السلام عليكم

العفشة :(
بعد ما كنت بفخر بيها قدام كل اصحابى اللى معاهم زيرو اظاهر انى حسدت نفسى ... من ساعت ما اشتريت العربية و اجمل مافيها هى العفشة من نعومة و قوة و ثبات و كنت بركب فيها بالـ 4 و كانت زى الفل ...

القصد و النية من اسبوعين كنت مركب معايا عائلتى الكريمة منهم ماشاء الله 3 اوزان فوق الـ 100
سمعت صوت حكة جاى من العجلة اليمين اللى اقدام و اخوايا كان قاعد ورايا و قالى ان حاسس تحتية فى صوت حكة جامد عرفت ان العربية هابطة جدا جدا و نزلت لاقيتها فعلا هابطة قوى قوى !

قولت مش مشكلة من 4 ايام كنت فى كورنيش المعادى و ماشى و مركب جنبى صاحبى ظهر تانى الصوت برضة مش مشكلة صاحبى تخين ... نزلته رميته فى عربية صاحبى التانى !

النهاردة لوحدى ! الووووون ! و الصوت برضو ظهر ليه مش عارف و يظهر اكتر لما اشيل رجلى من على البنزين اى مع فرملة الموتور و على السرعات العالية يعنى 70 و طالع !

و كمان زاد صوت غريب كده فى الملفات يمين او شمال ! ايه الحكاية يا وحوش العفشة بتودع منى ولا ايه ؟؟ و العربية هبطت شوية عن الاول ... ايه العمل و اروح فييييييييين ؟