حسبى الله و نعم الوكيل ..
النهارده ماشى فى امان الله فى اليمين و سرعتى لا تتجاوز 40 فى وسط البلد ..
و فجاه حيوان بتاع موتوسكيل صينى طلع بعرض الطريق معرفتش افرمل على الاخر نتيجه ان فى عربيه جامبو جاى ورايا ...
و ملحقتش اقف و هو شافنى قام واقف مكانه .........
دخلت فيه و النتيجه ..
الاكصدام اتكسر من تحت خالص ..
و البخاخه اتكسرت
و الفوج طلع من مكانه ..
و فى حته فى الاكصدام دخلت لجوا ..
و الكارثه انه لما خبطه قام رامى نفسه و الموتوسيكل على كبوت العربيه عمل فيه نقره ...
نزلت و انا كل خوفى الفانوس يكون اتكسر (ب 7000 جنيه)...
و اتصدمت لما لقيت الواد بيقولى مش تفتح يا امور
بصراحه معرفتش انا بقول ايه بس كل الى اقدر اقوله انى كنت بقول كلام عمرى فى حياتى ما قلته ....
و كنت لسه همسك الواد اموته من الضرب هو و الموتوسيكل بتاعه ..
الناس اتلمت و اعدو يهدو فيا و كلام من ده ...
قمت واخد العربيه و ماشى ...
المفاجأه بقى ان الخطبه فى الاكصدام فى الشمال تحت ..
نفس المكان الى كان مكسر قبل كده بسبب كلب و غيرت الاكصدام (3700 جنيه)...
و طبعا معملتش محضر ولا كلام من ده لانه محلتوش حاجه و انا اصلا مقبلش العوض من حد مهما كانت الخسائر ...
كل الى اقدر اقوله حسبى الله و نعم الوكيل ..
انا لسه جاى حالا و اول حد احكيله انتو ..
بس بجد
انا متشائم جدا من العربيه دى و بفكر جديا اروح اخلص فلوسها مع منصور (لانها قسط) و ابيعها و اجيب اى عربيه لا تتجاوز 100 الف ...
بس هى فعلا عين ..
الصبح و انا رايح الشغل قابلت واحد صاحبى و كان كلامه كالاتى :
خالد البرنس ..
ايوه يا عم يوم بالفيكترا و يوم بالاوكتافيا ...
بس والله يا خلود الفيكترا دى فيها شويه عوجان اكتر من الاوكتافيا ...
..
ده كان كلامه ..
فعلا العين فلقت الاكصدام مرتين ..
انا مش عارف اعمل ايه ؟؟
الحم الاكصدام و ابيعها ؟؟
ابيعها من غير ما الحمه ..؟؟
الكسر طوله حوالى 10 سم ...
ولا اركنها فى الجراج و انسى ان معايا عربيه ؟؟
السلام عليكم