الموضوع: هل تمر مصر بأسواء فتراتها .. ؟

المشاركة الأصلية كتبت بواسطة elassar2010

فى قانون طوارىء فى البلد ممكن يحكموا بية التجار واى حد لو هما عايزين
الحكومة نزلت الجمارك فعلا عن حاجات متخصش الشعب المصرى نزلت الجمارك عن الكافيار
وعن انواع سمك تانى غريبة وحاجات تانية معرفش دى اية لزمتها
الحكومة تقدر تسيطر على الاسعار لان فى حاجات كتير فى ايديها زى شعبة التجار تقدر تحدد السعر الاقصى لاى منتج
الجمعيات الاستهلاكية منزلتش فيها لية المنتجات بالاسعار الحكومية؟؟

معلش اعذرنى معظم الكلام ده مش صحيح وبالارقام والوقائع لان شغلتى هى الاقتصاد

اولا الحكومة نزلت الجمارك على منتجات غذائية كتيرة فى ابريل 2008 ومنها الالبان جبن...الخ يعنى سلع المواطن العادى

ثانيا: مفيش حاجة اسمها قانون طوارئ ولا تحديد جبرى للاسعار لانه ده معروف انه حيخلق مباشرة سوق سوداء زى مكان حاصل ايام الستينات وزى محصل فى اى دولة طبقت تسعيرة جبرية

ثالثا: الاسعار ارخص نسبيا فى الجمعيات الحكومية بس المشكلة ان الحكومة لا تنتج فبالتالى بتشترى وبتبيع بس بهامش ربح اقل لكن مش حتقدر ترجع الاسعار زى زمان

المشاركة الأصلية كتبت بواسطة hegazio

و عملت ايه الثورة و التعليم المجاني ؟؟؟!!!
اهم ادو الشعب كله شهادات لا تساوي الورق المكتوبة عليه .. من جامعات اصبحت غير معترف بيها دوليا
و خريجي بكالوريوس و تعليم فني لا يعرفو الألف من كوز الذرة
و شهادات شهادات و لا يوجد لها وظائف ولا رواتب محترمة
في الخارج لا يستمر في التعليم الأكاديمي الا من يستحقه و يصلح ليبدع فيه
اما الباقي فلو هناك حرفة سيحترفها و يكون نجار ممتاز مثلا .. احسن 100 مرة من دكتور فاشل
.
و أنا لا أقول ان الوضع قبل 52 كان مثالي .. بس كان اللي انت بتتكلم عليه ده ممكن الثورة تعدله ببساطة .. بدلا من تخرب كل شيء أخر

انا متفق معاك تماما ان التعليم المجانى المفتوح للكل بدون ضوابط كارثة

لكن لو خيرتنى بين الناس متتعلمش او تتعلم بس بجودة اقل

لو مفيش خيار تالت يبقى حختار تتعلم بجودة اقل

على فكرة الحكومة الحالية اكيد نفسها تعدل التعليم المجانى لكن مش حتقدر علشان الشعب عمره محيفهم ان ده لمصلحته

المفروض ان يكون التعليم الاساسى مجانى لمن لا يقدر
وبعد الاعدادى نشوف محتاجين تعليم جامعى اد ايه (يعنى كام مهندس مطلوب كام دكتور كام محامى كام تجارة)
ونقبل على اساسهم اعداد فى ثانوى بس
ودول اللى يكملوا تعليم جامعى حتى لو الثانوى ساعتها حيبقى 90% ملناش دعوة
والباقى يروحوا تعليم فنى (بجد) ويطلعوا يفيدوا البلد بجد (احد معوقات الصناعة فى مصر عدم وجود عمالة مدربة)
ويبقى التعليم الجامعى افضل لان الاعداد حتبقى اقل وبرده يطلعوا يلاقوا شغل

اليابان بتقول احنا تقدمنا لاهتمامنا بالتعليم الفنى

لكن فكر بقى فى مصر انك بس تحلم بحاجة زى كده

الدنيا كلها حتتقلب عليك وحتبقى خائن وعميل

وحتلاقى كل الناس عمالة تفتى وتهيج فى الشعب

دول بيضطروا يقبلوا طلبة اكتر من المعتاد فى طب علشان كل واحد ابنه جايب 95% شايف انه لازم يددخل طب

للاسف دى مشكلتنا فى مصر ان حتى لو حد حب يطور ويعمل الصح مش حيلاقى حد يقف معاه

المشاركة الأصلية كتبت بواسطة hegazio

و أنا معاك جدا
نفسي الحكومة تخلي التعليم مجاني تماما تماما و يكون تعليم بجد بجد لمن يستحقة و يصلح فيه و يخرج شرف لشهادته
و لمن لا يصلح له التعليم .. يفك الخط .. و يتعلم حرفة يصلح فيها و يبدع

المشاركة الأصلية كتبت بواسطة ahmed4000

بمناسبة اللى بيتكلموا على العصور ما قبل "الثورة"
[gdwl] لو كانت مستمرة كان زمان نصنا فلاحين بنزرع فى اراضى البشاوات[/gdwl]
وكان النص التانى اقصى احلامهم انهم ياخدوا البكالوريا بدون ادنى حلم بالمرور امام جامعة فؤاد الاول والثانى والتالت

على الاقل كنا حانبقى فالحين و متصدرين فى حاجة بدل ما احنا مش طايليين و لا زراعة و لا صناعة و الحاجة الوحيدة اللى كنا فالحين فيها و هى التمثيل و الهلس و المسخرة راحت علينا بسبب سوريا و تركيا