.....منطق العبيد.....

**Imhotep** · 01-11-2009 11:47 AM

احييك يا ا/اشرف على الصياغة الممتازة لهذه النظرية التى ولت انا ايضا الى قناعة بها لكن بعد كثير من مناطحات و مواجهات لم تؤدى الى نتائج ايجابية بل على العكس...... انا وصلت لنفس نتايج نظربتك لكن من ناحية تانية و بمسميات مختلفة..... نظرا لان منطق "العبيد" بل و كلمة العبيد نفسها مؤذية نفسيا، لذلك انا خدت الموضوع بطريق موضوعية وهى التركيز على موضوع الخلاف وهو "الشغل"...... يعنى دائما ما يثور الخلاف حول شئ معين فى الشغل او "طريقة" معينة لاداء او تحقيق هذف معين مع التساؤل و الجدل حول جدوى هذا الموضوع من الاساس...... ومن هنا وصل العبد لله الى نفس نتائجك فى النظرية العبدية لكن من approach مختلف...... اما النتيجة التى توصلت انا اليها و وصلتنى الى نفس الهدف الذى كنت تسعى انت اليه وهو الراحة النفسية من الضغوط التى تسببها الصدامات فى العمل بسبب الخلاف حوله...... فهى نظرية "يكش تولع"...... اى نعم ببساطة يكش تولع...... يعنى انتو عايزين ايه م الاخر...... حاضر نعمله...... بس كده...... اما بقى الغرض و الفائدة و الجدوى وكل هذه التساؤلات التى يثيرها من يقوم بتشغيل دماغه فلا داعى لها اطلاقا..... ومن يطلب شئ معين فمؤكد يعلم الحكمة منه و الفائدة التى تعود منه...... و على ايه الواحد يوجع دماغه و يهريها تفكير..... ما دام ده هيدخله فى مشاكل لا داعى لها.....
الميزة الجوهرية فى نظرية يكش تولع هى تلك الراحة النفسية التى تصل اليها وعن طريقها تقوم بتحييد كل مخاوفك..... يعنى كل الامور بتبقى زى بعضها و تتساوى الاشياء فى لون رمادى ضبابى جميل يغلف حياتك ووجودك و كيانك فى العمل..... كل الامور بتبقى flat بطريقة لطيفة جدا...... و لا تعود تهتم بما تؤول ايه الامور..... و تجد نفسك تواجه اقصى مخاوفك ببرود لذيذ..... و الاهم تجد نفسك تقوم بتحييد كل الاسلحة التى تخشى من اعدائك ان يهاجموك بها مثل الخوف من الفصل او التأثير على مشتقات المرتب من حوافز و خلافه...... كتيرها ايه يعنى ...... هيعملوا ايه يعنى..... اخرهم ايه يعنى..... وهنا تكتمل التورتة بحبة الكريز الجميلة على قمتها..... كلمة "طز"..... و بيج طز كمان......

**أشرف فتحى** · 01-11-2009 06:19 PM

مشاركات جميله وردود أجمل......

أشكركم جميعا للمشاركه الفعاله والايجابيه فى التفكير......

بالفعل كلام كل اللى شارك سليم......

وبكده يبقى نعمل ميكس بين نظريه منطق العبيد ونظريه يكش تولع فى ظل ان الواحد ميزودهاش عن حدود المعقول عشان ميبقاش ملطشه واستخدام فطنه وكياسه الشخص المؤمن القانع بقضاء الله وقدره.....

أزود بقى كمان على الكلام اللى فات.....

رئيسك أو صاحب العمل...دائما يبرر قراراته الغير سليمه بانها لهدف لا يعلمه الا الله ثم هو...وأنك مش لازم تعرف كل حاجه.........

بمعنى ان لديهم قناعه بانهم يملكوا ما يعرف هندسيا بمنظور عين الطائر...أى الروئيه من اعلى....

ففى النهايه ...أنت فرد مكلف بمهمه وليس بكل المهام ودورك مقتصر على منطقه نفوذك.....

