بص يا خالد باشا قدر الله و ما شاء فعل
و شغل قراءن كتير فى العربية و قل " سبحان الذى سخر لنا هذا و ما كنا له بمقرنين و انا الى ربنا لمنقلبون " و قل " و الله خير الحافظين " و المعوذتين و العربية بتسخن و ربنا يحفظها من كل سوء
العين فلقت الحجر ده صحيح و عاصرتها فى اكثر من عربية اخرها اول امبارح واحد بيقولى الألمانى المانى مش العربيات الكلبه اللى نازله دلوقتى اللى بيكلمنى معاه ميجان 2009 بيقولى شوف علبة الدكسيون عندك حديد عندى عايز تتغير
والله العظيم يومها لقيت طقه و نطه فى اخر الدركسيون شمال تخيل طلع ايه
فكينا العلبه و فورناها كلها فيه حاجة جوه اسمها مشرشر طلع فيه سنه مكسورة و الله العظيم الراجل بتاع العفشة كان بيخبط دماغه فى الحيط و يقللى ازاى دى صلب مينفعش دى العلبة بتترمى و بناخد المشرشر نعمله دراع نشد بيه العفشة لتحت " لافيه " و مبيحصلوش حاجة ربنا كرمنى و رحت لسمكرى ملى عليها صلب و الخراط طلع عين اهله عشان يديها شكل سن ترس و الحمد لله بس حل مؤقت لأنى مش عارف العلبة بكام و بتاع العفشة قاللى هاجيبلك واحده و اتصل بيك
فقدر الله و ما شاء فعل و لله فى خلقه شئون