوماتيك دي حاجة
الحاجة التانيه العربيه اللي بتقول عليها عامله 33000 كم و هتدفع 40000
اعتقد انك لو جبتها جديدة و دفعت 40000 جنيه مقدم القسط هيبقي في حدود 1050 بس علي 60 شهر و اسمك جبت عربيه زيرو فدة حل كويس
بالنسبة للثبات العربيه ثابته جداااااااااا انا مجربتش اللنسر علشان اقولك بس هي فعلا لحد 140 هتلاقيها كويسة اوي لو حبيت تتفادي حاجة كدة مش هتعوم
بس بعد كدة انا مجربتهاش جربتها علي طريق العين السخنه لحد 170 كم بس الطريق طبعا مستقيم و ملفاته واسعةةةةةةةةة بس كانت برضة كويسة جداااااااا و مش حاسس بالسرعه العاليه بس اعتقد لو جيت يمين او شمال فجاة كانت هتعوم
بالنسبة لو حاجة افضل العربيه دي تسارعها تحفة جدا بس برضة بص علي الرينو السيمبول و ياريت لو حد جرب الاتنين يقدر يفيدك اكتر
و ربنا يوفقك

**GMakram** · 29-10-2009 09:36 AM

اسمحلى انا هقول حاجه فى حدود اللى اعرفه بس,اعتقد تخليك فى ال1300 افضل من ال1000 لأن ال1000 3 سيلندر وانا مش بفهم اوى فى الحجات دى بس واحد صديقى مهندس ميكانيكا قاللى ان ال3سيلندر مش هتديلك قوه الاداء اللى هتتوقعها فأنا شايف بلاش السيريون وان مش لانها وحشه بس اعتقد انها تكون مناسبه لحد سنه كبير مش مهم عنده انه يجرى كتير او يسافر كتير زى مبتقول

**casualmasters** · 29-10-2009 02:10 PM

اولا شكرا لرد الاعضاء الكرام
ثانيا انا قرأت فى المنتدى انه لا يوجد فرق بين ال 1000 سى سى و ال1300 إلا فى السرعات العالية فهل ال 300 سى سى تستحق انى ادفع 7500 جنية
و كمان انا لو هقسط ال 1300 سى سى اوتومتيك هدفع 1500 لمدة 60 شعر مع دفع نفس المقدم (40000)

**casualmasters** · 30-10-2009 03:28 AM

up up

**MoToRiZeR** · 31-10-2009 09:38 AM

انا رأيي برضه خليك في ال 1300 عشان تبقي مستريح لو ناس راكبة معاك خاصة في السفر.

**rockana** · 04-11-2009 03:24 PM

المشاركة الأصلية كتبت بواسطة casualmasters

اولا شكرا لرد الاعضاء الكرام
ثانيا انا قرأت فى المنتدى انه لا يوجد فرق بين ال 1000 سى سى و ال1300 إلا فى السرعات العالية فهل ال 300 سى سى تستحق انى ادفع 7500 جنية
و كمان انا لو هقسط ال 1300 سى سى اوتومتيك هدفع 1500 لمدة 60 شعر مع دفع نفس المقدم (40000)

لو انت دفعت 40000 مقدم - الباقى 45000
45000 × 8% × 5 سنين = 63000
كل شهر = 1050
فايدة دايهاتسو 8 % - تقسيط مباشر من الوكيل نفسه
لو انت فى المهندسين روح لفرع الشركه فى شاره احمد عرابي (دايهاتسو مصر )
او شارع السودان (العالمية المتحدة للتجارة - عبداللطيف جميل المحدوده)