حركة الثبات ازاى؟؟؟ تتعمل

**Amr Mohamed** · 02-11-2009 04:19 PM

معلش اصلى نفسى اتعلم واستفيد منكم وكل اما حاجه تحصل ب اجى اسأل عليها
انهارده كنت عايز اعرف ازاى بتتعمل حركة لثبات كنت ماشى انا و واحد صاحبى ولقينا واحد معاه جيب ليبرتى يعنى 2004 2005 شكلها ابن ناس وكان بيخلى الكاوتش يلف على الفضى فى الارض من غير العربيه ما تمشى بيعملها ازاى يعنى الكاوتشن اللى ورا بيلفو من غير العربيه ماتمشى
وهل هى ينفع تتعمل بعربه دفع امامى ولا لازم خلفى او رباعى بس بس فى الجيب كان اللى ورا بس الى بيلف
ومعلش عايز تفسير دقيق يعنى ازاى بالظبط تدوس بنزين اد ايه وكده يعنى وكمان تنفع ف عربيه اوتوماتيك؟؟
وشكرا لكل اللى هايرد بس يا ريت حد مجرب مش افتكاسات انا مش هاعملها بس اصل لو حد سألنى مش بحب افتى وانا مش متأكد لازم كلام 100 % يا بلاش وشكرا

**emadkamel** · 02-11-2009 04:43 PM

بلاش احسن ... حرام هاتبهدل عربيتك

**Amr Mohamed** · 03-11-2009 02:51 AM

المشاركة الأصلية كتبت بواسطة emadkamel

بلاش احسن ... حرام هاتبهدل عربيتك

يسمع من بقك ربنا فى الاول انا عمرى ما بعمل حاجات من دى لأن انا معنديش عربيه ولو جبت هابقى ميت عليها عشان انا بقدر الحاجه ومش متخلف ابوظ كاوتش ولا فرامل علشان منظر جميل
وربنا يخليك

**Eng.Geo** · 02-11-2009 06:57 PM

هي حرام تتعمل في اي عربيه بس برده هقولك عشان اريحك
في الدفع الخلفي مانيوال: هاتدوس دبرياج وتجيب الاول وبعدين تدوس بنزين لغاية 4.5 rbm كل ده وانت دايس دبرياج علي الاخر وبعدين هتيجي بكعب رجلك الشمال وانت دايس برده الدبرياج علي الاخر تدوس بكعب رجلك علي الفرامل لاخرها وتسيب دبرياج هتقوم عامله كل اللي انت عايزه
في الدفع الخلفي اوتو:هاتجيب D1 ودوس برجلك الشمال علي الفرامل وقوم كابس بنزين
في الدفع الامامي مانيوال: شد الهاند واعمل زي ماتكون طالع بتفرك بالعربية
في الدفع الامامي اوتو:شد الهاند وبعدين اكبس بنزين جامد
ملحوظة:
1 في الدفع الخلفي الكاوتش الامامي هو اللي هيبقي ثابت والخلفي بيلف بسرعه والعكس صحيح مع الدفع الامامي
2 لازم يكون الموتور والكاوتش والفرامل بحالة ممتازة
بس برده بانصحك بلاش عشان ده بتأذي العربية

**Amr Mohamed** · 03-11-2009 02:39 AM

المشاركة الأصلية كتبت بواسطة geo

هي حرام تتعمل في اي عربيه بس برده هقولك عشان اريحك
في الدفع الخلفي مانيوال: هاتدوس دبرياج وتجيب الاول وبعدين تدوس بنزين لغاية 4.5 rbm كل ده وانت دايس دبرياج علي الاخر وبعدين هتيجي بكعب رجلك الشمال وانت دايس برده الدبرياج علي الاخر تدوس بكعب رجلك علي الفرامل لاخرها وتسيب دبرياج هتقوم عامله كل اللي انت عايزه
في الدفع الخلفي اوتو:هاتجيب d1 ودوس برجلك الشمال علي الفرامل وقوم كابس بنزين
في الدفع الامامي مانيوال: شد الهاند واعمل زي ماتكون طالع بتفرك بالعربية
في الدفع الامامي اوتو:شد الهاند وبعدين اكبس بنزين جامد
ملحوظة:
1 في الدفع الخلفي الكاوتش الامامي هو اللي هيبقي ثابت والخلفي بيلف بسرعه والعكس صحيح مع الدفع الامامي
2 لازم يكون الموتور والكاوتش والفرامل بحالة ممتازة
بس برده بانصحك بلاش عشان ده بتأذي العربية

