الموضوع: ممكن اعرف مواصفات الرينو كليو 2008

مبروك على بيع العربيه و ربنا يعطيك احسن منها
الكليو 2008 1.4 8 صباب 75 حصان
القديمه بتاعتك كانت 1.4 16 صباب اعتقد احصنه فوق 90 حصان

الكماليات
تكيف -باور- سنتر -ريموت -4زجاج كهرباء -مرايات كهرباء -اير باج
اعتقد انها مجهزه لتركيب راديو كاسيت
شكل الجديده فى رأى احلى والونها تحفه (فيها لون بترولى مخلى العربيه تحفه بجد)
عندى احساس ان القديمه تقفلها احلى من الجديده

الكليو بالرغم من انها عربيه سواقتها حلوه وناعمه وتعتبر رخيصه على امكانيتها الا انى عندى رأى وهو ان الواحد ما بيصدق يغير عربيته ويجيب عربيه تانيه لها طعم واداء وركوبه مختلفه عن عربيته القديمه فرأى انك تشوف موديل تانى علشان تحس بالتغير من فئه الى فئه
ممكن تفكر فى الياريس ؟ لو امكانياتك تسمح
لو انت اخرك ال73 الف بتوع الكليو ومفيش اختيار تانى غير الانوس والفيرنا يبقى توكل على الله وهات الكليو اكيد احسن من الانوس والفرنا وانت خلاص عرفت سكه صيانه الكليو يعنى الصيانه بتعتها مش هتبقى مشكله بالنسبه لك

اشكرك يا اخ ليمو هو فعلا حدودى 74000 جينه بس قبل الكليو كان معايا هيونداى اكسنت وبعديها دايو لانوس مستمتعتش بيهم زى الكليو والكليو ال2008 بتقول 75 حصان اكيد عزمها اقل من 95 حصان ولا اية رايك وعايز اسال فيها ABS ولا لا
واية رايك لو جبت هيونداى ماتركس 77000 جينة

اكيد عزمها اقل من 1400 16 صباب
انا معايا 2003 1200 16 صباب 75 حصان
يعنى لو تلاخظ انها 75 حصان زى الجديده 1400 8 صباب
بالنسبه 1200 16 صباب سحبها حلو اوى وموفره جدا فى البنزين بس يعيبها ضعف عزمها على المطالع وانت راكب معاك ناس
مش عارف الجديده فيها abs ولا لا
االماتركس عربيه حلوه وعائليه
انا لما اعد فيها كانت واسعه وكراسيها مريحه اوى
بس انا الصراحه مبحبش شكل الماتركس بفضل شكل العربيات السيدان اكثر
اكيد الماتكس ادءها افضل من الكليو علشان 1600 107 حصان تقريبا
هوه انت هتشتري الماتركس مستعمله ؟ علشان هيه سعرها اغلى من 77 الف ج م

لآ مفيهاش abs