وزير النقل ... استقال ... ام اقيل ؟؟

**ahmdmagdy** · 29-10-2009 01:01 PM

مش فارقه المهم اني في كبش فداء و رئيس س ك ح استفال هو كمان

**أشرف العدوي** · 29-10-2009 01:10 PM

يا جماعة بجد موضوع التطوير و الكلام ده هجص
انا يوم الجمعة الي فاتت ( قبل الحادثة بيوم )
كنت مسافر البلد ( ابو حماد - شرقية )
قولت اروح في القطار احسن من البيجو علشان كان هيعمل حادثة جامدة اخر مرة علشان الطريق فردة واحدة رايح جاي
بغض النظر عن ان الوقت خد تقريباً ثلاث ساعات و نص
لكن في الرجوع كان في كارثة
القطر من غير شبابيك اه و الله العظيم من غير شبابيك و لولا ان عمي كان معايا كان زمان ايدي طارت علشان غفلت و أيدي طلعت من الشباك و انا نايم اه و الله العظيم تخيل لو طفل هو الي جنب الشباك كان ممكن يحصل ايه
ده غير لما كنت بسافر الصعيد في الشغل
القطر الاسباني الدرجة التانية ( في عز الصيف من غير تكييف ) ده غير في محطات زي بني سويف تلاقي الناس هجمت عليك و الي نايم على حامل الشنط و الي ناقص يقعد على رجلك ( طلبة الجامعات بيركبوا في اي حتة )
مرة قبل كدة ما لحقتش احجز من المنيا المهم ركبت و قولت ادفع الغرامة و خلاص ( كنت في رمضان ساعتها )
فضلت لحد بني سويف محدش قالي تذكرتك فين لحد ما جه الملاحظ و قوتله انا راكب من المنيا و لسة ما دفعتش راح عملي تذكرة من بني سويف للقاهرة
ده غير الممنوعات الي بتدخل القطار زي بوتاجازت الكيروسين و غير التدخين في العربية المقفوله الي المفروض انها مكيفة
بجد اسوأ مرفق مواصلات في مصر و المشكلة ان أسوأ مرفق ده هما الي عملوا اعلانات بالملايين و بردو مافيش فايدة

**ecybrarian** · 29-10-2009 03:46 PM

من الآخر...الراجل استُقيل

**Ahmed Nouh** · 29-10-2009 04:11 PM

المشاركة الأصلية كتبت بواسطة emsadeck

الجرارات الجديدة منحة من ليبيا وقطر
.

حضرتك بتتكلم بجد

الجرارات دى منحه !!!!!!!!!!!!!!

وكمان من ليبيا وقطر

عليه العوض ومنه العوض , جه الزمن اللى بقينا ناخد فيه منح من ليبيا

**إبراهيم.صادق** · 29-10-2009 04:56 PM

المشاركة الأصلية كتبت بواسطة Ahmed0Nouh

حضرتك بتتكلم بجد

الجرارات دى منحه !!!!!!!!!!!!!!

وكمان من ليبيا وقطر

عليه العوض ومنه العوض , جه الزمن اللى بقينا ناخد فيه منح من ليبيا

ده موضوع كان بيتكلم فيه رئيس الهيئة -المُقال أيضاً- عن الجرارات الجديدة، مذكور في أول الموضوع انها منحة من قطر وليبيا وفي آخر الموضوع له تعليق ظريف قوي في الرد على ملاحظات السائقين "اللى بيشحت بدله بيقول مواصفاتها إيه؟"

رئيس هيئة السكة الحديد يكذب تقارير صحفية تشكك في كفاءة الجرارات الجديدة

وده نص خبر وصول الجرارات المنحة:
ط§ظ„ظ…طµط±ظ‰ ط§ظ„ظٹظˆظ…
http://www.almasry-alyoum.com/articl...rticleID=83335

الحمد لله بعد 36 سنة بدون حروب وعايشين عصر السلام والازدهار والانفتاح بقينا بنشحت جرارات السكة الحديد والعبارات