مأساة المخالفات ( نداء للسيد وزير الداخلية )

**zaza_lanos** · 10-11-2009 11:10 AM

ياباشا حد ربنا ينعم عليه ويخرج من المخروبة ده
ويرجعلها تانى استحمل بقى
هى ده مصر

**khalid_adel** · 10-11-2009 11:27 AM

حسبي الله ونعم الوكيل
ربنا يعوضنا خير في الاخره
ياجماعه احتسبو واسترجعو الحاجات دي عند ربنا
ده سيدنا محمد استرجع لما المصباح طفى مابالكو ماللي بنشوفو كل يوم دلوقتي

**A_H_M_A_D** · 10-11-2009 12:17 PM

أنا أخر مرة كنت في المرور كنت بطلع شهاده بيانات وكنت واقف في الطابور و كان قدامي واحد بس

الست اللي في الشباك مكانتش بتعمل غير حاجتين , إنها تقوم كل شوية و مش عارفين بتروح فين تقعدلها بتاع ربع ساعه و بعدين ترجع تاني تبص في ورقتين و تقوم تاني

اخر مرة جت فيها كان معاها سندوتشات فرشت و قعدت تاكل و كلنا قدامها و محدش قادر ينطق , فضلنا على الحال ده أكتر من 45 دقيقة ما بين أكل و قومه من مكانها

في الاخر أنا زهقت و قمت مسخن الراجل اللي قدامي عليها , قلتله يا تخلص ورقك يا تطلع من الطابورو تسيبنا , قام قعد يزعقلها و لم الناس عليها

المدير جه و قعد يقول فيه إيه , حكيناله اللي حصل و قلناله الراجل ده واقف بقاله ساعه ماتحركش , قام خد الورق بتاعه و اداهولها عشان تخلصه , طلع فيه حاجات ناقصة فقام الراجل خرج عشان يكملها, و المدير قالها خلصي الناس اللي واقفين دول

لما جه دوري الوليه كانت حتفرقع مني و قعدت تقولي سخنت الراجل من تحت لتحت و خلصت إنت ورقك و حاتمشي , عملت عبيط عشان ماتوقفليش الورق و قلتلها أنا ؟؟؟

**shifu** · 10-11-2009 12:33 PM

Ahmad your reply reminded me of the movie erhab and kabab when adel emam went to the tahrir building and saw the guy pray when it was not the right time and in the end when the guy was eating and the prayer call was on he did not pray and decided to eat

**A_H_M_A_D** · 10-11-2009 12:47 PM

المشاركة الأصلية كتبت بواسطة shifu

ahmad your reply reminded me of the movie erhab and kabab when adel emam went to the tahrir building and saw the guy pray when it was not the right time and in the end when the guy was eating and the prayer call was on he did not pray and decided to eat

بالظبط
و الكلام اللي أنا قلته والله مافيهوش مبالغة بل على العكس ده فيه تفاصيل أكتر من كده تشيب و تفقع بس أنا كاتب الخلاصة

**homme49** · 10-11-2009 12:58 PM

المشاركة الأصلية كتبت بواسطة shifu

ahmad your reply reminded me of the movie erhab and kabab when adel emam went to the tahrir building and saw the guy pray when it was not the right time and in the end when the guy was eating and the prayer call was on he did not pray and decided to eat

لعلمك إذا حان وقت الصلاة و أنت تأكل فيجب عليك أن تتم وجبتك و لا تقطعها
و بعد الإنتهاء من الأكل تقوم للصلاة
و ذلك حتى لا ينشغل فكرك و تسرح فى اللأكل و أنت تصلى (خاصة و انت جوعان)

**Karim_Mohy** · 10-11-2009 01:15 PM

لا وبعد صرلع ...تحسوا ان الواحد بيفرح فرحة عارمة
اكنوا جاب الديب من ديله....بجد حاجة تقرف

**Ashraf_Ashraf** · 10-11-2009 01:29 PM

يامان ابتسم انت فى مصر العزيزه قطر ايه وخليج ايه
انا كنت برخص عربيتى فى جده بالفحص اللى الجدى فعلا ( مش فتح مخ وربنا يكرم وكده ) وادفع الرسوم فى ماكينه البنك واستلام الرخصه فى 15 دقيقه وفى مصر كنت برخص فى رمضان اللى فات قعدت اسبوع ارخص واخر يوم رحت الساعه 8.3 قلت اسلم بقى الورق اللى خلصت فى اسبوع واستلم الرخص فى ساعه ولا حاجه ( لاحظ اننا فى رمضان ) استلمتها الساعه 4.3 هى والنمر الجديده اكتر 8 ساعات وبهدله وقله ادب وخناقات ( لو مش عاجبك اخبط دماغ فى اجدع عمود )
وتحيا مصر ونظام مصر