الموضوع: مساعدة ... عفشة الكليو !

المشاركة الأصلية كتبت بواسطة ahmed a.maksoud

كوبلن الميكانيكيون غالباً كوبلن كامل مش الراس بس
و فرنش غالباً الراس بس.

الصوت اللى بيجى فى الملفات اليمين أو الشمال.....بتسمعه والعربية واقفة و أنت بتكسر الدركسيون ولا و أنت ماشى بس ؟

لو و أنت واقف واضح معاك يبقى غالباً بطاحات المساعدين.

السلام عليكم
الصوت اصلا انا مش بسمعه بسهولة لما الف الدريكسيون و انا ماشى يعنى لازم اركز قوى و اقفل الكاسيت علشان اسمعه ... لما رفعوا العربية النهاردة لفلى العجلة الشمال و هيا كاسره شمال فسمعت صوت تزييئ بسيييييييط قوى و ورانى زيت قالى ده من الكوبلن اللى المفروض يتغير ...

و انا بلف الدريكسيون و انا واقف مش بسمع حاجة غريبة صوت ماكينة الباور العادى ...

المشكلة يا استاذ أحمد انهم مريحونيش فى حاجة !

قولتله اغير الكوبلن و هتكون تمام ؟ قالى مش عارف نغير و نجرب !
طب يا عم صوت الاحتكاك اللى جاى من قدام ده من ايه ؟؟ مش عارف نغير و نشوف !
يعنى ايه اغير و اشوف هما 20 جنية ؟ دول 2000 جنية و طالع علشان نجرب !

و بعد كل ده يقولى على فكرة العجلتين اللى ورا عايزين يتغيروا !!! ايه اللى جابنا دلوقتى فى العجل اللى ورا ؟! مشيت معاه للنهاية قولتله يعنى هما سبب صوت الاحتكاك قالى ممكن !

من الاخر مفهمتش منهم اى حاجة ... لاقيت شاب جاى يقولى على فكرة انا سمعت الصوت و مش مستهلة انك تغير الكوبلن و انا معايا كليو طول عمرى و عارف بقولك ايه و هو بصراحة شخصية جميلة جدا دردشت معاه و ده كان رأية ...

أكشف فى مكان تانى و لا أروحلهم اغير الحاجات اللى قالوا عليها ؟

أيه رأيك يا أستاذ أحمد ؟