اقتراح بخصوص سيات 133

**ahmedgoldberg** · 10-11-2009 04:05 PM

هههههههه انت جيت فى ملعبى
انا كان عندى سيات قعدت معايا لمده سنتين ليها اجمل ذكريات معايا
مشكلتها فى السخنيه ملهاش حل بجانب لما بتفتح فى المصاريف بتزهقك
نصيحتى ابعد عنها وادخل فى 128

**أشرف فتحى** · 12-11-2009 10:14 PM

ياااااااااااااااااااااه.... فكرتنى بالسيات......

بص يا سيدى.....

انا هقولك تجربتى وانت احكم......

السيات كانت اول عربيه اشتريها من مالى الخاص.....

عدلت كل حاجه فيها.....

الفلانشات..... كبالن.....

موتور السيات.....موتور 127....وعملتلوا عمره كامله كمان عشان خف شويه....

التبريد...ريدياتير المانى ومروحه كهربا 4 ريشه قويه جدا بزرار إضافى بجانب الترموستات....

المارش .....اتجدد تمام....والدينامو كذلك...

التابلوه.....تابلوه 127

الطاره بتاعه السيات الضخمه السخيفه دى....طاره اسبور....

الفتيس ...وضبته عند واحد مشهور جدا بتاع فتيس جنبى فى شبرا.....

وكاسيت وسماعات وفرش وكل الكماليات.....

النتيجه.......عربيه متسترش......

صحيح ارحم من التاكسى والاتوبيس والمواصلات...وإقتصاديه فى البنزين ...لكن هتقضى كل اجازاتك عند الميكانيكى وهتتعرض لكل الاشتغالات الممكنه....ووقت البيع هتخسر فيها مبلغ محترم....

أنا صرفت عليها 11000 جنيه......واتقللى فيها 5000 جنيه ...

فهى بجميع الحسابات خساره .....

**بوالينو** · 12-11-2009 10:48 PM

انا شايف من الكلام ده ان العربية دي مقلب والحمد لله اني لسة مشترتهاش وشكرا علي مشاركتكم

**بوالينو** · 12-11-2009 10:54 PM

المشاركة الأصلية كتبت بواسطة mohamedsalaheldeen

السلام عليكم
الاخ الفاضل اللى عايز يشترى سيات
اولا اللى خلاك تفكر فى السيات انها على قد فلوسك
عايز ااقول لحضرتك ان العربيات السيات دى من احلى العربيات
ده لانها بتتمتع بؤبشن عالى قوى مش موجود فى اى عربيه تانى و هو انها صغيرة الحجم
ثانيا
فى اربع حاجات مهمه جدا فى العربيه دى اذا توفروا اصبح معاك عربيه تقدر تعتمد عليها و تروح بيها اى مكان
1- موتور تمام
2- الفتيس مهم جدا انه يكون كويس لان صيانته غاليه جدا و سعره استيراد غالى جدا
3- التبريد ( فى تعديل بيتعمل فى العربيه دى بيحل مشكلة السخونه الى الابد و لو محتاج اشرحه لك انا تحت امرك )
4- العربيه دى بتكون الات الجر بتاعتها على حاجه اسمها فلانشات

لكن الصح و الاحلى انك تعدلها و تقلبها كبالن

انا من عشاق العربيه السيات دى
و كان معايا عربيتين منها
اقسم لك بالله كنت بسافر بيها من القاهره الى الاسكندريه من غير ما اعمل رست

زى ما قالك الاخ الفاضل اعمل صلاة استخاره و توكل على الله

اخوك / محمد صلاح

شكرا علي مشاركتك / ولكن مش عارف انا صرفت نظر عن العربية دي - وياريت كل من مر بتجربة مع السيات يقولها لكي تعم الفائدة للجميع

**fargood** · 13-11-2009 07:51 PM

بسم الله الرحمن الرحيم
من خلال تجربتى مع السيات133 ممكن اقولك انا العربيه دى زيها زى اى عربيه لها مميزات وعيوب
المميزات : سعرها رخيص بالنسبه لعربيات كتير(على شرط انك متصرفش عليها مليم عشان تجددها يعنى تشتريها من واحد عامل فيها تعديل يعنى يكون مسقط موتور 127
وضايف مروحه اضافيه128 للسياره ومعدل دوره التبريد وتكون العربيه حالتها العامه تمام
كده انت كسبت سياره تمام بسعر رخيص.
عيوبها:العيب المعروف للناس كلها (سخونه الموتور العاليه)
وقطع الغيار غليه وقليله(يعنى مره الميكانيكى قلى عايز مسمار وش سلندر لفيت عليه السوق ملقتوش فى الاخر جبت مسمار 127من محل قطع غيار مستعمله ب10جنيه المسمار الواحد الى لقيته هعمل ايه.
خلاصه الكلام عشان تشترى عربيه سيات لازم تكون حلتها تمام ودوره التبريد معدله اياك تقول هشتريها وبعدين عمل الكلام ده لا هتصرف علها كتير وفى الاخر هتخسرررررررررر
الحل التانى انك يكون عندك(صبر الجمل ومراره الفيل )عشان تقدر عليها
والله اعلم.

**rockana9112007** · 19-03-2010 02:11 AM

اية ياجماعة مفيش جديد فى الموضوع دة ولا اية

**misoalex** · 19-03-2010 04:52 AM

انا كان معايا 3 عربيات سيات ورا بعض
وكل واحده ليها حاله وقصه
بس انا شايف ان الردود كلها غير مشجعه انى اتكلم عنها
بس حقول حاجه لو عاوزين تعرفو العربيه دى

افتحو جوجل واكتبو رابطه الغلابه اصحاب السيات 133 واقرأو الرابطه دى وانتم تعرفو اى حاجه فى الدنيا عن السيات
ملحوظه انا مؤسس الرابطه من كذا سنه

**emamphoto** · 11-04-2010 03:28 PM

بص يا سيدي أنا معايا سيات 133 لحد النهارده على فكره أنا من اسكندريه كل يوم باروح شغلي بيها مسافة 30 كيلو بالضبط بعد قياسها عل جووجل ارث يعني في الشهر مع كام مشوار شخصي تعمل حوالي الف كيلو
و بحوشلها كل شهر من مرتبي 100 جنيه للصيانه و كمان 100 جنيه بنزين
و اخيرا في رأيي الشخصى المتواضع ان 200 جنيه في الشهربعيدا عن بهدلة المواصلات و جشع التاكسيات أمر جيد جدا
و ربنا يرزقنا بعربيه احسن