أنا إن شاء الله ميعاد صيانة ال 40 ألف يوم الإثنين 9/11/2009
و هأظبط فيها زوايا....

المفروض الكاوتش يتغير الأول و لا الزوايا تظبط الأول و لا مافيش علاقة ؟؟

و المفروض أغير الكاوتش كله...بس هأبدأ مع الفردتين فى الأمام...

أنا شابف إن معظمنا بيتحرك ما بين Michelin (الأصلى معايا) و عمرو عبد الخالق مغيرليه

و Bridgestone مع أحمد عبد المقصود

و Continental زى مع محمد مصطفى

و العقيد خالد بيرشح ال Kumho الأكثر ليونة عن تجاربه السابقة

الملاحظ إن ال Michelin الأسبانى يدوب عليه ال 40 ألف...يعنى أى ماركة هتقعد ال 40 ألف...مش قادر أتصور إيه الفرق إللى ممكن يكون موجود بين فردة ب 300 جنيه و تانية ب 700 جنيه لو الماركتين هيقعدوا نفس المدة...هل مسافة التوقف عند الفرامل مثلا...و لا الماركة الأرخص هتتخرم أكتر...مش عارف...
و لاحظت كمان إن عربيات ميجان كتير حاطين BridgeStone ...أتمنى إنه يكون نتيجة ثقة و ليس من أجل ماركة مشهورة ( و إللى يفيد فى الموضوع ده أحمد عبد المقصود )

بس ال Michelin شهادة حق قاعدين ال 40 ألف كويس جدا باستثناء صوت الاحتكاك بتاعهم فضيحة...و حاليا هما بيعانوا بشدة و لازم يتغيروا

أنا ماعنديش مشكلة أجيب أحسن حاجة مهما هيكلفوا لإنى عايز أكون مطمئن تماما من ناحية الكاوتش و قدرته على التحمل...بس يكون حقيقى يستاهل...لإنى حاسس إن الماركة الأغلى علشان Brand مشهور نتجة الدعاية القوية....خصوصا إنى هأبدأ بالأمام..و لو طلعوا كويسين هأنقلهم للخلف و أجيبهم تانى للأمام ( فردتين جديدتين )