مشكله محتاجه خبير 405

**HAWARY** · 17-11-2007 02:02 AM

طلعت في دماغي وغسلت موتور العربيه بعد اقناع عامل البنزينه لي بأنه مش هيضرها و بكل اسف سمعت كلامه وكانت المصيبه :shock: :shock: :shock: حال العربيه اتغير تماما وطلعت اصوات عجيبه بعد ساعه من محاولات تشغيلها الفاشله , المهم ترتب علي الموضوع ده ظهور مشاكل وهي :-
1- لمبة ال ABS بتنور بدون مناسبه خصوصا لما ارجع بالعربيه للخلف أو اشغل الانتظار .
2- لمبة الانتظار عند تشغيلها تنور معاها لمبة تسخين الزجاج الخلفي .
3- صوت تسقيفه ناعمه في الموتور اثناء المشي تزداد مع زيادة السرعه في جميع الغيارات .
4- ضعف ملحوظ في معدل التسارع .
ملحوظه
مواصفات العربيه :- موديل 1996 - موتور 1800 - إنجكشن - فرامل ABS - كامله مانيوال .

اطمع في كرم حضراتكم بالافاده السريعه وشكرا

**kareem_Ashmawy** · 17-11-2007 10:59 AM

أنا رأيى تطلع بيها على التوكيل عدل و متخليش اى حد يلعب فيها
هما هناك هيشوفوا ايه اللى حصل و يظبطوا
اوعى تسترخص و تروح لميكانيكى بره....ممكن تدفع أكتر شوية فى التوكيل بس هتوفر أضعاف اللى هتدفهع لو ميكانيكى أو كهربائى لعبوا فيها

فى رأيى كمان لو حضرتك لسه غاسلها امبارح استنى عليها مثلا لغاية بكرة أما تنشف يمكن الحاجات دى كلها تختفى

و ان شاء الله خير و ميكنش فيها حاجة

**Abdallah** · 17-11-2007 01:40 PM

لو كومبيوتر العربية دى فى الكابود هتبقى وقعت فى مشكلة كبيرة وربنا يستر لأن ال 1800 ملهاش كومبيوتر فى مصر ولو تفتكر انا حذرتك قبل كدة من العربية دى لأن قطع غيارها ناقصة جدا, عموما لازم التوكيل بس قبل ما تروح حاول تعمل محاولة كدة انك تنفض الموتور كويس جدا بالهواء وتطلع على اى طريق تنفخ العربية يمكن المشكلة تتحل وربنا معاك.

**Mahmoud_405** · 20-11-2007 06:47 PM

هوا في برستيج ب ABS ????????????????????????????

**HAWARY** · 20-11-2007 10:38 PM

ايوه حضرتك فيه برستيج ب ABS واهلا بيك لو حبيت تتفرج عليها بس ده يستلزم مشوار صغير حوالي 700 كيلو بس ( محافظة قنــا )]أو عند اقرب زياره لي في القاهره .