اكسسوار لــــــوجى ..

**Egyzizo** · 19-01-2010 02:25 AM

المشاركة الأصلية كتبت بواسطة ringoo

الله ينور عليك يا زيزو حلوة اوى الحلية بتاعت الشكمان شكلها لذيذ
حبقى ادور عليها واقولك .. شكرا يا زيزو على مجهودك وتعبك

المشاركة الأصلية كتبت بواسطة bishoy02010

ديه اتلحمت ولا ركبت إزاى ؟؟؟

هى فعلاً طالعة ظريفة ومش over خالص .. لأنى كنت خايف من كده ..

هى بييجى معاها ركبتين ستانلس (زاوية 90) ومساميرها والركب دى تربطها فى الشكمان عن طريق المسامير ،
واحتياطى برضه السمكرى اداها بنطة لحام إضافية بعد ما ربط المسامير زيادة اطمئنان.

**Egyzizo** · 19-01-2010 02:29 AM

المشاركة الأصلية كتبت بواسطة shoka

الف شكر يا باشا على ردك وكمان الصور الجامده وحلو قوى الشكمان
طيب معلش هما الدلايات ليها مقاسات وكله عادى وتركيبها بكام
وفعلا اهم حاجه انه يمنع التراب الى على بودى العربيه علشان بيقبا شكلها وحش وعهى ماشيه

لأ هى مالهاش مقاسات ، بس ليها أشكال، حسب تلبيسها فى العربية ، بس علشان ما تلفش هات أى شكل يعجبك وخللى السمكرى يتصرف لأنك مش هتلاقى حاجة standard على لوجى خصوصاً للكاوتش الأمامى لأن الرفرف وراه معمول بشكل يخللى مش أى حاجة تركب بسهولة .. قول للسمكرى يقص منها ويعدلها ودى حاجة هيعرف يتصرف فيها.

وبالنسبة لتمن التركيب ، هو قال لى اللى تجيبه ، فأنا اديته 15 جنيه فى تركيب الدلايات وحلية الشكمان لأن تركيب الدلايات كان غلبة شوية.

**bishoy02010** · 19-01-2010 08:37 AM

هيا الحلية اشترتها من عند مين ؟؟؟؟

**Egyzizo** · 19-01-2010 02:09 PM

من محل اكسسوار عندنا فى شبين الكوم ..
بس شفتها كتير وأشكال تانية فى كذا محل اكسسوار ..

**shoka** · 19-01-2010 02:27 PM

المشاركة الأصلية كتبت بواسطة egyzizo

لأ هى مالهاش مقاسات ، بس ليها أشكال، حسب تلبيسها فى العربية ، بس علشان ما تلفش هات أى شكل يعجبك وخللى السمكرى يتصرف لأنك مش هتلاقى حاجة standard على لوجى خصوصاً للكاوتش الأمامى لأن الرفرف وراه معمول بشكل يخللى مش أى حاجة تركب بسهولة .. قول للسمكرى يقص منها ويعدلها ودى حاجة هيعرف يتصرف فيها.

وبالنسبة لتمن التركيب ، هو قال لى اللى تجيبه ، فأنا اديته 15 جنيه فى تركيب الدلايات وحلية الشكمان لأن تركيب الدلايات كان غلبة شوية.

شكرا يا باشا وربنا يباركلك فى العربيه

**msafa** · 01-02-2010 02:33 AM

والله يا جماعة موضوع جامد جدا لأي ماركة بس واضح ان لوجي بطلع الحب و الابداع اللي جوانا

انا بدأت احوش لها اهو و معايا 15 و هجيب 10 في خلال كام شهر و الباقي تقسيط ان شاء الله ادعولي

**frhateg** · 01-02-2010 03:09 AM

المشاركة الأصلية كتبت بواسطة msafa

والله يا جماعة موضوع جامد جدا لأي ماركة بس واضح ان لوجي بطلع الحب و الابداع اللي جوانا

انا بدأت احوش لها اهو و معايا 15

و هجيب 10 في خلال كام شهر و الباقي تقسيط ان شاء الله ادعولي

يارب يتمم لك علي خير في اقرب وقت ... آمين .

