الموضوع: مشاركات منقوله من موضوع بيع رقم مميز

المشاركة الأصلية كتبت بواسطة karim_monir

انا مش فاهم فعلا انتو زعلانين ليه
دي سلعة هو حر فيها
اوضحت قبل كدة في ناس بتلبس قميص ب 50 جنية ويبقي شيك
وفي ناس بتلبس قميص من زارا ب 900 جنية وبرضه شيك
كل واحد يا جماعة
واحد راكب عربية كويسة وفيها تكييف وبارو وكماليات كتير ب 60 الف
وواحد تاني راكب بكماليات تانية ب 600 الف
يعني قدها عشر اضعاف
دي نسبة وتناسب و لله في خلقة شئون وكل واحد بياخد رزقه
وانا لو بشتري رقم مميز اكيد ليا مصلحة فيه
ممكن تكون مصلحة مادية
او مصلحة معنوية ونفسية
او سبب اخر
لكن محدش يبخس الناس اشيائهم
ما فيارقام في الخليج بتتباع بالملايين
وانا اعرف واحد رئيس مجلس ادارة توكيل سيارت كبير في مصر رقمة فوق المميز
ومشتريه ب 30 الف جنية
عادي
نسبه وتناسب

ازيك يا كريم

شراء سلعه ممكن تتفهم
شراء شئ فنى ممكن تتفهم
عشان الحاجات ديه فيها تعب انسانى يعنى فيها انتاج سوائ صناعى او فنى او تاريخى
بس رقم موبايل ايه نوع السلعه؟ بتشترى المنتج عباره عن ايه؟
القميص ابو 1500 جنيه و كرافته ب 600 جنيه فيه ناس اشتغلوا بتكنيك معين و الخيوط اتغسلوا باسلوب معين يخلى مستحق انك تدفع التمن ده عشان المنتج اصلا مكلف من ناحيه عمال و جوده منتج
البدله ام 250- جنيه ببتلبس و ام 20 الف جنيه بتتلبس بس فيه واحده فخامه مكونات و صناعه و اسم عريق و خيوط و تكنولوجيا ورا الموضوع
زى العربيات برضه ممكن تدفع جزء من الفلوس رايحه للاسم عشان هنا يقدروا يقدموا مستوى الخدمه اللى بيقدموه

بس حضرتك خلط بين شئ تكلفته هيه هيه بالنسبه للمصنع قصاد تعب ناس عشان يوصلوا بحاجه ان هيه تكون قيمه و يتدفع فيها فلوس

فالثقافه انك تدفع فى شئ مايسويش اصلا و تثبيت مبدأ ان ده هوه الصحيح هوه في حد ذاته من اسباب الفهلوه اللى احنا عايشين فيها عشان الفلوس الناس عايزه تجيبها من الهوا مش تجيبها من منظومه قادره ان هيه تنتج و لكن استغلال لضعف اناس قصاد تفرد من ناحيه نمرتى احلى او انا معايا نمر عربيه جامده فانا كده مميز عشان انا معايا فلوس كتيير و اقدر ادفع

و مش معنى ان الكلام ده فى الخليج انه صح

و تقبل اختلافى فى الرأى

ياجماعه انتوا نقلتوا الموضوع لبعيد اوى الراجل عارض رقم للبيع وانا نفسي شايف السعر عالى اوى بس الارقام دى لها زبونها والى ناوى يشترى يدخل ويتكلم مع صاحب الموضوع والى مش هيشترى بلاش ينتقد ويتريق وربنا يوفقنا جميعا

المشاركة الأصلية كتبت بواسطة medo_2060

ياجماعه انتوا نقلتوا الموضوع لبعيد اوى الراجل عارض رقم للبيع وانا نفسي شايف السعر عالى اوى بس الارقام دى لها زبونها والى ناوى يشترى يدخل ويتكلم مع صاحب الموضوع والى مش هيشترى بلاش ينتقد ويتريق وربنا يوفقنا جميعا

+11111111111111111111111111111

انا مش عارف اتكلم مع مين ولا مين
بس واضح ان مافيش اى وعى من ناحية الارقام المميزة
انا معاكم انها حاجه تافهة بالنسبة للناس اللى مش فارقة معاها
زى الموظفين مثلا
انما فيه ناس بتكون اصحاب اعمال خاصة
وهتكلم فى مجال المنتدى علشان مانروحش بعيد
عندكو مثلا اسلام مشهور رقم تليفونه 0160000000
وده يعتبر من اعلى 8 ارقام فى مصر كلها وسعر رقم زى ده لايقل باى شكل من الاشكال عن نص مليون جنيه
طبعا كتير منكم هيقول انى بخرف
انا مقدرتى ادفع فيه لحد 200 الف جنيه لو اى حد فيكم يعرف يجيبه انا هشتريه
او
0100000000
او
0120000000

بس لو شوفت الرقم بيتباع ومطلوب فيه نص مليون جنيه مش هستغرب ولا هخفس بيه الارض
لان انا مااقدرش اشتريه باكتر من 200 الف (للعلم بس انا هشتريه علشان ابيعه)

طيب هل ده اول خط ابيعه؟
طبعا لأ
ومش اول مرة اقابل ناس تتعامل معايا على انى سفاح او متخلف وببيع حاجه ملهاش لازمة
لانها بالنسبة ليه مش فارقه كتير
انا اخر خط بيعته والله العظيم كان بـ 25000 واشتراه منى معلم لابس جلبية تقريبا تاجر فاكهة او حاجه من هذا القبيل
وعلشان اكون مش بتكلم من فراغ الرقم كان 0168111111
تقدرو تتصلو بصاحبه تسألوه اشتراه بكام

فـ الرقم بيفرق مع اصحاب الاعمال والشركات
بتفرق كتير معاهم الرقم اللى على البيزنس كارد يكون مميز ونفس الكلام كل واحد عنده شركة بيكون عايز رقم الناس تحفظه من اول مرة
انا شخصيا لو هشيل خط شخصى لنفسى مش هقبل اشترى اى رقم
وزى ما كريم وضح انها احيانا بتكون نفسية لان فيه ناس بتحب تعوض نقصها بشراء الاشياء الغالية

وبالنسبة للاستاذ اللى بيقول ان دى صناعه وده مجرد رقم
الرقم ده علشان ييجى مش بيجى بالساهل والا ماكانش هيبقى ليه سعر
ومافيش اختلاف على ان الحاجه النادرة بتكون غالية

اما الاخ اللى كان عايز يقول حاجه وخايف يتعمله حظر مافيش اسهل من الغلط واى طفل صغير يقدر يقول اللى انت عايز تقوله
وبعدين انت خايف على عضويتك فى المنتدى ومش خايف من ربنا !!!!!!!

المشاركة الأصلية كتبت بواسطة أبـو آســـــر

+1000000000000000000000000

مش فاهم