مااااااااااااااالك حلالالالالالالالالالالالا لالالال
عرض للطباعة
مااااااااااااااالك حلالالالالالالالالالالالا لالالال
الف شكر يا رجاله علي شعوركم الجميل والله انا حاسس ان اهلي وقرايبي هم اللي بيواسوني و يخففوا عني
المشكلة اللي ابتديت اعاني منها بدات ليلة امس الساعة 11.30 مساءا فوجئت بالباب بيخبط فتحت لقيت اتنين ستات قرايب الواد الحرامي وقعدوا يتمسكنوا و يتشحتفوا عاوزيني اغير اقوالي لما الموضوع يوصل للمحكمة واقول ان الحاجة اللي اتظبطت مع الواد مش حاجتي واني ما باتهمهوش بحاجة وبالتالي القضية تبوظ والواد يطلع منها
طبعا انا في الاول اتكلمت بالذوق وقلت لهم انا اصلا قولت في محضر النيابة اني ما شفتهوش وهو بيسرق ولا شفت الحاجة معاه ولا شفت عربيته التاكسى واقفة جنب عربيتي واني ما بافتريش عليه لكن الشرطة هي اللي ظبطته متلبس وهو بيسرق ولقت المضبوطات بتاعتي معاه مرمية جوه عربيته التاكسي اللي كانت واقفة جنب عربيتي ولما الشرطة طلبتني نزلت لقيت العربية ازازها مكسور والواد خدوه للقسم بعربيته يعني انا ما شفتهوش الا في القسم
طبعا فضلوا يتمحلسوا وقالولي طب ممكن تغير اقوالك امام القاضي في المحكمة وتقول ان الحاجة اللي لقوها معاه مش حاجتك (ده غلبان والله وماعملش حاجة وامناء الشرطة هما اللي لفقوهاله) ساعتها انا اتنرفزت عليهم وشخطت فيهم وقولت مش عاوز اشوف وشكم هنا تاني واللي هايقرب ناحية هنا هابلغ البوليس واعملكم محضر عدم تعدي وووووو ......
انا مش عارف اعمل ايه انا شكلي دخلت في مصيبة غصب عني ربنا يستر بقي :stink[1]:
ربنا يحميك من الحرامية ولا التيت دول
الحمد لله , ربنا يكفينا شر المخربين
بمناسبة الانذار والغطا
- واحد قريبى عربيتة اتسرقت تحت البيت وكانت متغطية وفيها جهاز انذار قريبى كان فى البيت سمع صوت جهاز الانذار ضرب وسكت بيبص من البلكونة لقى العربية متغطية وكلة تمام قال اكيد عربية تانية فادخل تانى تانى يوم الصبح نازل رايح الشغل بيشيل الغطا لقى الزجاج مكسور والعربية متقلبة من جوة !!
- واحد صاحبى شغلة فى المعادى وكان راكن ورا سفارة والصبح عادى جدا .. واحد حرامى بس بأمانة راجل عندة ضمير وشغلة نضيف :d
النوبيرا فى جهاز انذار .. دة راح كاسر الشبكة الامامية ومد ايدة فتح الكابوت وراح فاصل البطارية واخدها معاة وراح سايبلة المشامير وكل حاجة على قاعدة البطارية وبعدين "خلع" اكرة الباب الخلفى (مش عارف ازاى وخصوصا ان الصاج سليم!!) وفتح العربية وفك الكاسيت بس بمزاج مسمار مسمار وشايل الابانوس على جنب والمسامير مجمعها على جنب من غير مايكسر اى حاجة شغل تمام يعنى - مش بقولكم راجل نضيف ومحترم - وبعد ماخلص على الصالون ونقى الحاجة اللى عاجباة فتح الشنطة يقلب فيها عجبة ال gm فا فكة - وبنفس النضافة - والاستبن والعدة وبردة قعد ينقى وراح واخد بعضة وماشى !!!
الصراحة راجل ابن ناس وزوق وشغال بنفس مش كروتة يعنى بس السؤال فين امن السفارة فين الناس اللى فى الشارع , الناس اللى معدية , البوابين اى مخلوق
اية الحل فى السرقة ؟!! اجهزة الانذار بتتطور والحرامى بردة بياخد كورسات ويطور من نفسة دة اكل عيشة بردة طيب اية الحل !!
نجيب غفير ونخبية فى الشنطة مثلا ولا نبيت فى العربي ولا نعمل اية؟؟
ادريان خدوا منى 75 جنيه
انا ركبته فى ادريان
اللى خلانى اختار ادريان انه كان معتمد من التوكيل فى التركيب قبل ما التوكيل يبتدع التركيب عنده
انا ركبت جهازين
الاتنين فى بيكانتو
واحد فى الهرم
والناس كان شغلها كويس بس مش فاهمين يعنى انا بعد اسال اسئلة فهما مش بيعرفوا يدوا اجابات تفهم
والتانى ركبته فى جامعة الدول
بصراحة شغلهم انظف وعزلوا السلوك احسن
انا اسف على التاخير لان ما بعرفش ادخل فى الشغل زى زمان
انا جبته من التوفيقية من التوكيل نفسه
محل اسمه اولاد غريب
فيه فرعين ليه
جملة وقطاعى
لو رحت الجملة اساله على مكان المحل القطاعى وهيدلوك
الجملة
اول شارع فى التوفيقية
محل على الشمال فى الاول واجهته بنى فاتح رخام
القطاعى الممر اللى قدامه بس قدام على اليمين
والممر ده فيه محل تانى جملة برده على الشمال
خد بالك بس انه فيه مودلين
واحد الريموت اللى بشاشة فيه زرارين تحت الشاشة
وده الاحدث
هيا نفس المكانيات مع الاقدم
بس الفرق ان ده شاشته بتتلون لو زمر
التانى الريموت
بس
الف حمدالله على سلامتك وسلامه المحروسه بس انا بتمنى انهم ميلقوش سيارة السيد رئيس مباحث العاصمة حتى يظل الامن مستتب فى الشارع المصرى .