حركة الثبات ازاى؟؟؟ تتعمل

**Amr Mohamed** · 03-11-2009 02:39 AM

المشاركة الأصلية كتبت بواسطة geo

هي حرام تتعمل في اي عربيه بس برده هقولك عشان اريحك
في الدفع الخلفي مانيوال: هاتدوس دبرياج وتجيب الاول وبعدين تدوس بنزين لغاية 4.5 rbm كل ده وانت دايس دبرياج علي الاخر وبعدين هتيجي بكعب رجلك الشمال وانت دايس برده الدبرياج علي الاخر تدوس بكعب رجلك علي الفرامل لاخرها وتسيب دبرياج هتقوم عامله كل اللي انت عايزه
في الدفع الخلفي اوتو:هاتجيب d1 ودوس برجلك الشمال علي الفرامل وقوم كابس بنزين
في الدفع الامامي مانيوال: شد الهاند واعمل زي ماتكون طالع بتفرك بالعربية
في الدفع الامامي اوتو:شد الهاند وبعدين اكبس بنزين جامد
ملحوظة:
1 في الدفع الخلفي الكاوتش الامامي هو اللي هيبقي ثابت والخلفي بيلف بسرعه والعكس صحيح مع الدفع الامامي
2 لازم يكون الموتور والكاوتش والفرامل بحالة ممتازة
بس برده بانصحك بلاش عشان ده بتأذي العربية

بجد شكرا ليك ولكل اللى ردو طبعا ولو لاحظتو كلامى انا مش عايز اعملها انا شفت واحد وكنت عايز اعرف بيعملها ازاى بس علشان شكلها حلو وبصراحه هو كان بخض واحد صاحبه وانا مت من الضحك عشان هى بجد مرعبه بس هو ده اكيد يعنى العربيه هاتفضل واقفه ولا ممكن تمشى لقدر الله وتأمرك وتبوظ الدنيا وبردو انا مش بسأل عشان اجرب سؤال عادى فقط للمعرفه وكمان هتبوظ الدبرياج ازاى لو هيه ممكن تتعمل ب اوتوماتيك وكمان الكاوتش بيلف على الفضى يعنى حوار كاوتش بس اللى بيبوظ وممكن التيل كمان ده مش كده صح؟؟؟

**Amr Mohamed** · 03-11-2009 02:51 AM

المشاركة الأصلية كتبت بواسطة emadkamel

بلاش احسن ... حرام هاتبهدل عربيتك

يسمع من بقك ربنا فى الاول انا عمرى ما بعمل حاجات من دى لأن انا معنديش عربيه ولو جبت هابقى ميت عليها عشان انا بقدر الحاجه ومش متخلف ابوظ كاوتش ولا فرامل علشان منظر جميل
وربنا يخليك

**Ahmed R08** · 03-11-2009 05:31 AM

نصيحه متعملهاش...

بس لو عايز تعملها وبأقل الاضرار

سواء الدفع خلفى او الجر امامى

حط زيت عربيات تحت الكاوتش اللى هيلف عالفاضى هتتعمل وهتكون اسهل وأقل ضرر.

**Scuderia.M** · 03-11-2009 08:55 AM

على فكره الاستاذ اللى بيقول لازم خلفي فكلامه غير صحيح

لان بتتعمل فى لجر الامامى

حضرتك أنا بأقول إن لازم خلفي عشان ال Donut مش الBurnout
ال Burnout بتتعمل بـخلفي أو بـأمامي
بدليل إني حاطط فيديو لخلفي ول أمامي

**Scuderia.M** · 03-11-2009 09:03 AM

المشاركة الأصلية كتبت بواسطة theblacksword

الكاوتش بيلف على الفضى يعنى حوار كاوتش بس اللى بيبوظ وممكن التيل كمان ده مش كده صح؟؟؟

حضرتك الحركه دي لما بتتعمل, إنت بتمسك العجل اللي ورا (أو اللي قدام حسب خلفي ولا أمامي) بالفرامل وتقرص جامد عالموتور عشان يلف العجل التاني اللي عليه الدفع . فيأكيد العجل اللي عليه الدفع بتبقى الفرامل قفشة عليه هو كمان. فيطبعا حضرتك بـتاكل فيتيل الفرامل.
لو شفت الفيديو هتلاقي دخان طالع من تحت العجلة, وده دخان حرق الكاوتش
وفي دخان تاني تحس إنه جاي من جوه العجلة, وده دخان حرق التيل.

**gomangy** · 03-11-2009 10:36 AM

والله اللي تعبان في القرش بجد اللي جايب بيه العربيه مش هيعمل كده بيها خالص وخاصه عندنا في مصر لان بجد الاسعار هنا موووووووووت يا قلبي وخاصه قطع الغيار فحرام بجد كل ده يتعمل في العربيه اللي هي سند الواحد في شغله ومشاوير بيته
وغير كده لما العربيه بتقف الواحد بيبقي زي المشلول بصراحه
واسف علي الاطاله بس ده من وجه نظري وكل واحد براحته