بخصوص كورولا 2007

**EHAB TAHER** · 16-11-2007 11:37 PM

معاى كورولا 2007 اوتوماتيك 1300 لسه بتلين
لاحظت عليها بعض الحاجات
ف الجو ده جوه البلد مؤشر الحرارة بيوصل قرب النص المروحة تشتغل ينزل بس ف خلال ساعة اشتغلت 4 مرات
دة طبيعى ولا اية
الفرامل حاسس انها مش اوى انا اول مرة اسوق اوتوماتيك هى فرامله كده ولا اية
استهلاك البنزين 92 جوه البلد 270/الصفيحة بدون تكييف ده كويس ولا اية

**cyber007** · 17-11-2007 12:52 AM

انا معايا 2001 ياباشا واوتوماتيك برضه وموضوع الحراره دا بيحصل عندى بس عمرها طبعا ما بتعدى النص ابدا مهما حصل ولو ماشى على طريق مش بتقف فيه كتير هتثبت عند ثلث العداد كده - بصراحه الواحد ميخفش من الحراره وهوا سايق يابانى -

الفرامل بقه مش عارف حتة مش اوى دى بس هيا عموما كويسه واعتقد ان العبء على الفرامل فى الاتوماتيك اكتر لان العربيه مندفعه طول الوقت مش بتفصل وهيا على ال D مثلا

استهلاك البنزين بالنسبه ليا يبقى عندك كده تمام

واستنى برضه رايى الناس الخبرا اكيد هييفيدوك اكتر منى

**Hassan Khalil** · 17-11-2007 01:07 AM

انا معايا 2001 ياباشا واوتوماتيك برضه وموضوع الحراره دا بيحصل عندى بس عمرها طبعا ما بتعدى النص ابدا مهما حصل ولو ماشى على طريق مش بتقف فيه كتير هتثبت عند ثلث العداد كده - بصراحه الواحد ميخفش من الحراره وهوا سايق يابانى -

الفرامل بقه مش عارف حتة مش اوى دى بس هيا عموما كويسه واعتقد ان العبء على الفرامل فى الاتوماتيك اكتر لان العربيه مندفعه طول الوقت مش بتفصل وهيا على ال D مثلا

استهلاك البنزين بالنسبه ليا يبقى عندك كده تمام

واستنى برضه رايى الناس الخبرا اكيد هييفيدوك اكتر منى

كلام cyber007 مظبوط ميه في الميه ...انا بصراحة معنديش كورولا ..لكن ركبت الاوتوماتيك منها كتير ...و عشان تستريح ..الكورولا في موضوع السخونة ( ابرد ) من اللانسر .. يعني بتسخن ابطأ من اللانسر .. اللانسر ( و يمكن دي ميزه فيها ) بتسخن الصبح في دقيقة و بعد دقيقتين تلاقيها جابت النص او تحته بسنة صغيرة .. لكنها ايضا تظل ثابتة عند هذا المستوي و لا تتخطاه ...
الفرامل ... دائما الاوتوماتيك بيستهلك الفرامل بسرعة عن المانيوال..اكشف علي التيل .. و ماتقلقش ..
البنزين ...اعتقد ان المعدل ده مش بطال خصوصا ان العربية اوتوماتيك

**Karim_Monir** · 17-11-2007 01:09 AM

لستاذ ايهاب
مبروك الكرولا وتويتاوي جديد
انا زيك بس مانيوال
العداد لما يوص للنص وكدة العربية سخنت
العربية على مروحة واحدة مش اتنين بس ما تقلقش دي تويوتا في عز الصيف سيق جوة البلد زيادة عن 4 ساعات وما شاء الله الحرارة ما وصلتش النص وطبعا كنت مشغل التكييف
العادي بتاعها على الطوالي عند التلت او ازيد شوية
الفرامل فعلا وحشة مش بتعجبني انا كان معايا ريو 2006 كانت برقبتها في الفرامل
ولحد دلوقتي ساعات مش بظبط رجليس كويس عشان بدوس فرامل جامدة حبة
استهلاك البنزين كدة عندك خرافي ما شاء الله ويمكن انا بوصل ل 300 او 320 عشان مانيوال
بس السحب عندك هاتلاقيه وحش حبة بس عشان 1300 اوتو
ربنا يباركلك فيها

**cyber007** · 17-11-2007 01:42 PM

المفروض يلغو عداد الحرارة فى الكورولا لان العربية دى مبتسخنش ابدا هما يشيلوه ويحطو مكانه RPM احسن

**Karim_Monir** · 17-11-2007 02:40 PM

الكرولا لما بتشغل التكييف بتبرد العربية اكتر لانها بتبرد العربية معاها عشان على مروحة واحدة زي ما قولتلك
في عز الصيف وبالتكييف ما بتوصلش النص الا ثواني وتنزل على طول

صيانة الاف في اكتر من مكان بس اللي اعرفة دلوقتي ان مفيش حاجة اسمها صيانة الف ومش هاينزلوا الزيت في التوكيل
تقدر تكلم تويوتا ايجبت وتتاكد بس ده اللي اعرفة
ولو عايز اروق مركز واهدي ومعلهوش ضغط يبقي عليك وعلى تويوتا العبور ول عايز تحط زيت شل الترا خدة معاك وهايغيرهولك على مزاجك وهايكتب تم تغيير الزيت بمعرفة العميل