توكيل كان عايز يستغفلنى

**ACE** · 04-11-2009 01:53 PM

المشاركة الأصلية كتبت بواسطة lion99990

انا مش عارف سبحان الله انا مش برتاح لرينو المقطم ده من ساعه المره المشئومه ديه ده رينو العبور برقبته

انا ما جربتش رينو المقطم فى الصيانة لاكن اشتريت منهم عربية مستعملة لواحد صاحبى وقابلت صاحب الشركة وكانو ناس فى منتهى الاخلاق والذوق
حتى انا فاكر ان فيه موقف بايخ حصل معايا ان الفلوس كانت ناقصه 500 جنيه قالولى هاتها فى وقت تانى وخلصولى الاجراءات عادى جدا

**ACE** · 04-11-2009 01:58 PM

المشاركة الأصلية كتبت بواسطة ahmed a.maksoud

أجراء وقائى............

بمعنى أيه......أنت عربيتك عامل فيها شغل فى العدادات برة.....و ممكن يكون فى شوية رفايع ( ممكن أنت نفسك متكونش عارف أنها بتنزل مع العربية ) الرفايع دى مش موجودة.

طيب هو ليه يحط نفسه فى موقف أن واحد يدخل عشان يغير حاجة و عربيته فيها حاجات ناقصة..........و ساعة الأستلام الراجل يستهبل ويسأل على الحاجات الناقصة ؟؟؟؟؟

أنا مش معاهم فى التفكير ده طبعاً بس ده تحليلى للموقف.

و غالباً الورقة اللى كانو عاوزينك تمضى عليها عبارة عن أسطمبة.....يعنى عربية عاملة حادثة زى عربية سليمة.

كان في زميل ( مش فاكر مين بالظبط الصراحة ) مرضيوش يستلمو العربية منه عشان فيها مشكلة فى الردياتير ممكن تخلى العربية تسخن و تضيع الموتور......طلبو أنهم يصلحوه بس هو كان هيصلحه برة.....قالولو تعالى بعد ما تصلحه.......مش هينفع نستلم العربية و الردياتير بايظ إلا لو هتصلحه عندنا.

تحليلك اكيد مظبوط

بس المفروض ان انا اللى اخليهم يمضو ورقة باستلام العربية مش العكس
والطبيعى ان المهندس يستلم العربية بدون اى حاجه خاصة انى رايح بالعربية سليمة وكل حاجه فيها زى الفل وفعلا العربية مافيش فيها خربوش واحد والعيب اللى انا رايح علشانه مش بيظهر الا لو العربية بارده
انا روحت اشتريت عداد كامل استيراد علشان اريح دماغى وركبته بنفسى واشتغل 100%

**ACE** · 04-11-2009 02:02 PM

المشاركة الأصلية كتبت بواسطة akmal_hamdi

ياباشا ده لازم انا امبارح باليل واحد راكب نيو سيراتو جديده لسه مستلمها مركبش نمر و راح يركب لها انذار عند واحد حمار طير الكونترول يونت بتاع العربيه و العربيه و قفت مدرتش قدامى و جاب و نش طبليه نقلها ابو رواش و بتاع الأنذار قالو انت جاى بيها كده قالوا يعنى هيا باظت هنا بس قالوا روح وديها التوكيل و قولهم هى عملت كده لوحدها و هما يصلحوها ده برضو يرضى ربنا حط نفسك مكان صاحب الشركه بردو انت تتحمل مسئوليه الصنايعى
وخالد بيه و هانى عارفين ان جنب القهوه بتاعت واحد بتاع مفاتيح و عامل نفسه بتاع انذار و انا شفت الموقف ده بعينى

لازم ازاى يا اكمل
يعنى انت ترضى تودى عربيتك التوكيل ويخلوك تمضى ان عربيتك شوربة وقطع الغيار اللى ناقصه لايمكن حصرها وعامله حادثة شديدة جدا ؟؟؟؟؟؟؟؟؟؟؟
ياراجل قول كلام غير ده
وبعدين انا عربيتى خارج الضمان يعنى كنت هصلحها بالفلوس وممكن يشتغلونى براحتهم لو حصل اى حاجه

**akmal_hamdi** · 05-11-2009 01:38 AM

المشاركة الأصلية كتبت بواسطة ace

لازم ازاى يا اكمل
يعنى انت ترضى تودى عربيتك التوكيل ويخلوك تمضى ان عربيتك شوربة وقطع الغيار اللى ناقصه لايمكن حصرها وعامله حادثة شديدة جدا ؟؟؟؟؟؟؟؟؟؟؟
ياراجل قول كلام غير ده
وبعدين انا عربيتى خارج الضمان يعنى كنت هصلحها بالفلوس وممكن يشتغلونى براحتهم لو حصل اى حاجه

انا بتكلم فى حاله الضمان