دايو - ماتيز مو99

**yrashidy** · 29-10-2009 11:08 PM

دايو - ماتيز

800 سى سى - 3 سلندر - 94000 كم

الحالة ممتازة من الداخل و الخارج ولا تحتاج أي مصاريف .فابريقة دواخل وسقف + تكييف ممتاز+ سنتر بالريموت + جنوط + كاوتش جديد+ بطارية جافة + فرش جلد مميز+ كاسيت الفابريقة+ سماعات كينوود 400 وات . يمكن مشاهدة صور السيارة بالمرفقات و السعر نهائى
رجاء الأتصال للجادين فقط على

0105090044

**mxz911** · 29-10-2009 11:13 PM

هو ا لسعر فين عشان يبقى نهائى ؟

يرجى وضع السعر النهائى بعد مراجعه سعر السوق اولا

وربنا يكرمك

**yrashidy** · 29-10-2009 11:23 PM

معلش يا باشا أصل أنا معاد نومي فات و ابتديت أهسهس

السعر هو 29500

**Ahmed_Gadalah** · 30-10-2009 02:28 AM

ربنا يحسنلك بيعها

**yrashidy** · 30-10-2009 11:19 AM

المشاركة الأصلية كتبت بواسطة ahmed_gadalah

ربنا يحسنلك بيعها

اللهم أمين و متشكر على المرور

**Hondawy_2008** · 30-10-2009 06:05 PM

كتيييرعليها أوي يا مان ده سعر لانوس اللي أنت حاطه ده

**mxz911** · 30-10-2009 06:14 PM

كتيييرعليها أوي يا مان ده سعر لانوس اللي أنت حاطه ده

هوالصراحه السعر عالى شويه فعلا عن السوق

لكن انا مشوفتش لانوس بالسعر ده قبل كده !

اقل لانوس شوفتها كانت ب 32 ودى حالتها كانت تعبانه شويه اعتقد .. الانوس الكويس من اول 35 وانت طالع ...

والماتيز اللى اعرفه سعرها ف حدود من 23 للحاله الجيده الى 26 لو حالتها شاذه جدا !

والله اعلم

**gold_777** · 30-10-2009 09:47 PM

السلام عليكم
بصراحه هو ماسك فى سعر ومش عاوزيسيبه لانه عارضها من اول الشهر ومش جايبه لان الناس بدل ما تدفع فى عربيه 850 سىسى المبل ده تستنى وجيب بنفس المبلغ حاجه اكبر خى عدالها
من25 الى 27
لو ناوى يبيع وفى جديه يقول

**yrashidy** · 31-10-2009 02:03 AM

أولا :يا جماعة أنا متشكر على المرور و أحترم ردودكم و وجهات نظركم جدا

ثانيا :أ نا فعلا قررت أبيع العربية من شهر تقريبا تحديدا من ٦ أكتوبر و ده بغرض
التغير عشان أركب حاجة أكبر و أحدث و بما إني مليش في البيع و الشراء و الجو ده مكنتش عارف سعر العربية دي إيه في السوق ، طلبت فيها ساعتها ٣١ بس ناس كتير قلتلي ده كتير أوي ، ومن أسبوع بس نزلت السوق و بدأت أسأل عن سعر العربية دي و من اللي شوفتوا أقدر أقول لحضراتكم إن سعر العربية دي ما بين 25 إلى 33و ده طبعا على حسب الحالة و الموديل و الكماليات

ثالثا : من وجهة نظري المتواضعة جدا أنا شايف إن مينفعش نقارن أي حاجة بي أي حاجة لأن السوق يا أساتذة عرض و طلب و العرض و الطلب على اللانوس غير العرض و الطلب على الماتيز و كل عربية ليها اللي يركبها و يشوف الحاجه اللى تناسبه فيها و للعلم الماتيز من أنجح العربيات في فئتها

رابعا: أنا جدي جدا جدا في البيع و الدليل على كدة إني لما عرفت سعر العربية دي ف السوق نزلت في تمنها من ٣١ إلى ٢٩،٥ و على فكرة أنا شايف السعر ده معقول جدا و مناسب ل حالة عربيتي إلي أنا واثق منها جدا و متأكد إن اللي هايخود العربية دي هيدعيللي إنشاء الله

خامسا و أخيرا : مش عيب اني ابيع في العربية شهر أو إتنين أو حتى سنة العيب إإني حتى الآن ملقتش حد فعلا جد في الشراء و كل اللي عيز يشتري تجار و عايزين يشترو العربية بتراب الفلوس عشان يعرف يكسب من وراها فيا ريت يا جماعة اللي جد في الشراء يقول كلمة حلوة و يكلم بالحق و أنا مستعد فعلا لأنزل في السعر شوية لو حست أن اللى جاي يشتري بيشتري بجد