**Emadsamy** · 27-02-2010 12:14 PM

[QUOTE=Egyzizo;3872113972]دى صور للشاشة

ودى صورة الشاشة شغالة على وضع المارشيدير ، ويلاحظ الخطوط التى توضح المسافة بينك والعربية اللى وراك

معلش على إقتحامى منتداكم الذيذ عشان أنا مش لوجناوى.
لكن كان عندى إستفسار صغير على الشاشه دى عشان عايز أركبها عندى فى صنى
أيه أخبارها بعد التجربه و تنصح بيها ولا لاء؟ عشان أنا عايزها تشغل 2 شاشه مخدع و ياترى ده ينفع أصلا ولا أنا بخرف؟
وياريت تردوا عليا

**Egyzizo** · 27-02-2010 01:03 PM

يا ألف مرحب بيك ..
حضرتك بتتكلم عن حاجة تانية واستخدام تانى ..
يعنى اللى أنا مركبها هنا دى شاشة مراية تركب على مراية العربية ، والهدف منها أساساً كان لاستخدام الكاميرا الخلفية للمساعدة على الركن ، لكن لو الهدف هو تشغيل أفلام فيديو ، فأنا لا أنصحك بهذه الشاشة لأنها هتلغى المراية اللى لا غنى عنها، لأن أثناء تشغيل الفيديو مش هتعرف تستخدمها كمراية ..

لكن بالنسبة لشاشات المخدع فدى استخدامها أساساً للفيديو وماينفعش تستخدمها مع كاميرا خلفية ، فهى هتبقى مناسبة جداً لو هدفك هو تشغيل الفيديو بس.

وبالنسبة لكفاءة الفيديو فهو ممتاز ، الصورة بتبقى واضحة والصوت ممتاز ومافيش لها أى عيوب.

**bishoy02010** · 27-02-2010 01:09 PM

[QUOTE=Emadsamy;3872407577]

المشاركة الأصلية كتبت بواسطة Egyzizo

دى صور للشاشة

ودى صورة الشاشة شغالة على وضع المارشيدير ، ويلاحظ الخطوط التى توضح المسافة بينك والعربية اللى وراك

معلش على إقتحامى منتداكم الذيذ عشان أنا مش لوجناوى.
لكن كان عندى إستفسار صغير على الشاشه دى عشان عايز أركبها عندى فى صنى
أيه أخبارها بعد التجربه و تنصح بيها ولا لاء؟ عشان أنا عايزها تشغل 2 شاشه مخدع و ياترى ده ينفع أصلا ولا أنا بخرف؟

وياريت تردوا عليا

أنا مش فاهم جزئية يعنى إيه تشتغل 2 شاشة مخدع ديه بس عمتا انا انصحك بيها لو محتاج الأوبشن بتاعتها

انا العيب الوحيد ان الشاشة نفسها غامقة كتير عن المرايا فهتتعبك فى الرؤية بليل غير كده انا مش شايفلها عيوب تانية بصراحة زى الفل ( من دى فى دى + اغانى + سليد شو مع موسيقى + كار كيت + عرض صور + زوووم كمان لسه مكتشف الموضوع ده امبارح + لعب ولسة مجربتهاش )

الموضوع: اكسسوار لــــــوجى ..

LinkBack

أدوات الموضوع

عرض

-

-

-

-

-

-

المواضيع المتشابهه

اكسسوار السيارات

اكسسوار m11

اكسسوار جولف5 gti or r32

محل اكسسوار ؟؟؟؟

اكسسوار

الكلمات الدلالية لهذا الموضوع

المفضلات

المفضلات

ضوابط المشاركة