بجد شكرا ليك ولكل اللى ردو طبعا ولو لاحظتو كلامى انا مش عايز اعملها انا شفت واحد وكنت عايز اعرف بيعملها ازاى بس علشان شكلها حلو وبصراحه هو كان بخض واحد صاحبه وانا مت من الضحك عشان هى بجد مرعبه بس هو ده اكيد يعنى العربيه هاتفضل واقفه ولا ممكن تمشى لقدر الله وتأمرك وتبوظ الدنيا وبردو انا مش بسأل عشان اجرب سؤال عادى فقط للمعرفه وكمان هتبوظ الدبرياج ازاى لو هيه ممكن تتعمل ب اوتوماتيك وكمان الكاوتش بيلف على الفضى يعنى حوار كاوتش بس اللى بيبوظ وممكن التيل كمان ده مش كده صح؟؟؟

**Scuderia.M** · 03-11-2009 09:03 AM

المشاركة الأصلية كتبت بواسطة theblacksword

الكاوتش بيلف على الفضى يعنى حوار كاوتش بس اللى بيبوظ وممكن التيل كمان ده مش كده صح؟؟؟

حضرتك الحركه دي لما بتتعمل, إنت بتمسك العجل اللي ورا (أو اللي قدام حسب خلفي ولا أمامي) بالفرامل وتقرص جامد عالموتور عشان يلف العجل التاني اللي عليه الدفع . فيأكيد العجل اللي عليه الدفع بتبقى الفرامل قفشة عليه هو كمان. فيطبعا حضرتك بـتاكل فيتيل الفرامل.
لو شفت الفيديو هتلاقي دخان طالع من تحت العجلة, وده دخان حرق الكاوتش
وفي دخان تاني تحس إنه جاي من جوه العجلة, وده دخان حرق التيل.

**mr_sameh** · 02-11-2009 07:10 PM

والله ياجماعة كل شوية الواحد بيشوف حاجات بس بصراحة ده تدمير للعربية وتخريب

**Scuderia.M** · 02-11-2009 11:58 PM

الحركة دي اسمها Burnout, ودي بتتعمل يا اما لعب ومنظرة يا إما عشان Race أو عشان تعمل Donuts بالعربية (خمسات يعني) وحوار الDonuts ده لازم تكون العربية خلفي.
أحسن عربيات تعمل الحوار ده فمصر هي ال BMW الفئة الثالثة عشان مش غالية قوي ودفع خلفي. بس لازم يكون الموتور جامد.
ده فيديو لBurnout بـدفع أمامي

[youtube]http://www.youtube.com/watch?v=38S_RY6mlc8[/youtube]

ده فيديو لBurnout بـدفع خلفي
[youtube]http://www.youtube.com/watch?v=5jgXMyWWaa0[/youtube]

وبالنسبة لإنها بيتبهدل العربية, الحركة دي بتأكل الكاوتش وتيل الفرامل وبتتعب الموتور شوية.

**yoko** · 03-11-2009 12:03 AM

المشاركة الأصلية كتبت بواسطة Mohamed_hisham75

[youtube]http://www.youtube.com/watch?v=38S_RY6mlc8[/youtube]

ده كده عايز جوز كاوتش قدام

الموضوع: حركة الثبات ازاى؟؟؟ تتعمل

LinkBack

أدوات الموضوع

عرض

العرض المتطور

حركة الثبات ازاى؟؟؟ تتعمل - انشر الموضوع فى :

-

-

-

-

المواضيع المتشابهه

ازاى تعلى الهوندا من غير تأثير على الثبات ؟

حد يعرف المصيبة دى تتعمل ازاى (فيات 600 )

البيتلز ممكن تتعمل كابروليه

لمبه المارش ممكن تتعمل فى 128

عايز اعرف حركة الثبات بتتعمل ازاى ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة