الموضوع: اكسسوار لــــــوجى ..

المشاركة الأصلية كتبت بواسطة AHMED12345678

انا اقترح بصفتى لوجانوى قادم ان شاء اللة
بدل السى دى الى فيها فى سى دى بايونير
deh3150ub
ولون اضائتة برتقالى نفس لون نور التابلوة وفية مخرجين gm
وفتحةaux
وفتحةusp
وقدرتة 50وات فى اربع سماعات وطبعا بيقرا كل الملفات زى mp3وغيرة
وممكن يتجاب من التوفيقية وسعرة حوالى600جنية وكسر بس مش فاكر كام بالظبط
وصورتة عندى بس مش عارف ارفعها ازاى
وصحيح معاة ريموت وكمان مكان الاسطوانة مكانها ورا وش السى دى
يعنى الاسطوانة مبتكنش باينة

طيب ياجماعة الكاسيت الجديد ده يبقى احسن ولا موضوع الشاشة والكاميرا احسن بالنسبة لموضوع تشغيل ال mp3 وكده يعنى

بالنسبة للوجان حد اتأكد اذا كان الكاسيت مجهز لانه يركبله ال aux ولا لأ ؟؟ ... انا روحت لكلاريون ( اعتقد اسمه كده ) وقاللى انه مش متاكد اذا كان ال aux ليه مكان ولا لأ وعلشان يتأكد لازم يفك الكاسيت ويشوف وراه ... والله نفع يبقى كده تمام والواحد يجيب mp3 وهكذا القصة دى تتكلف اقل من ال 200 بشوية ...ده لو ال aux طلع معمول حسابه اصلا

المشاركة الأصلية كتبت بواسطة alex_life1989

نصيحة يا باشا بلاش دلايات
اولا لانهم بيسببوا برومة و الكلام ده وخده من بق سمكرى و هوا بصراحة جدع اوى و معرفة كمان و قالى حيعملوا برومة
و ثانيا لان كده العربية حتبقى تاكسى مش لوجى
و راى الشخصى اللى عاوز يظبط العربية يظبطها من جوا و بلاش من بره لان العربية من بره مش ناقصة حاجة

يا باشا أنا جبتلها من بره حاجة واحده بس ...
صدادات من اللي بتتلزق بالدبل فيس على الإكصدامات علشان لو حد ريح عليك .. عارفها !!
هي دي بس ..
بس أنا أعتقد إن الدلايات ليها لازمة جامدة .

المشاركة الأصلية كتبت بواسطة egyzizo

بالنسبة للنقطة دى بالذات أنا أقدر أجاوبك لأنى مركب شاشة وكاميرا ، وأعرف يعنى ايه كاسيت mp3.

بالنسبة لكفاءة الصوت واحدة ، ومافيش فرق بين الاتنين ، بس أنا بافضل الكاسيت يكون فيه mp3 لسهولة الاستخدام (نقطة مهمة جدا لأنك بتكونى سايقة وعايزة تركزى) .. يعنى فى حالة الكاسيت الـ mp3 هتشغلى الكاسيت --> هتجيبى الاغنية --> play

أما فى حالة الشاشة والكاميرة هتشغلى الكاسيت --> هتجيبى قناة الـ fm اللى انت مولفة الشاشة عليها --> هتشغلى الشاشة --> هتجيبى الريموت من التابلوه --> هتروحى لقسم المزيكا فى الشاشة --> هتدوسى انتر --> هتجيبى الأغنية --> play --> هيطلع الصوت من سماعة الشاشة --> هتضغطى على زرار الإف إم فى الريموت ، عشان يطلع الصوت من سماعة العربية --> هتضغطي على زرار اظلام الشاشة من الريموت علشان تقدرى تستخدميها كمراية وانتى سايقة.

مما سبق ، لو عايزة تجيبى الشاشة والكاميرا علشان موضوع الـ mp3 فقط ، يبقى مافيش داعى والكاسيت هيبقى أفضل .. لكن لو هتجيبيها علشان حاجة تانية انتى محتاجاها من استخداماتها الكتير وموضوع الـ mp3 يبقى ميزة فى السكة ، يبقى مافيش مانع .

تمام ياوحش ربنا يكرمك على المقارنة الجميلة دى ... بس حضرتك عندك فكرة عن العمر الافتراضى بالنسبة للاتنين ( مين حيعيش اكتر يعنى ... وده على اساس ان الكاسيت ابو 600 ده ماركة كويسة )؟؟

المشاركة الأصلية كتبت بواسطة egyzizo

بالنسبة للكاسيت فلو قصدك على البيونيير أبو 600 جنيه اللى قال عليه الزميل أحمد ، فدى ماركة عشرة على عشرة ، أنا كان معايا واحد بايونيير فى العربية الـ 128 اللى قبل لوجى ، وقعد معايا 8 سنين بحالته وبدون أى أعطال لحد ما سرقه صاحب النصيب ..

أما بالنسبة للشاشة ، فاعتقد برضه انها محترمة لأن المحل اللى أنا اشتريت منه أعطانى ضمان وختم لى كتيب الشاشة بالإضافة ان تقفيلها نضيف جداً.

شكرا يافندم على ردك وربنا يعمل اللى فيه الخير ان شاء الله ..... بالنسبة للشاشة حضرتك جبتها من عند ادريان ؟؟؟ وهل ليها مركة معروفة ؟ (علشان اجيب الاسم او الماركة ده يعنى من محلات اسكندرية)