ههههههههههه حلوة دي :Ta_clap[1]:
عرض للطباعة
امبارح رحت للمحل ده وقابلت محمود وقاللي ان الجهاز تمنه 320 جنيه بالتركيب رحت شاريه ومركبه وقتي علي طول لان السعر فعلا ما سمعتوش من حد قبل كده (يوم الجمعة كنت في التوفيقية وسالت الشركة الدولية اللي هي توكيل الجهاز قالولي 345 جنيه وما بيركبوش)
الصنايعي اللي ركبة اسمة مسعد و هو شغلة نضيف بس لازم تقف علي دماغة علشان تحسسه انك مراقب الفينيش كويس وخليته يأمنلي الشنطة كمان وهو كان عاوز يطنشها لكن انا العربية بتاعتي احتاجت بركيب قربة علي باب السواق علشان السنتر فيها علي سويتش وبكدة التكاليف كلها عملت 360 جنيه وممكن تراضي الصنايعي براحتك
للاسف يا جماعة انا اخدت اخر جهاز كان موجود في المحل وقالولي ممكن يبقي متوفر منه تاني كمان كام يوم كده
بصراحة ربينا يجازيك بكل خير يا استاذ احمد علي النصيحة
الجهاز اللي ركبته هو الجهاز الجديد فعلا وجاري التجربة للتقييم
الف شكر علي ردك ووقتك
الله يخليك ياباشا على دعوتك الجميلة
والف مبروك على الانذار - ويارب ما تحتاجه غير فى الخير
وربنا يكفينا جميعا شر اللصوص
ياريت صورة بقى حلوة كده لشكل الريموت
ألف مبروك على الانذار وربنا يبركلك فيه ويكفيك شر ياريت بس تالي كدة على ال-range بتاعه عشان لو العربية مركونة فالجراج تحت البيت حيلؤت لو أنا فالدور الاول أو التاني
شكراً وألف مبروك
هوو إنت ركبت فا New Cerato ؟؟
بهجت الاباصيري
ملف مرفق 7288
ملف مرفق 7289
ادي الصور يا باشا
استاذ احمد كنت عاوز اسألك انت والاستاذ احمد سعد علي حاجة في جهاز الانذار ده وهي كالاتي-اول ما بمشي بالعربية شوية وبعد حوالي دقيقة او دقيقة ونصف السنتر كله بيقفل (ده جميل) وكمان بمجرد ما بابطل الموتور السنتر بيفتح اوتوماتيك (وده برضه جميل) :S_thum1[1]:-اللي مش جميل خالص هو ان اثناء السير (والسنتر مقفول) بالاقي الانتظار بينور والسنتر بيتحرك لكن مش بيفتح والنور اللي في التابلوه اللي بيبين ان في باب مفتوح بينور نور خافت والانذار بيبتدي يصفر كأنك لسة بتفتح العربية (وأ وأ) :N_no[1]:-كمان في حاجة غريبة جدا وهي ان لما ركنت العربية في الجراج ما استعملتش Remote وقفلت العربية بالمفتاح بس علشان في الجراج معاهم نسخة من المفتاح ومع ذلك بمجرد ما مشيت من الجراج الانذار اشتغل لوحدة (وده بان عندي في ال Remote) ولقيت السايس بيكلمني وبيقولي العربية فاضحانة في الجراج والسكان بيشتكوا وكل ما حد يفتحها تفضل تنور وتصوت لحد ما تفصل لوحدها :O_stupid[1]:انا عاوز اسأل حضرتك هو اللي بيحصل ده طبيعي ولا في غلط في التركيب وبالذات نقطة الانذار اللي بيشبغل لوحده دي انا عاوز افصلها باي شكل علشان لما اركن في الجراج ما تفضحشي الدنيا كدة دي دي خلت الناس بفتكر ان الجراج سارق العربية!!؟ :stink[1]:الف شكر مقدما لحضرتك وللاستاذ احمد سعد
هي فيها اوبشن اتو لوك بيشتغل بعد اقل من دقيقة لو عاوز تلغيه
وحدة الانذار الرئيسية فيها على الجنب 4 جمبرز زى اللى بيبقو على المازر بورد بتاعة الكمبيوتر
بتغير مكان الجمبر تقدر تخلى الاوبشن ده ديسابلد يعنى تلغى الاتو ارم
لو انت عاوز تسيب العربية من غير ماتشغل الانذار الريموت فيه اوبشن انك تعطله
زى حالة انك تسيب العربية فى الصيانة او الجراج مثلا.....
سعادتك هتحط المفتاح فى الكونتاكت وتفتح سنة واحدة كأنك هتشغل الراديو
وتدوس على زرار الغلق فى الريموت اكترمن 20 ثانية هتسمع نغمة من الريموت (Du DU)
والسرينة بعديها برضه هتعمل صوت اضغط مفتاح الفتح فى الريموت
مرة واحدة هتلاقى الليد نور على طول اقفل الكونتاكت كده الانذار مش شغال
لما تحب تشغله تانى نفس حركة الكونتاكت ودوسة واحدة على مفتاح الغلق فى الريموت وهتسمع (DU)
فيما يخص الجزء بتاع الاضاءة ونور ضعيف للمبة بيان ان باب مفتوح ...كده فيه مشكلة فى التركيب
ياريت ترجع للراجل تانى يتأكد من التوصيلات واعتقد ان المشكلة فى وحدة السنتر اللى ركبها
لان المفروض مافيش حاجة من دى تحصل
انا مش عارف اشكر حضرتك ازاي لسرعة ردك ده اولا
وثانيا علي استفاضتك وتفصيلك في الرد انا حاسس اني سألت صانع الجهاز نفسه !!! :B4_388:
اما بخصوص جزئية تعطيل الانذار في الجراج او الصيانة احب اسألك هل التعطيل ده بيكون لمرة واحدة فقط بعد تفعيل التعطيل (يعني بعد الغاء الانذار مؤقتا) وبعدها بيرجع تاني يشتغل اوتوماتيك؟؟؟
والا لو الجراج فتح العربية وقفلها بالمفتاح لعدة مرات متباعدة في المدة الزمنية برضه بيفضل الانذار مش متفعل لحد ما افعله بنفسي تاني لما اروح الجراج؟؟؟
كمان سؤال لو سمحت
هل ممكن اشتري ريموت او مفتاح بريموت فقط وابرمجة علي الجهاز بتاعي ويكون spare او Additional واسيبه في الجراج يستعملوه لفتح وغلق العربية وبكدة اكون مش مضطر اعمل موضوع عدم تفعيل الانذار لما اسيبها في الجراج :shine[1]: