دايو - ماتيز مو99

**hanykd** · 31-10-2009 10:21 AM

المشاركة الأصلية كتبت بواسطة yrashidy

أولا :يا جماعة أنا متشكر على المرور و أحترم ردودكم و وجهات نظركم جدا

ثانيا :أ نا فعلا قررت أبيع العربية من شهر تقريبا تحديدا من ٦ أكتوبر و ده بغرض
التغير عشان أركب حاجة أكبر و أحدث و بما إني مليش في البيع و الشراء و الجو ده مكنتش عارف سعر العربية دي إيه في السوق ، طلبت فيها ساعتها ٣١ بس ناس كتير قلتلي ده كتير أوي ، ومن أسبوع بس نزلت السوق و بدأت أسأل عن سعر العربية دي و من اللي شوفتوا أقدر أقول لحضراتكم إن سعر العربية دي ما بين 25 إلى 33و ده طبعا على حسب الحالة و الموديل و الكماليات

ثالثا : من وجهة نظري المتواضعة جدا أنا شايف إن مينفعش نقارن أي حاجة بي أي حاجة لأن السوق يا أساتذة عرض و طلب و العرض و الطلب على اللانوس غير العرض و الطلب على الماتيز و كل عربية ليها اللي يركبها و يشوف الحاجه اللى تناسبه فيها و للعلم الماتيز من أنجح العربيات في فئتها

رابعا: أنا جدي جدا جدا في البيع و الدليل على كدة إني لما عرفت سعر العربية دي ف السوق نزلت في تمنها من ٣١ إلى ٢٩،٥ و على فكرة أنا شايف السعر ده معقول جدا و مناسب ل حالة عربيتي إلي أنا واثق منها جدا و متأكد إن اللي هايخود العربية دي هيدعيللي إنشاء الله

خامسا و أخيرا : مش عيب اني ابيع في العربية شهر أو إتنين أو حتى سنة العيب إإني حتى الآن ملقتش حد فعلا جد في الشراء و كل اللي عيز يشتري تجار و عايزين يشترو العربية بتراب الفلوس عشان يعرف يكسب من وراها فيا ريت يا جماعة اللي جد في الشراء يقول كلمة حلوة و يكلم بالحق و أنا مستعد فعلا لأنزل في السعر شوية لو حست أن اللى جاي يشتري بيشتري بجد

السلام عليكم ورحمة الله

أصبر لغابة ماتجيبلك السعر اللى إنت عاوزه وكل واحد أدرى بعربيته
ماتسمعش كلام الناس الحلوة اللى هنا اللى بيقولك 22 والكلام دة
فى ناس هنا شغلتها كدة تبخس أى بيعة على الموقع وتوقع سعرها
ربنا يوفقك فى البيع ويبارك لك فيها
أخوك فى الله هانى

**yrashidy** · 31-10-2009 11:33 AM

المشاركة الأصلية كتبت بواسطة hanykd

السلام عليكم ورحمة الله

أصبر لغابة ماتجيبلك السعر اللى إنت عاوزه وكل واحد أدرى بعربيته
ماتسمعش كلام الناس الحلوة اللى هنا اللى بيقولك 22 والكلام دة
فى ناس هنا شغلتها كدة تبخس أى بيعة على الموقع وتوقع سعرها
ربنا يوفقك فى البيع ويبارك لك فيها
أخوك فى الله هانى

جزاكم الله خيرا يا أستاذ هاني

**sobhysm** · 31-10-2009 02:10 PM

ربنا يوفقك فى بيعها

**gold_777** · 01-11-2009 01:32 AM

السلام عليكم
يا اما تصبر شويه فعلا زى ما انت عاوز وبعدين دى مش مغلباك فى حاجه ولا بتاكل وبتشرب فى قعدتها
يا اما لو عاوز تخلص القى نظره على الاسعار اللى الناس خلصت بيها فى العربيات دية وخلص
ويا عم لو عاوز تخلص بس بسعر كويس ويكون انت والناس كلها راضين عليه انا دخلت هنا فى المنتدى على الصفحه الخاصه بالنوع ده من السيارات وشوفت ايه العيوب وايه المميزات ومتنساش جاجه انها تقيله فى البيع والشراء ابعتلى على الخاص او الايميل gold_777@hotmail.com

**yrashidy** · 01-11-2009 03:10 AM

و الله يا أستاذgold_777 أنا حاولت أفهم رد حضرتك بس مقدرتش لأن ذكائي المحدود مقدرش يوصل للهدف بتاع الرد بتاع حضرتك خالص خالص

يعنى مقدرتش أفهم انت عاوز تشترى العربيه و لا بتحاول تعمل أيه بالضبط ... يا ريت تكون أوضح شويه

بس هو انا حسيت من أسلوب سيادتك ان ممكن يكون في حاجة مضايقاك من العربيات الدايو الماتيز بوجه عام أو يمكن تحديدا اللون بتاع الماتيز بتاعتي مش بيعجبك عشان كده انت زعلان شويه

على العموم انا تحت أمرك في أي وقت و رقم التيلفون بتاعي موجود فى الموضوع (بدل الخاص و كده) و انا مستعد أقابل حضرتك انا و الماتيز بتاعتى عشان بس أعرف هيا مزعلاك في أيه و أهي برضه تبقى فرصه اتعرف على حد من المنتدي الجميل ده ....

و تصبح على خير ......

**mohamed_ssa80** · 01-11-2009 11:17 AM

باشا لو عندك استعداد تبيع ب 25000 يبقى انا ان شاء الله شارى بعد المعاينه طبعا

**yrashidy** · 04-11-2009 08:25 PM

شكرا للجميع على المرور الكريم والمشاركات الطيبه ...

السيارة اتباعت الحمد لله , ربنا يبارك لصاحبها و يكفيه شرها

أرجو من ادارة المنتدي غلق أو حذف الموضوع....