ازيكو يا كل البروتونوية الجينوية منكوا و البيروسونوية و حتي الواجاوية دي خامس مقابلة و عقبال المقابلة الالف قريبا ان شاء الله

انا فكرت ان احنا لازم نستفيد من المقابلات بتاعتنا و نعمل اجندة من خلالها نحط كل المواضيع و المقترحات الي عايزين نناقشها و اعتقد كده ان الاستفادة من المقابلات حتكون احسن حاجة في وجهة نظري يتطوع 2 او 3 من الزملا يكونوا هما المشرفين علي الاجندة

بحيث ان المشرفين يجمعو المقترحات و الfeed back من الناس و يرتبوها في جدول تفعيل عشان يتم مناقشتها في المقابلات خصوصا و ان المقابلات دي بيحضرها م \امر و ناس من التوكيل و مع احترامي انا كنت متخيل اننا كنا ممكن نطلع بنتائج احسن و استفادة اكتر لو كان في ترتيب مسبق لان المرات اللي فاتت كان معظم الكلام عن مشاكل فردية و ماكانش في استفادة للجميع و لكن في رايي لو كنا ناقشنا المواضيع بصورة جماعية و كل واحد قال رايه او تجربته حيكون ده استفادة احسن للكل

و من ناحيتي المقترحات بتاعتي ممكن تكون كالاتي

1- اقتراح الية علي التوكيل لتوفير و توزيع قطع الغيار اللي بتتغير علي الضمان بطريقة سهلة و سريعة مثلا اللوك سبرنج انا شخصيا حاجزه من شهر 7 و لسه لحد دلوقتي ماستلمتوش و اعتقد ان في زيي كتير اعتقد لو اقترحنا الية نديها للتوكيل لتحسين حاجة زي كده حتكون احسن لينا و للتوكيل

2- هل في بدايل اخري للصيانة او تجارب غير التوكيل و كلنا ممكن نكون قرينا تجربة مهاب مع الواجا في الموضوع ده

3- كماليات و اكسسوار للعربية زي الفرش اللي ممكن كلنا نشوفه عند ناس مركباه و الغطا و الجنوط

4- و انا بصراحة عندي مشكلة ممكن تكون فردية انا الوحيد اللي عندي انذار بعد ال120 (و صوته يخنق) و عايزله حل لانه مابيتفكش الا في التوكيل بالكمبيوتر و مرخمين شوية في الموضوع ده


و اخيرا اي حد عنده اقتراحات او مشاكل يكتبها عشان تكون من الموضوعات اللي تتناقش في المقابلة و الكل يسمعها و يستفيد منها خصوصا لو في اخبار جديدة زي اللي عند ايمن دايما