الموضوع: مشاركات منقوله من موضوع بيع رقم مميز

المشاركة الأصلية كتبت بواسطة total_n76

هو انا مضطر اتدخل فى الموضوع - لان الرد الخاص بموضوع ( انا مهندس اتصالات استفزنى ) وموضوع برمجة شبكة 018 ومش فاهم يعنى ايه برمجة
انا ولحسن الحظ مهندس وانتمى لاسرة شركة اتصالات ومسمى البرمجة الى بيتقال ده بلدى اوى انا حتى مش فاهمه
مهندس اتصالات له شغل ( RF planning - transmision - optimisation - capacity ) الخ الخ لكن ما شوفتش برمجة دى بصراحة
وعلشان ما ندخلش فى جدل بيزنطى حول شغل الكاتيل واريكسون وهوواى ( واعتقد انتا فاهم مين دول ) احترام الناس لا علاقة له بالمؤهل ولا الوظيفة ولا كل ده ( هى الاخلاق دى حاجة نابعة من شخصك ودينك واحترامك للرأى الاخر )
ثانيا : انا مش شايف اى علاقة بين الرد ده واصل الموضوع يعنى بمعنى اصح ايه علاقة ان انتا مهندس فى اى operator ببيع الخط او تسعيره
ثالثا نرجع للموضوع الاصلى : انا شايف ان ثقافة البيع وخصوصا الاشياء النادرة والمميزة تخضع للهوى الشخصة ومسألة العرض والطلب
زى بالظبط نمر العربيات والمتعلقات النادرة -- يعنى نقدر نقول ( الغاوى ينقط بطقيته ) ان صح التعبير

كويس انك رديت عشان انت قلت اغلب اللي انا عايز اقوله

اولا تشرفت بمعرفة حضرتك

ثانيا انا اعمل بشركات المحمول من سنة 2004 يعني بقالي 5 سنين في المجال

ثالثا مفيش حاجة اسمها شبكة 018 ...... هي شبكة واحدة بس لأرقام موبينيل كلها ...... او شبكتين بمعنى اصح واحدة GSM و التانية UMTS .......

رابعا مفيش حاجة اسمها مبرمج الشبكة

خامسا ايه علاقة برمجة الشبكات (لو فرضنا وجود حاجة اسمها كده) بالتسعير

سادسا مفيش حاجة اسمها مهندس واحد عامل الشبكة كلها من الالف للياء ....... فيه كذا ادارة و فريق عمل و كل فريق فيه كذا مهندس و لو بتنزل مواقع بيبقى فيه فريق مسؤول عن كل محافظة او منطقة

سابعا الموضوع مش اسرار شغل و لا حاجة ..... يعني لو انت بتركب MSCs ما كل الناس اللي في المجال عارفة يعني ايه MSC

و لو انت بتاع Microwave Access مفيهاش اسرار شغل

ثامنا انت ما تعرفش احنا نعرف ايه و لا شغالين فين عشان تقول انك تعرف احسن من اي حد فينا

تاسعا مفيش حد في الدنيا عارف احسن من كل الناس ...... يموت المعلم و لا يتعلم


من كل ما سبق نستنتج أن .......


خلاص انتوا اكيد عارفين انا عايز اقول ايه

المشاركة الأصلية كتبت بواسطة Hondawy_2008

لا تعليق أنا أكبر من أني أرد عليك

أنا على فكرة مهندس اتصالات وأنا اللي عامل الشبكة بتاعة 018 كلها من الألف للياء يعني أفهم أحسن من أي حد في الموضوع ده

ايه علاقة "برمجة الشبكة" و التسعير؟

المشاركة الأصلية كتبت بواسطة أحمد كمال

هي موبينيل عاملة شبكة لوحدها ل 018؟

المشاركة الأصلية كتبت بواسطة Hondawy_2008

أنا مهندس خبير شبكات بشركة الكاتيل الفرنسية وأنا اللي مبرمج الشبكة بتاعة 018 في كل سنترالات مصر لأننا بنعمل كل شغل موبينيل في مصر فهمت؟؟؟

ما رديتش على سؤالي ........... ايه علاقة شغل حضرتك في الكاتيل لوسنت (فرنسية امريكية مش فرنسية) بان فيه شبكة لوحدها ل 018؟

المشاركة الأصلية كتبت بواسطة Hondawy_2008

علشان ده شغلي و حضرتك باين عليك محامي الأستاذ أحمد كمال أهلا بيك

هو حضرتك احتكرت شغلانة مجال الاتصالات؟ يعني مفيش غيرك بيشتغلها؟

المشاركة الأصلية كتبت بواسطة أحمد كمال

معذرة

بس ممكن توضح لي يعني ايه مبرمج الشبكة بتاعة 018 في كل سنترالات مصر؟

المشاركة الأصلية كتبت بواسطة Hondawy_2008

لا دي أسرار شغل بقى هو حضرتك مهندس برده؟

ضحكتني من كل قلبي ......... أسرار شغل انك تقول لي يعني ايه مبرمج الشبكة؟

يعني لو قلت لي انك مهندس Transmission أو Core أو NFM أو BTS مثلا هتبقى اسرار الكاتيل و موبينيل اتفضحت

طيب انا مهندس Billing يا سيدي .....