يعنى الواحد يكون متمكن تماما من دوره ...وفى هذه الحاله ...تتحول الكره الى ملعبك........وتستطيع فرض شروطك والرأى الصح...واحيانا ما يكون هذا بعد خراب مالطه...لكن فى النهايه لا يصح الا الصحيح...والله لا يضيع اجر المحسنيين.....

نلخص...

الغرض من مناقشاتنا الوصول لطريقه تعتبر وسيله وقايه من الاثار النفسيه المترتبه على الصدام فى العمل مع رئيس او صاحب عمل.......

هنا ....يطرح سؤال نفسه....

هل يمكن الفصل بين حالتك النفسيه فى العمل وحالتك حين العوده للمنزل؟!

بمعنى ...هل يمكنك عدم التأثر بمشاكل العمل بمجرد خروجك من باب المكتب ....أم تصاحبك مشاكل وهموم العمل للمنزل وتطاردك حتى فى احلامك......

طب اللى فى البيت زنبهم أيه؟!!!!!!

منتظر أراءكم السديده......

**amado ibrahim** · 01-11-2009 09:01 PM

يا شباب انا شايف ان الموضوع ابسط من كده
لان كل شخص فى موقع قيادة بيمارس نوع من الديكتاتورية بشكل او اخر
- علشان الامور م تفلتش منه (العالم ديه (اللى هو احنا) محتاجة شدة)
-كنوع من تفريغ التوتر و العصبية المفروضة عليه من ضغوط العمل , القيادات العليا والحكومة كمان
- واخيرا وده النوع اللى يهمنا النوع اللى بيفرض اوامر كنوع من الاستمتاع بوجود من يطيعه بلا نقاش (عقد نفسية ومركبات نقص بعيد عنكم وربنا يكفينا السوء)

المهم فى تعاملك مع الافراد التلاتة
لو ليك راى مخالف قوله لكن بلباقة لأن ربنا سبحانه وتعالى يقول{وَقُل لِّعِبَادِي يَقُولُوا الَّتِي هِيَ أَحْسَنُ إِنَّ الشَّيْطَانَ يَنزَغُ بَيْنَهُمْ} [الإسراء: 53)
يعنى ايه
يعنى عايز تقول راى مخالف قوله رايك صواب لكن .........
وقول ياعم اللى انته عايزه بهدوء
يا راجل الامام الشافعى كان بيقول( رأي صواب يحتمل الخطأ،ورأي غيري خطأ يحتمل الصواب )
اخد بكلامك كان بها مخدش بكلامك يبقى انت عملت اللى عليك
وليك فى انبياء الله اسوة حسنة (( فَتَوَلَّى عَنْهُمْ وَقَالَ يَا قَوْمِ لَقَدْ أَبْلَغْتُكُمْ رِسَالَةَ رَبِّي وَنَصَحْتُ لَكُمْ وَلَكِنْ لا تُحِبُّونَ النَّاصِحِينَ )) (لأعراف:79)
وكده اخر اليوم تروح و ضميرك مرتاح لاننا فى الاول و الاخر بنعامل الله عز وجل

**أشرف فتحى** · 01-11-2009 09:10 PM

المشاركة الأصلية كتبت بواسطة amado ibrahim

يا شباب انا شايف ان الموضوع ابسط من كده
لان كل شخص فى موقع قيادة بيمارس نوع من الديكتاتورية بشكل او اخر
- علشان الامور م تفلتش منه (العالم ديه (اللى هو احنا) محتاجة شدة)
-كنوع من تفريغ التوتر و العصبية المفروضة عليه من ضغوط العمل , القيادات العليا والحكومة كمان
- واخيرا وده النوع اللى يهمنا النوع اللى بيفرض اوامر كنوع من الاستمتاع بوجود من يطيعه بلا نقاش (عقد نفسية ومركبات نقص بعيد عنكم وربنا يكفينا السوء)

المهم فى تعاملك مع الافراد التلاتة
لو ليك راى مخالف قوله لكن بلباقة لأن ربنا سبحانه وتعالى يقول{وَقُل لِّعِبَادِي يَقُولُوا الَّتِي هِيَ أَحْسَنُ إِنَّ الشَّيْطَانَ يَنزَغُ بَيْنَهُمْ} [الإسراء: 53)
يعنى ايه
يعنى عايز تقول راى مخالف قوله رايك صواب لكن .........
وقول ياعم اللى انته عايزه بهدوء
يا راجل الامام الشافعى كان بيقول( رأي صواب يحتمل الخطأ،ورأي غيري خطأ يحتمل الصواب )
اخد بكلامك كان بها مخدش بكلامك يبقى انت عملت اللى عليك
وليك فى انبياء الله اسوة حسنة (( فَتَوَلَّى عَنْهُمْ وَقَالَ يَا قَوْمِ لَقَدْ أَبْلَغْتُكُمْ رِسَالَةَ رَبِّي وَنَصَحْتُ لَكُمْ وَلَكِنْ لا تُحِبُّونَ النَّاصِحِينَ )) (لأعراف:79)
وكده اخر اليوم تروح و ضميرك مرتاح لاننا فى الاول و الاخر بنعامل الله عز وجل

كلام لا غبار عليه........

لكن مسأله الضمير مسأله مفروغ منها وده لأننا إفترضنا ضمنيا اننا كلنا بنتق الله فى عملنا لانه معروض على الله ورسوله وسنحاسب عليه.......

المسأله هنا إزاى تجنب نفسك الضغط العصبى الناتج عن دكتاتوريه او عدم منطقيه القرار......

وزودنا عليه كمان إزاى اروح بيتى من غير ما أنقل معايا هموم الشغل...

**human** · 01-11-2009 09:32 PM

المشاركة الأصلية كتبت بواسطة rembrandt

كلمة العبيد هنا تحمل مدلول أجتماعى قهرى صريح غير مستحب كنت ممكن تستبدلها بكلمة البروتاريا هى الوصف الحقيقى السليم للحدث والجماعة المسماة بلعبيد, لان من الواضح انة الصراع الازلى ما بين طبقة العمال الكادحة مبختلف مسمياتها الوظيفية وطبقة البرجوازية المتحكمة فى رأس المال يعنى مفيش جديد وكارل ماركس لية كتب مسلسة فى هذة الجزئية نصيحة أقرا كتاب الدلكتيك ورأس المال لكارل ماركس فية الحل والخلاص لمشكلتك,,

الكوميدى ان العالم اللى انقلبت على الشيوعيه و بعد الانسحاق الكاسح برغم النجاح الباهر فى الصين و كوبا
نجد الحزب اليسارى فى بولندا رجع تانى و الشعب اختاره
و معظم احزاب يسار الوسط هما مسيطرين فى اوروبا بطريقه مثيره للاهتمام حيث قام الناس من تلقاء انفسهم بنبذ الراسماليه الكاسحه نحو مجتمع شبه يسارى حيث الحكومه تصبح مهتمه اكثر بالمواطن و ده مش هيحصل فى مجتمع جشعه الاساسى راسمالى
ولكن الكيانات الكبيره الرأسماليه هيه اللى بتقدر تدر مبلغ محترم للدوله من خلال اجور و ضرايب تقدر بيه تنفذ مشروعات للشعب فى باطنها تفكير يسارى

**human** · 01-11-2009 09:35 PM

المشاركة الأصلية كتبت بواسطة أشرف فتحى

كلام لا غبار عليه........

لكن مسأله الضمير مسأله مفروغ منها وده لأننا إفترضنا ضمنيا اننا كلنا بنتق الله فى عملنا لانه معروض على الله ورسوله وسنحاسب عليه.......

المسأله هنا إزاى تجنب نفسك الضغط العصبى الناتج عن دكتاتوريه او عدم منطقيه القرار......

