الموضوع: توكيل كان عايز يستغفلنى

المشاركة الأصلية كتبت بواسطة ACE

كان عندى مشكلة فى عدادات العربية فروحت التوكيل
لاقيته بيقولى انت صلحتها بره قبل كده ؟
قولتله اه حصل
انا حر
فقالى يبقى لازم تمضى على الاقرار ده علشان نستلم العربية
والباشا المهندس لاقيته جايبلى ورقة غريبة جدا
عايزين يخلونى امضى على اقرار مكتوب فيه ان عربيتى عاملة حادثة شديدة جدا مما ادى الى فقد قطع غيار السيارة
وقطع الغيار الناقصه لايمكن حصرها
وان العربية احتمال تولع فى التوكيل لان فيها سلوك عريانة
يعنى من الاخر انا شايلها على عربية كارو

انا مسكت الورقة وقلتله بس انا عربيتى مافيش فيها الكلام ده ولاحتى فيها خربوش واحد
قالى احنا بناخد احتياطى افرض عربيتك اتحرقت بعد ما استلمناها
قولتله ياعم الحاج عربيتى زى الفل وكل المشكلة ان العداد بيعلق واحيانا مش بيشتغل
ايه بقى اللى هيحرقها ؟؟؟؟
قالى ده روتين
روحت مديله الورقة وقلتله sorry

الكلام ده طبيعى يا جماعة ولا هما كانو عايزين يستغفلونى ؟
علما بان دى مش اول مرة اروح التوكيل بس كانت اول مرة يتعمل معايا حوار غريب زى ده

عمالة تلعب فى دماغى اشتريها
وخايف من لسعاتها اللى بتقول عليها

دا كلام حضرتك هنا : يا حبيبتي يا ميجان

حضرتك بتتكلم عن أنهو عربية معلش علشان أن كدا إتلخبطت

أيوا كدا الصورة وضحت

كليو موديل كام و حضرتك بتعمل صياناتها فين ؟

أجراء وقائى............

بمعنى أيه......أنت عربيتك عامل فيها شغل فى العدادات برة.....و ممكن يكون فى شوية رفايع ( ممكن أنت نفسك متكونش عارف أنها بتنزل مع العربية ) الرفايع دى مش موجودة.

طيب هو ليه يحط نفسه فى موقف أن واحد يدخل عشان يغير حاجة و عربيته فيها حاجات ناقصة..........و ساعة الأستلام الراجل يستهبل ويسأل على الحاجات الناقصة ؟؟؟؟؟

أنا مش معاهم فى التفكير ده طبعاً بس ده تحليلى للموقف.

و غالباً الورقة اللى كانو عاوزينك تمضى عليها عبارة عن أسطمبة.....يعنى عربية عاملة حادثة زى عربية سليمة.

كان في زميل ( مش فاكر مين بالظبط الصراحة ) مرضيوش يستلمو العربية منه عشان فيها مشكلة فى الردياتير ممكن تخلى العربية تسخن و تضيع الموتور......طلبو أنهم يصلحوه بس هو كان هيصلحه برة.....قالولو تعالى بعد ما تصلحه.......مش هينفع نستلم العربية و الردياتير بايظ إلا لو هتصلحه عندنا.