وزودنا عليه كمان إزاى اروح بيتى من غير ما أنقل معايا هموم الشغل...

عشان كده مش اى حد ينفع يبقى قائد او مدير

للسلطه حسابات اخرى و السلطه المطلقه مفسده مطلقه

القياده شئ صعب جدا و استحاله حد يرضى جميع الناس و استحاله ماتظلمش حد

المشاركة الأصلية كتبت بواسطة أشرف فتحى

مشاركات جميله وردود أجمل......

أشكركم جميعا للمشاركه الفعاله والايجابيه فى التفكير......

بالفعل كلام كل اللى شارك سليم......

وبكده يبقى نعمل ميكس بين نظريه منطق العبيد ونظريه يكش تولع فى ظل ان الواحد ميزودهاش عن حدود المعقول عشان ميبقاش ملطشه واستخدام فطنه وكياسه الشخص المؤمن القانع بقضاء الله وقدره.....

أزود بقى كمان على الكلام اللى فات.....

رئيسك أو صاحب العمل...دائما يبرر قراراته الغير سليمه بانها لهدف لا يعلمه الا الله ثم هو...وأنك مش لازم تعرف كل حاجه.........

بمعنى ان لديهم قناعه بانهم يملكوا ما يعرف هندسيا بمنظور عين الطائر...أى الروئيه من اعلى....

ففى النهايه ...أنت فرد مكلف بمهمه وليس بكل المهام ودورك مقتصر على منطقه نفوذك.....

يعنى الواحد يكون متمكن تماما من دوره ...وفى هذه الحاله ...تتحول الكره الى ملعبك........وتستطيع فرض شروطك والرأى الصح...واحيانا ما يكون هذا بعد خراب مالطه...لكن فى النهايه لا يصح الا الصحيح...والله لا يضيع اجر المحسنيين.....

نلخص...

الغرض من مناقشاتنا الوصول لطريقه تعتبر وسيله وقايه من الاثار النفسيه المترتبه على الصدام فى العمل مع رئيس او صاحب عمل.......

هنا ....يطرح سؤال نفسه....

هل يمكن الفصل بين حالتك النفسيه فى العمل وحالتك حين العوده للمنزل؟!

بمعنى ...هل يمكنك عدم التأثر بمشاكل العمل بمجرد خروجك من باب المكتب ....أم تصاحبك مشاكل وهموم العمل للمنزل وتطاردك حتى فى احلامك......

طب اللى فى البيت زنبهم أيه؟!!!!!!

منتظر أراءكم السديده......

يا سيدى الفاضل انت و انا و معظم الناس تروس فى مكن
فيه ناس بتحط خطط و الكلام ده اثبت فاعليه عن طريق best practice و عن طريقه اداره و علم
يعنى انت مش لازم تكون عارف اى حاجه
انا لما بعين موظف مش مطلوب منه يعرف حاجه اكتر من اللى بقوله عليها
و هوه ما يتدخلش الا فى اللى بقوله عليه
ديه مش رحله ولا سبيل
ده واحد بياخد اجر فى سبيل تنفيذ سياسه اللى مديرى جايبنى و دافعلى فلوس عشان انفذها و اللى مديرى بياخد فلوس عشان ينفذ السياسه اللى مديره بيقوله عليها
انا سقفى هوه اللى فوقى هوه عارف اكتر منى و شايف الصوره اكبر منة و هكذا المجال الى اعلى
ماينفعش واحد انا ارأسه يناقشنى فى جدوى حاجه بيعملها و هوه ماعندوش معلومات كافيه عشان هوه تانى باختصار بياخد فلوس عشان يعملى اللى بقوله عليه

و مافيش طريقه تتجنب بيها الاثار الجانبيه
هوه هم و ينزاح :)

الكلام ده مش عبوديه --- مرحبا بك فى العالم يا صديقى

**Ghamrawy** · 01-11-2009 09:36 PM

المشاركة الأصلية كتبت بواسطة أشرف فتحى

المسأله هنا إزاى تجنب نفسك الضغط العصبى الناتج عن دكتاتوريه او عدم منطقيه القرار......

وزودنا عليه كمان إزاى اروح بيتى من غير ما أنقل معايا هموم الشغل...

علشان كده انا دايما باقول لازم الواحد يبقى ليه اهتمامات او شغل تانى غير شغله الاساسى و انا مقتنع بمبدأ و منطق "الاجير حقير و ان كان وزير"

**amado ibrahim** · 01-11-2009 09:49 PM

المشاركة الأصلية كتبت بواسطة أشرف فتحى

كلام لا غبار عليه........

لكن مسأله الضمير مسأله مفروغ منها وده لأننا إفترضنا ضمنيا اننا كلنا بنتق الله فى عملنا لانه معروض على الله ورسوله وسنحاسب عليه.......

المسأله هنا إزاى تجنب نفسك الضغط العصبى الناتج عن دكتاتوريه او عدم منطقيه القرار......

وزودنا عليه كمان إزاى اروح بيتى من غير ما أنقل معايا هموم الشغل...

اللهم اللهمنى القدرة على تغيير ما يمكن تغييره
و الصبر على مالا يمكن تغييره
و البصيرة للتفرقة بين الاثنين

اقوللك يا اشرف باشا على حاجة كنت قريتها من زمان وموضوعك ده فكرنى بها
الكتاب( ايقظ قواك الخفية) كان لانتونى روبنز كان بيتكلم عن مواجهة مثل هذة الموقف (الطريقة اقرب للخداع النفسى)
الراجل كان بيقول لما تبقى امام شخصية من النوع ده حاول ترسمله صوره كاريكاتورية (تخيل انك ماسك صوره صاحبنة و نازل لعب بالفوتوشوب مره الودان عملة ازاى مرة الانف مرة الالوان و هكذه بالتدريج هيكون ارتباط تلقائى بين صاحبنا الدكتاتور فى حالات النفعال وهذه الصورة هتلاقى العملية بقت ظريفه(بس اوعى العملية تكبر معاك)
الطريقة طفولية(راى الشخصى) لكن
1- صاحبها احد مشاهير دورات تنمية الموارد البشرية بامريكا
2- ناس كتير جربوها و نفعت معاهم
جرب ياعم لعل و عسى

**human** · 01-11-2009 10:02 PM

المشاركة الأصلية كتبت بواسطة amado ibrahim

اللهم اللهمنى القدرة على تغيير ما يمكن تغييره
و الصبر على مالا يمكن تغييره
و البصيرة للتفرقة بين الاثنين

ديه اسمها Serenity prayer
God grant me the serenity
to accept the things I cannot change;
courage to change the things I can;
and wisdom to know the difference.

و الدعاء ده ديه بينسب ل Reinhold Niebuhr
سنه 1934 بكنائس الولايات المتحده

و هوه فعلا دعاء فى غايه الجمال

و لكنى احب اكثر
اللهم ارنا الحق حقا و ارزقنا اتباعه و ارنا الباطل باطل و ارزقنا اجتنابه

**amado ibrahim** · 01-11-2009 10:28 PM

ديه اسمها Serenity prayer
God grant me the serenity
to accept the things I cannot change;
courage to change the things I can;
and wisdom to know the difference.

و الدعاء ده ديه بينسب ل Reinhold Niebuhr
سنه 1934 بكنائس الولايات المتحده

و هوه فعلا دعاء فى غايه الجمال

و لكنى احب اكثر
اللهم ارنا الحق حقا و ارزقنا اتباعه و ارنا الباطل باطل و ارزقنا اجتنابه

على فكرة يا ريس المعلومة دى انا عارفها من من كتاب جدد حياتك للشيخ محمد الغزالى
وهو فى الكتاب ناقل الدعاء ده بمبدأ ان الحكمة ضالة المؤمن اينما وجدها فهو اولى بها

بالمناسبة يا اشرف باشا حاول تقرا الكتاب ده